Hæstánægður með varnarleikinn

Heimir Hallgrímsson, þjálfari ÍBV, var að vonum ánægður með 3:0sigur sinna manna gegn Haukum að Hlíðarenda í kvöld. Eyjamenn skoruðu tvö mörk snemma leiks. Leikmenn ÍBV voru öruggir í sínum aðgerðum í leiknum í kvöld: „Við erum bara lið sem hefur ekki verið í toppbaráttunni, en ef við ætlum að gera stóra hluti þurfum við að vinna leiki á öllum völlum," segir Heimir. 

„Auðvitað var mikið sjálfstraust í liðinu eftir sigurinn á FH. Við reynum að nýta okkur það," segir hann.

„Ég var virkilega ánægður með varnarleikinn í dag. Allir fjórir varnarmenn gerðu flotta hluti, þeir fengu oft óbrotna sókn á sig en stóðust það. Vörnin er ástæðan fyrir því að við getum sótt eins og við gerum ," segir Heimir Hallgrímsson.

• 1 blogg um fréttina

Bloggað um fréttina

• Ægir Óskar Hallgrímsson: Varnarleikurinn lykillinn!!