HK og FH í viðræðum um Gunnleif

Gunnleifur Gunnleifsson landsliðsmarkvörður í knattspyrnu er að öllu óbreyttu á leið til Íslandsmeistara FH frá 1. deildarliði HK, sem hann hefur spilað með undanfarin átta ár.

Gunnleifur er samningsbundinn HK og forráðamenn félaganna eiga í viðræðum þessa dagana.

„Ég bíð og sé til hvað kemur út úr viðræðum félaganna en vissulega væri það spennandi kostur að spila með FH," sagði Gunnleifur við mbl.is í kvöld.

HK náði ekki að endurheimta sæti sitt í úrvalsdeildinni en Kópavogsliðið hafnaði í þriðja sæti 1. deildar. Gunnleifur var í láni hjá Vaduz í Sviss fyrri hluta ársins en spilaði átta síðustu deildaleiki HK. Hann hefur verið í byrjunarliði landsliðsins í síðustu sex landsleikjum og í átta leikjum alls frá síðasta hausti.

• 1 blogg um fréttina

Bloggað um fréttina

• Gísli Foster Hjartarson: Fimleikafélagið ætlar...