Loga sagt upp hjá KR

Stjórn knatt­spyrnu­deild­ar KR hef­ur sagt Loga Ólafs­syni upp störf­um sem þjálf­ara karlaliðs fé­lags­ins. Rún­ar Krist­ins­son mun taka við þjálf­un liðsins og Pét­ur Pét­urs­son verður hon­um til aðstoðar.

KR er í ní­unda sæti Pepsi-deild­ar­inn­ar með 13 stig eft­ir 11 leiki.  Logi tók við KR liðinu um mitt tíma­bil 2007 eft­ir að Teiti Þórðar­syni var sagt upp störf­um. KR endaði í öðru sæti á síðasta tíma­bili, þrem­ur stig­um á eft­ir Íslands­meist­araliði FH. Rún­ar er 17. þjálf­ar­inn sem kem­ur við sögu hjá karlaliðinu á und­an­förn­um tveim­ur ára­tug­um.

Frétta­til­kynn­ing frá KR:

Knatt­spyrnu­deild KR og Logi Ólafs­son hafa í sam­ein­ingu kom­ist að þeirri niður­stöðu í ljósi geng­is liðsins að Logi Ólafs­son hætti þjálf­un hjá KR.

KR þakk­ar Loga Ólafs­syni fyr­ir störf hans fyr­ir fé­lagið und­an­far­in fjög­ur keppn­is­tíma­bil.  Und­ir hans stjórn varð KR bikar­meist­ari árið 2008 og náði ein­um besta ár­angri í sögu fé­lags­ins í Evr­ópu­keppn­inni 2009.

Við starfi hans tek­ur tek­ur Rún­ar Krist­ins­son yf­ir­maður knatt­spyrnu­mála og hon­um til aðstoðar er Pét­ur Pét­urs­son.

Stjórn Knatt­spyrnu­deild­ar KR.

 

• 5 blogg um frétt­ina

Bloggað um frétt­ina

• Johnny B Good: Hvenær byrj­ar Guðjón
• Sig­urður Þor­steins­son: Logi far­inn - Rún­ar tek­ur við.
• Har­ald­ur Har­alds­son: Loga sagt upp hjá KR/ Vest­ur­bæj­ar stór­veldið er ekki sátt!!!!!
• Heim­ir Lárus­son Fjeld­sted: Þökk­um Loga
• Gísli Sig­urðsson: Nýr þjálf­ari 2011, mín spá