FH - Keflavík, 3:2

FH held­ur lífi í bar­áttu sinni við Kefla­vík um Íslands­meist­ara­titil­inn með sigri, 3:2, á Kefla­vík­urliðinu á Kaplakrika­velli í leik sem var að ljúka en mikla svipt­ing­ar voru í leikn­um á síðasta stund­ar­fjórðungi hans. Atli Viðar Björns­son skoraði sig­ur­mark FH fjór­um mín­út­um fyr­ir leiks­lok en áður hafði Magnús Sverr­ir Þor­steins­son skorað tvö mörk fyr­ir Kefla­vík á 77. og 81. mín­útu. Jafn­tefli hefði tryggt Kefla­vík Íslands­meist­ara­titil­inn.
Fylgst er með gangi mála í beinni texta­lýs­ingu hér á mbl.is.

Eft­ir frek­ar mein­laus­an fyrri hálfleik hljóp meira fjör í leik­inn í síðari hálfleik þar sem FH-ing­ar voru lengst af sterk­ari. Ásgeir Gunn­ar Ásgeirs­son kom FH á bragðið með góðu skoti rétt utan víta­teigs á 57. mín­útu. Kefla­vík­ing­ar reyndu að klóra í bakk­ann eft­ir markið en allt kom fyr­ir ekki og FH-liðið var sterk­ara. Kom eng­um á óvart þegar það komst tveim­ur mörk­um yfir með marki Atla Viðars Björns­son­ar á 67. mín­útu. Næst­ur mín­út­ur á eft­ir var FH-liðið lík­legra til að bæta við þriðja mark­inu en Kefla­vík að klóra í bakk­ann.

Tvö­föld skipt­ing Kristjáns Guðmunds­son­ar, þjálf­ara Kefla­vík­ur, á 71. mín­útu bar ávöxt sex mín­út­um síðar þegar Magnús Sverr­ir Þor­steins­son skoraði lag­legt mark með skoti rétt utan teigs. Fram að mark­inu benti samt fátt til þess að lið Kefla­vík­ur væri að sækja í sig veðrið. Eft­ir markið hljóp mik­ill kraft­ur í Kefla­vík­urliðið og kom eng­um á óvart að þeir jöfnuðu leik­inn á 81. mín­útu. Aft­ur var Magnús Sverr­ir á ferðinni.

FH-ing­ar neituðu að gef­ast upp og blesu til sókn­ar en Kefl­vík­ing­ar voru áfram hættu­leg­ir en jöfn staða, 2:2, þýddi að Íslands­meist­ara­titil­inn var í höfn hjá þeim eft­ir 35 ára bið.

Sú ekki raun­in. FH-ing­ar héldu áfram að sækja og Atli Viðar tryggði Hafn­f­irðing­um sig­ur þegar hann skallaði í mark Kefla­vík­ur eft­ir frá­bæra send­ingu frá Tryggva Guðmunds­syni. Leik­menn Kefla­vík­ur reyndu hvað þeir gátu í fjög­urra mín­útna upp­bót­ar­tíma að jafna met­in en tókst ekki. Þeir voru nærri því og einu sinni dansaði knött­ur­inn eft­ir marks­lá FH marks­ins.

Lið FH: Gunn­ar Sig­urðsson - Denn­is Siim, Tommy Niel­sen, Freyr Bjarna­son, Ásgeir Gunn­ar Ásgeirs­son, Davíð Þór Viðars­son, Tryggvi Guðmunds­son, Atli Guðna­son, Guðmund­ur Sæv­ars­son, Matth­ías Guðmunds­son, Atli Viðar Björns­son.

Vara­menn: Daði Lárus­son, Jón­as Grani Garðars­son, Matth­ías Vil­hjálms­son, Há­kon Atli Hall­freðsson, Björn Daní­el Sverris­son, Birk­ir Hall­dór Sverris­son, Hjört­ur Logi Val­g­arðsson.

Lið Kefla­vík­ur: Ómar Jó­hanns­son - Guðjón Árni Ant­on­íus­son, Kenn­eth Gustafs­son, Guðmund­ur Stein­ars­son, Sím­un Eilier Samu­el­sen, Jó­hann Birn­ir Guðmunds­son, Brynj­ar Guðmunds­son, Pat­rik Ted Redo, Hall­grím­ur Jónas­son, Hólm­ar Örn Rún­ars­son, Hans Yoo Mat­hiesen.

Vara­menn: Jón Gunn­ar Ey­steins­son, Magnús Sverr­ir Þor­steins­son, Ein­ar Orri Ein­ars­son, Magnús Þórir Matth­ías­son, Þór­ar­inn Brynj­ar Kristjáns­son, Hörður Sveins­son, Magnús Þorm­ar.

Kefl­vík­ing­ar hafa fagnað mikið í sum­ar. mbl.is/​hag

FH	3:2	Kefla­vík	Opna lýs­ingu Loka
90. mín. Kefla­vík fær horn­spyrnu
Ásgeir Gunnar Ásgeirsson (57. mín.) Atli Viðar Björnsson (67. mín.) Atli Viðar Björnsson (90. mín.) Mörk Magnús S. Þorsteinsson (77. mín.) Magnús S. Þorsteinsson (81. mín.) Ásgeir Gunnar Ásgeirsson (35. mín.) Dennis M. Siim (39. mín.) Spjöld Brynjar Örn Guðmundsson (49. mín.) mín. 90 Leik lokið 90 Keflavík fær hornspyrnu 90 MARK! Atli Viðar Björnsson (FH) skorar 89 Guðmundur Steinarsson (Keflavík) á skot framhjá 88 Hólmar Örn Rúnarsson (Keflavík) á skot framhjá 88 Davíð Þór Viðarsson (FH) á skalla sem fer framhjá - FH liðið sækir mjög stíft um þessar mundir. 86 FH fær hornspyrnu 86 Tryggvi á skot í markslá Keflavíkur eftir að hann varð skyndilega einn og óvaldaður á markteig. 85 Matthías Vilhjálmsson (FH) kemur inn á 85 Ólafur Páll Snorrason (FH) fer af velli 85 Hjörtur Logi Valgarðsson (FH) kemur inn á 85 Freyr Bjarnason (FH) fer af velli 81 MARK! Magnús S. Þorsteinsson (Keflavík) skorar eftir slaka hreinsun hjá Guðmundi Sævarssyni. Virtist sem Guðmundur spyrnti knettinum í Magnús. 80 Gunnar Sigurðsson grípur vel inn í leikinn eftir þunga sókn Keflavíkurliðsins sem virðist hafa öðlast sjálfstraustið á ný eftir að hafa skorað. 78 Bjarni Hólm Aðalsteinsson (Keflavík) kemur inn á 78 Viktor Guðnason (Keflavík) fer af velli 77 MARK! Magnús S. Þorsteinsson (Keflavík) skorar 76 FH fær hornspyrnu 72 Atli Viðar Björnsson (FH) á skalla sem fer framhjá 71 Jón Gunnar Eysteinsson (Keflavík) kemur inn á 71 Stefán Örn Arnarson (Keflavík) fer af velli 71 Magnús S. Þorsteinsson (Keflavík) kemur inn á 71 Jóhann B. Guðmundsson (Keflavík) fer af velli 71 FH fær hornspyrnu 69 FH-ingar hafa verið nærri því að bæta við þriðja markinu en leikmenn Keflavíkur að klóra í bakkann. 69 Atli Guðnason (FH) á skalla sem fer framhjá 67 MARK! Atli Viðar Björnsson (FH) skorar 65 Ólafur Páll Snorrason (FH) á skalla sem fer framhjá 63 FH fær hornspyrnu 61 Keflvíkingar hafa sótt í sig veðrið eftir að FH komst yfir fyrir fáeinum mínútum. 60 Guðmundur Steinarsson var að sleppa inn fyrir vörn FH en Tommy Nielsen tókst að koma í veg fyrir hættu með því að vinna boltann af Guðmundi. 58 Guðmundur Steinarsson (Keflavík) á skot framhjá 57 MARK! Ásgeir Gunnar Ásgeirsson (FH) skorar með frábæru skoti rétt utan vítateigs eftir hornspyrna FH hafði verið skölluð frá markinu. 57 FH fær hornspyrnu 57 FH-ingar hafa byrjað seinni hálfleik af nokkrum krafti. 56 Tryggvi vinnur aukaspyrnu rétt utan vítateigs, vinstra megin. Siim tekur spyrnuna en hún fer í varnarmann Keflavíkur og færið rennur þar með út í sandinn. 49 Brynjar Örn Guðmundsson (Keflavík) fær gult spjald 47 FH fær hornspyrnu 46 FH fær hornspyrnu 46 Leikur hafinn 45 Hálfleikur 45 Jóhann Birnir bjargar á marklínu eftir að fyrirgjöf Tryggva Guðmundssonar hafði hrokkið af einum samherja hans í átt að markinu. 45 Tryggvi Guðmundsson (FH) á skot framhjá 44 Tryggvi Guðmundsson (FH) á skalla sem fer framhjá 41 Keflavík fær hornspyrnu -aftur 41 Keflavík fær hornspyrnu 40 Guðmundur Steinarsson (Keflavík) á skalla sem fer framhjá 40 Keflavík fær hornspyrnu 39 Dennis M. Siim (FH) fær gult spjald fyrir að stöðva knöttinn með hendi. 35 Ásgeir Gunnar Ásgeirsson (FH) fær gult spjald 35 FH fær hornspyrnu 34 Atli Viðar Björnsson komst í uplagt færi á rétt við markteigshorn, renndi boltanum framhjá Ómari markverði en Hallgrímur Jónasson náði að bjarga í horn áður en boltinn fór í markið. Besta færi FH til þessa og það kom eftir sendingu frá Matthíasi Guðmundssyni. 34 Ásgeir Gunnar Ásgeirsson (FH) á skot framhjá 33 FH fær hornspyrnu 30 Gríðarleg barátta hefur verið í leiknum og hart barist um boltann um allan völl. 29 Símun Samuelsen (Keflavík) á skot framhjá -mislukkað skot með vinstri fæti sem fór víðsfjarri marki FH. 25 Ásgeir Gunnar Ásgeirsson (FH) á skot framhjá 21 FH fær hornspyrnu 21 Ásgeir Gunnar Ásgeirsson (FH) á skot sem er varið 20 Símun Samuelsen sleppur inn fyrir vörn FH en missir boltann aðeins og langt frá sér þar sem Gunnar kemur höndum á boltann 20 Redo sleppur aftur í gegnum vörn FH, vippar yfir Gunnar markvörð en Dennis Siim bjargar marki og máttlausu skoti Redo. 19 Viktor Guðnason (Keflavík) á skot framhjá eftir að hafa komist einn í gegnum vörn FH gegn Gunnari markverði. Redo hafði nægan tíma en brást bogalistinn. 12 Þriðja rangstaða dæmd á Keflavíkurliðið - nú síðast var um rangan dóm að ræða. 10 átti aukaspyrnu vinstra megin á miðjum vallarhelmingi FH. Sending hans inn á vítateig Keflavíkur er góð en Guðmundur Steinarsson er of seinn að ná til boltanum sem fer aftur fyrir endamörk. 7 FH fær hornspyrnu 7 Keflvíkingar eru heldur að færa sig upp á skaftið. 3 FH - ingar byrja með látum og Tryggvi Guðmundsson hafði nærri komist í boltann á marteig eftir fyrirgjöf Atla Guðnasonar frá hæri. 1 Leikur hafinn 0 FH á þrjá leiki eftir, Keflavík í dag, Breiðablik á miðvikudag og Fylki næsta laugardag, og verður að vinna þá alla til að verða meistari - og treysta jafnframt á að Keflavík vinni ekki Fram. 0 Keflvíkingar verða Íslandsmeistarar í fyrsta skipti í 35 ár ef þeir fara með stig úr Kaplakrika í dag. Tapi þeir leiknum, fá þeir annað tækifæri til að tryggja sér titilinn gegn Fram á heimavelli í lokaumferðinni. 0 Keflavík vann FH, 3:1, í 16-liða úrslitum bikarkeppninnar í sumar. Guðmundur Steinarsson, Guðjón Árni Antoníusson og Patrik Redo skoruðu fyrir Keflavík en Matthías Vilhjálmsson gerði mark FH-inga. 0 Keflavík vann FH, 1:0, í fyrri leik liðanna í deildinni í sumar. Magnús S. Þorsteinsson skoraði sigurmarkið á lokamínútum leiksins. Sjá meira Sjá allt FH: (M), . Varamenn: (M), . Keflavík: (M), . Varamenn: (M), . Skot: FH 12 (4) - Keflavík 8 (2) Horn: FH 11 - Keflavík 4. Lýsandi: Völlur: Kaplakriki Áhorfendafjöldi: 2.118. Leikur hefst 21. sept. 2008 16:00 Aðstæður: Er að ganga í suðvestan slagveðursrigningu skömmu áður en leikurinn hefst, 10 stiga hiti. Dómari: Kristinn Jakobsson Aðstoðardómarar: Sigurður Óli Þórleifsson og Einar Sigurðsson

• 4 blogg um frétt­ina

Bloggað um frétt­ina

• Stefán Friðrik Stef­áns­son: Há­spenna í Hafnar­f­irði
• Gísli Sig­urðsson: Svekk­elsi
• Friðrik B: Krist­inn gunga og Tryggi með Drogba syndrome
• Heim­ir Lárus­son Fjeld­sted: vis­ir.is dal­ar strax