Færri áhorfendur í fyrstu fimm umferðunum

Áhorf­end­um á leikj­um í úr­vals­deild karla í knatt­spyrnu hef­ur fækkað um 274 að meðaltali á leik, miðað við sama tíma og í fyrra. Vorið 2008 sáu 41.665 áhorf­end­ur fyrstu 30 leiki deild­ar­inn­ar en í ár eru þeir 33.441 á fyrstu 30 leikj­un­um.

Meðalaðsókn á leik í vor er samt yfir meðaltali síðasta árs í heild sinni. Núna hafa 1.115 manns að meðaltali mætt á hvern leik í deild­inni en allt síðasta tíma­bil mættu að meðaltali 1.106 manns á hvern leik. Aðsókn­in þá minnkaði því tals­vert þegar leið á tíma­bilið.

Sex af þeim tíu liðum sem eru áfram í deild­inni frá því í fyrra eru með betri meðalaðsókn nú en á síðasta tíma­bili og hjá FH hef­ur áhorf­end­um fjölgað um 200 manns að meðaltali á leik.

Sjá nán­ar í íþrótta­blaði Morg­un­blaðsins í dag þar sem fjallað er um aðsókn­ina, fimmta um­ferð úr­vals­deild­ar­inn­ar er gerð upp og lið um­ferðar­inn­ar valið.