Íþróttir | Íslenski fótboltinn | mbl | 26.9.2009 | 17:51

Fimm stjörnu leikur hjá Björgólfi

Atli Eðvaldsson og Þorgrímur Þráinsson stýra liði Vals í síðasta sinn í dag. Morgunblaðið/ Golli

KR vann í dag 5:2 sigur á Val í lokaumferð Pepsideildar karla í knattspyrnu og tryggði sér þar með endanlega silfurverðlaunin á Íslandsmótinu þetta árið. Björgólfur Takefusa gerði öll fimm mörk KR í leiknum og tryggði sér gullskóinn.

Björgólfur gerði þrennu í fyrri hálfleik en Valsmenn minnkuðu muninn í 3:2 með mörkum Helga Sigurðssonar og Guðmundar Steins Hafsteinssonar en Guðmundur var svo rekinn af velli á 65. mínútu og gerði Björgólfur tvö mörk eftir það.

KR-ingar enda því sem áður segir í 2. sæti deildarinnar en Valsmenn enda í áttunda sætinu.

Byrjunarlið Vals: Kjartan Sturluson - Ian Jeffs, Reynir Leósson, Einar Marteinsson, Bjarni Ólafur Eiríksson - Sigurbjörn Hreiðarsson, Baldur Bett, Marel Baldvinsson - Matthías Guðmundsson, Helgi Sigurðsson, Arnar Sveinn Geirsson.

Varamenn: Guðmundur Viðar Mete, Pétur Georg Markan, Arnar Gunnlaugsson, Guðmundur Steinn Hafsteinsson, Viktor Unnar Illugason, Haraldur Björnsson, Þórir Guðjónsson.

Byrjunarlið KR: Andre Hansen - Skúli Jón Friðgeirsson, Grétar Sigfinnur Sigurðarson, Mark Rutgers, Jordao Diogo - Gunnar Örn Jónsson, Baldur Sigurðsson, Bjarni Guðjónsson, Óskar Örn Hauksson - Guðmundur Benediktsson, Björgólfur Takefusa.

Varamenn: Egill Jónsson, Atli Jóhannsson, Gunnar Kristjánsson, Atli Jónasson, Ásgeir Örn Ólafsson, Ingólfur Sigurðsson, Guðmundur Reynir Gunnarsson.