Valssigur á KR-velli

Vals­menn unnu mik­inn bar­átt­u­sig­ur, 4:3, á KR í Frost­kjóli í dag í fyrsta leik liðsins und­ir stjórn Atla Eðvalds­son­ar í Pepsi-deild karla. Leik­ur­inn var bráðskemmti­leg­ur og fór fram í blíðskap­ar­veðri. Staðan var jöfn í hálfleik, 2:2, en KR-liðið hafði tals­verða yf­ir­burði í leikn­um fyrsta hálf­tím­ann.

Vals­menn komu vel ein­beitt­ir til leiks í síðari hálfleik og komust yfir þegar tíu mín­út­ur voru liðnar af hálfleikn­um með marki Helga Sig­urðsson­ar út víta­spyrnu. Bjarni Guðjóns­son hafði áður brotið á Helga sem var við það að sleppa í gegn­um vörn KR. Bjarni fékk rauða spjaldið að laun­um frá Jó­hann­esi Val­geirs­syni. Eft­ir það léku KR-ing­ar ein­um leik­manni færri.

Vikt­or Unn­ar Ill­uga­son kom Val í 4:2 á 67. mín­útu. Þrátt fyr­ir harða sókn síðustu rúm­ar 20 mín­út­ur leiks­ins tókst KR aðeins að skora eitt mark og varð þar að verki Bald­ur Sig­urðsson á 69. mín­útu.

Fylgst var með leikn­um í beinni texta­lýs­ingu á mbl.is.

Byrj­un­arlið KR: Atli Jónas­son - Grét­ar Sig­finn­ur Sig­urðar­son, Bjarni Eggerts Guðjóns­son, Jón­as Guðni Sæv­ars­son, Skúli Jón Friðgeirs­son, Atli Jó­hanns­son, Óskar Örn Hauks­son, Björgólf­ur Takefusa, Guðmund­ur Bene­dikts­son, Bald­ur Sig­urðsson, Jor­dao Da En­varnacao T. Di­ogo.
Vara­menn: Ein­ar Andri Ein­ars­son (M), Guðmund­ur Pét­urs­son, Gunn­ar Kristjáns­son, Ingólf­ur Sig­urðsson, Gunn­ar Örn Jóns­son, Prince Lin­val Reu­ben Mat­hilda, Eggert Rafn Ein­ars­son.

Byrj­un­arlið Vals: Har­ald­ur Björns­son - Steinþór Gísla­son, Reyn­ir Leós­son, Atli Sveinn Þór­ar­ins­son, Sig­ur­björn Örn Hreiðars­son, Bald­ur Bett, Hafþór Ægir Vil­hjálms­son, Helgi Sig­urðsson, Ian Dav­id Jeffs, Bjarni Ólaf­ur Ei­ríks­son, Mar­el Jó­hann Bald­vins­son.
Vara­menn: Kjart­an Sturlu­son (M), Guðmund­ur Viðar Mete, Pét­ur Georg Mark­an, Ein­ar Marteins­son, Bald­ur Ingimar Aðal­steins­son, Guðmund­ur Steinn Haf­steins­son, Vikt­or Unn­ar Ill­uga­son.

KR	3:4	Val­ur	Opna lýs­ingu Loka
90. mín. Óskar Örn á auka­spyrnu frá miðjum vall­ar­helm­ingi Vals, vinstra meg­in, en send­ing­in fór of inn­ar­lega svo Har­ald­ur markvörður hirðir bolt­ann.
Guðmundur Benediktsson (6. mín.) KR (19. mín.) Baldur Sigurðsson (69. mín.) Mörk Atli Sveinn Þórarinsson (10. mín.) Pétur Georg Markan (39. mín.) Helgi Sigurðsson (55. mín.) Viktor Unnar Illugason (67. mín.) Bjarni Guðjónsson (54. mín.) Spjöld Viktor Unnar Illugason (64. mín.) Sigurbjörn Hreiðarsson (90. mín.) mín. 90 Leik lokið og Valsmenn þakka stuðningsmönnum innilega fyrir. KR-ingar gera slíkt hið sama. Stuðningsmenn Vals syngja og eru kátir og skal engan undra. 90 Óskar Örn á aukaspyrnu frá miðjum vallarhelmingi Vals, vinstra megin, en sendingin fór of innarlega svo Haraldur markvörður hirðir boltann. 90 Sigurbjörn Hreiðarsson (Valur) fær gult spjald 90 Helgi Sigurðsson (Valur) á skalla sem fer framhjá 90 Grétar S. Sigurðarson (KR) á skot framhjá - af stuttu færi. 90 Fjórum mínútum bætt við fjörið hér á KR-velli. Heimamenn sækja af miklum móð. 89 KR fær hornspyrnu 89 Valur fær hornspyrnu - ekkert verður úr. 88 Prince er við það að sleppa í gegn en Haraldur er vel með á nótunum í marki Vals og nær knettinum með snörpu úthlaupi. 86 Bjarni Ólafur verður fyrir hnjaski. Eftir að hafa verið skoðaður heldur hann leik áfram. KR-ingar sækja nú mjög stíft. 84 Skúli Jón hindraður í vítateig Vals þar sem hann ætlað að skalla knöttinn að marki. KR-ingar vilja vítaspyrnu og sennilega með réttu en Jóhannes dómari lætur allar slíkar óskir sem vind um eyru þjóta. 84 KR fær hornspyrnu 83 Baldur I. Aðalsteinsson (Valur) á skot framhjá 82 Grétar S. Sigurðarson (KR) á skalla sem fer framhjá 82 KR fær hornspyrnu 80 Guðmundur Pétursson (KR) á skalla sem er varinn -máttlaus skalli. 79 tilynnt er að 1.425 áhorfendur séu viðstaddir þennan leik. Þeir hafa fengið talsvert peninginn. 78 Gunnar Kristjánsson (KR) á skot framhjá 72 - enn hitnar í kolunum hér á KR-velli. Nú átti Guðmundur Pétursson bakfallsspyrnu af stuttu færi en knötturinn fór rétt framhjá markinu. KR-ingar eru staðráðnir í jafna metin en Valsmenn eru skeinuhættir í skyndiupphlaupum sínum. Sennilega er síðasta mark leiksins ekki enn komið í þessu leik ef fram heldur sem horfir. 71 KR fær hornspyrnu 69 Gunnar Kristjánsson (KR) kemur inn á 69 Atli Jóhannsson (KR) fer af velli 69 Prince Rajcomar (KR) kemur inn á 69 Björgólfur Takefusa (KR) fer af velli 69 MARK! Baldur Sigurðsson (KR) skorar - eftir hornspyrnu Óskars Arnar barst knötturinn inn á vítateigs þar einn KR-ingur nikkaði boltanum áfram inn á markteig þar sem Baldur rak höfuðið í boltann og stýrði honum í markið. Talsverð þvaga var í kringum Baldur sem var fyrstur að átta sig á boltanum. 69 KR fær hornspyrnu 68 Guðmundur Pétursson (KR) á skalla sem er varinn - frábærlega af Haraldi í horn. 68 Óskar Örn Hauksson (KR) á skot í þverslá 67 MARK! Viktor Unnar Illugason (Valur) skorar - náði frákasti eftir að Atli hafði varið skot hans eftir að Viktor slapp inn vinstra megin í vítateignum. 67 Viktor Unnar Illugason (Valur) á skot sem er varið 65 Baldur Sigurðsson (KR) á skalla sem fer framhjá 65 KR fær hornspyrnu 64 Viktor Unnar Illugason (Valur) fær gult spjald -brot. 63 Guðmundur Pétursson (KR) á skot framhjá í opnu færi rétt innan vítateigs. Sendi knöttinn hátt yfir við litla ánægju stuðningsmanna KR sem nokkuð eru farnir að ókyrrast. 61 Pétur Georg Markan (Valur) á skot sem er varið 59 Guðmundur Pétursson (KR) kemur inn á 59 Guðmundur Benediktsson (KR) fer af velli 59 Atli Jóhannsson (KR) á skot framhjá 55 Logi Ólafsson er strax farinn að huga að breytingum á KR-liðinu eftir að það varð að sjá á bak Bjarna Guðjónssonar. Skipting verður á allra næstu mínútum. 55 MARK! Helgi Sigurðsson (Valur) skorar úr víti 54 Bjarni Guðjónsson (KR) fær rautt spjald - fyrir brtjóta á Helga Sigurðssyni. 54 Valur fær víti -eftir að Bjarni Guðjónsson hafði teikað Helga sem var að sleppa inn fyrir vörnina. 53 Pétur Georg Markan (Valur) á skot framhjá 51 Helgi Sigurðsson (Valur) á skot sem er varið 50 KR fær hornspyrnu - en Haraldur grípur boltann. 48 Guðmundur Ben og Haraldur Björnsson markvörður Vals lenda í samstuð. Stumrað er yfir báðum og halda þeir áfram leik. Sennilega hefur farið um Atla Eðvaldsson þjálfara Vals því hann heftur ekki möguleika á fleiri skiptingum. 47 Viktor Unnar Illugason (Valur) á skot sem er varið 46 Baldur I. Aðalsteinsson (Valur) kemur inn á 46 Steinþór Gíslason (Valur) fer af velli - kemur ekki á óvart þar sem Steinþór meiddist undir lok fyrri hálfleiks. 46 Leikur hafinn - vonandi verður síðari hálfleikur jafn skemmtilegur og sá fyrrri. KR-ingar hefja síðari hálfleik með knöttinn. 45 Nú fer síðari hálfleikur að hefjast. Leikmenn eru þess albúnir að Jóhannes Valgeirsson gefi merki um að hefja leik á ný. 45 Hálfleikur og hitamælirinn á KR velli slær upp í 20 gráður á celsíus. 45 Atli Jóhannsson (KR) á skalla sem fer framhjá - viðsfjarri markinu. 45 Atli Jóhannsson (KR) á skot sem er varið 44 Helgi Sigurðsson (Valur) á skot í stöng af vítateigshorni eftir að hafa leikið á Atla markvörð sem var í hreint ævintýralegu skógarhlaupi. 39 MARK! Pétur Georg Markan (Valur) skorar - eftir sendingu frá Sigurbirni þá slapp Pétur inn fyrir, hann snéri á varnarmenn KR og skaut boltanum frámhjá Atla sem hafði hætt sér helst til of langt frá marki sínu. 36 Valsmenn hafa heldur verið að færa sig upp á skaftið síðustu mínútur en ekki náð að skapa sér mikið. Ian Jeffs fékk þó opið skottækifæri rétt utan vítateigs en kixkaði svo illa að eftirminnilegt verður. 32 Björgólfur á skot utan teigs sem er varið en búið var að dæma rangstöðu. 30 Það er glatt á hjalla meðal stuðningsmanna KR eins og eðlilegt er við þessar aðstæður. Þeir syngja ákaft. Minna fer fyrir rauðklæddum Valsmönnum í áhorfendastúkunni. 29 Viktor Unnar nærri sloppinn í gegnum vörn KR en varnarmenn KR voru með á nótunum og tóku boltann af Viktori á elleftu stundu. 29 Jordao Diogo (KR) á skot framhjá -sennilega átti þetta að vera sending. 27 Rangstaða á Björgólf. KR-ingar hafa svo sannarlega tögl og haldir í leiknum. 25 Skúli Jón Friðgeirsson (KR) á skalla sem fer framhjá - eftir hornspyrnu Guðmundar Ben. 25 KR fær hornspyrnu 23 Grétar S. Sigurðarson (KR) á skot sem er varið 22 Óskar Örn Hauksson (KR) á skot framhjá - KR-ingar hafa verið mun sterkari það sem af er leiknum og verðskulda forystuna. 19 MARK! KR (KR) skorar -Sigurbjörn Hreiðarsson sendir knöttinn með föstu skoti í eigið mark eftir fyrirgjöf Guðmundar Benediktssonar. 18 KR fær hornspyrnu 18 Atli Jóhannsson (KR) á skot sem er varið 17 Óskar Örn Hauksson (KR) á skot sem er varið 16 Viktor Unnar tekur stöðu Marels Jóhanns í fremstu víglínu. 13 Viktor Unnar Illugason (Valur) kemur inn á 13 Hafþór Ægir Vilhjálmsson (Valur) fer af velli - hann varð fyrir hnjaski snemma leiks. 11 Pétur Georg Markan (Valur) kemur inn á 11 Marel J. Baldvinsson (Valur) fer af velli - vegna meiðsla. Fór að haltra fljótlega eftir að leikurinn hófst. 10 MARK! Atli Sveinn Þórarinsson (Valur) skorar - eftir hornspyrnu Hafþórs Ægis frá hægri stökk Atli Sveinn hæst í vítateignum og skallaði í fjærhornið. 10 Valur fær hornspyrnu 6 MARK! Guðmundur Benediktsson (KR) skorar -eftir laglegt þríhyrningsspil með Björgólfi Takefusa var Guðmundur fór gegn Haraldi markverði Vals og vippaði yfir pilt sem kom út á móti. Laglegt mark. 4 Jónas Guðni Sævarsson (KR) á skot framhjá 4 Óskar Örn Hauksson (KR) á skot framhjá 1 Hafþór Ægir Vilhjálmsson brýtur á KR-ingi rétt utan vítateigshornsins Valsmegin og meiðist lítillega. Heldur áfram leik. 1 Leikur hafinn 0 Nú hafa leikmenn KR og Vals gengið inn á leikvöllinn. Leikmenn heilsast og gera sig síðan klára til til að ganga til leiks. 0 Leikmenn úr 6. flokki karla hjá KR ganga nú inn á leikvöllinn. Þeir stóðu sig afar vel á Shellmótinu í Eyjum fyrir skömmu. Drengjunum er vel fagnað. 0 Velkomin með mbl.is á viðureign KR og Vals á heimavelli KR í Pepsi-deild karla í knattspyrnu. Hér eru aðstæður alla eins og best verður á kostið. Leikmenn beggja liða hita nú upp af miklum móð í sólinni sem skín glatt hér í vesturbænum. 0 Mark Rudgers meiddist í bikarleik KR og Víðis á dögunum og er ekki leikmannahópi KR í dag. 0 Valur hefur haft undirtökin í viðureignum liðanna í deildinni undanfarin þrjú ár, hefur unnið þrjá leiki en KR einn, og tveir hafa endað með jafntefli. Á KR-velli í fyrra vann Valur 2:1 með tveimur mörkum Helga Sigurðssonar en Björgólfur Takefusa svaraði fyrir KR. 0 KR og Valur hafa mæst í 132 skipti á Íslandsmóti frá 1915. KR hefur unnið 49 leiki, Valur 45, en 38 hafa endað með jafntefli. KR hefur skorað 235 mörk en Valur 183. 0 Atli Eðvaldsson, sem var leikmaður KR 1990-1993 og þjálfari 1998-1999, stjórnar Val í fyrsta skipti í deildaleik. Hann stýrði liðinu fyrst í bikarleik gegn KA á mánudaginn þar sem Valur sigraði 3:2 eftir framlengingu. 0 Stefán Logi Magnússon markvörður KR tekur út leikbann í dag en hann fékk rauða spjaldið í bikarleik gegn Víði á mánudaginn. 0 KR er í 2. sæti úrvalsdeildar með 21 stig eftir 11 leiki. Valur er í 6. sæti með 16 stig eftir 10 leiki. Sjá meira Sjá allt KR: (M), . Varamenn: (M), . Valur: (M), . Varamenn: (M), . Skot: KR 22 (10) - Valur 12 (9) Horn: KR 9 - Valur 2. Lýsandi: Völlur: KR-völlur Leikur hefst 11. júlí 2009 16:00 Aðstæður: Eins og þær gerast besta, hægviðri, glaðasólskin, hiti 19 stig, völlurinn lítur ljómandi vel út. Dómari: Jóhannes Valgeirsson Aðstoðardómarar: Ólafur Ingvar Guðfinnsson og Frosti Viðar Gunnarsson

• 4 blogg um frétt­ina

Bloggað um frétt­ina

• Heim­ir Lárus­son Fjeld­sted: Hörm­ung
• Gísli Foster Hjart­ar­son: Ágæt skemmt­un en......
• Óðinn Þóris­son: Sann­gjarn Vals­sig­ur
• Gunn­ar Gunn­ars­son: Að sjálf­sögðu