Haraldur heim með ólétta konu

Haraldur Freyr Guðmundsson er á ný orðinn leikmaður Keflavíkur og mun leika með liðinu til loka leiktíðarinnar í Pepsideildinni í knattspyrnu.

Haraldur var síðast á mála hjá Apollon Limassol á Kýpur, eftir að hafa leikið í Noregi með Aalesund, en hann var laus allra mála þar. Eftir að hafa kannað landslagið í Evrópu ákvað hann að skrifa undir hjá Keflvíkingum og að sögn Þorsteins Magnússonar formanns knattspyrnudeildar Keflavíkur spilaði eflaust inn í þá ákvörðun sú staðreynd að kona Haraldar er ólétt.

Í samningi Haraldar er ákvæði um að finni hann sér ekki nýtt félag erlendis í vetur muni hann einnig spila með Keflvíkingum næsta sumar.

Haraldur, sem er miðvörður, lék síðast með Keflvíkingum árið 2004.

• 1 blogg um fréttina

Bloggað um fréttina

• Gísli Foster Hjartarson: Styrkur...og vel það