KR-ingar komnir í undanúrslit
Setja bókamerki
KR-ingar tryggðu sér í gær sæti í undanúrslitum Reykjavíkurmóts karla í knattspyrnu þegar þeir gerðu jafntefli við Val, 1:1, í Egilshöllinni. Möguleikar Vals eru úr sögunni með þessum úrslitum.
KR lauk keppni í A-riðlinum með 8 stig en Víkingur R. er með 7 stig og Þróttur R. 4 stig. Þróttur og Víkingur mætast í hreinum úrslitaleik um að fara áfram og þar þurfa Þróttarar að vinna með þriggja marka mun til að skáka Víkingum.
Baldur Sigurðsson kom KR-ingum yfir snemma í síðari hálfleiknum en Viktor Unnar Illugason jafnaði fyrir Val þremur mínútum fyrir leikslok.
Þar með er ljóst að KR og Fram eru komin í undanúrslitin, ásamt þá Víkingi eða Þrótti og einnig Fylki eða Fjölni sem mætast í hreinum úrslitaleik í B-riðlinum í kvöld. Þar þarf Fjölnir að vinna með tveimur mörkum.
Þetta eru ráðherrar ríkisstjórnarinnar
Ný ríkisstjórn kynnt á morgun
Nágrannaþjóðir upplýstar en við vöðum í blindni
Kristrún Frostadóttir verður forsætisráðherra
„Mér finnst gamla Samfylkingin komin aftur“
Ók á hóp fólks á jólamarkaði: Einn látinn
Forstjóri bendir á ábyrgð birgja vegna verðhækkana
