Meistararnir nákvæmastir

Það kem­ur kannski ekki sér­stak­lega á óvart að það lið sem hlut­falls­lega oft­ast hitti á mark and­stæðing­anna stóð uppi sem Íslands­meist­ari karla í fót­bolta árið 2010.

Morg­un­blaðið og mbl.is hafa í sum­ar verið með ná­kvæma töl­fræði um mark­s­kot­in í leikj­um úr­vals­deild­ar karla. Þar kem­ur fram hve oft liðin skjóta að marki and­stæðinga í leikj­un­um og hve mörg mark­s­kot­anna hitta á markið. Þá er átt við að úr þeim sé skorað, markvörður­inn eða varn­ar­menn verji, eða bolt­inn smelli í stöng eða slá.

KR-ing­ar skutu oft­ast allra á mark mót­herj­anna á nýliðnu tíma­bili, eins og sjá má í töfl­unni hér til hliðar. Þeir áttu sjö skot­um meira að marki en FH-ing­ar og skutu 35 sinn­um oft­ar en Íslands­meist­ar­ar Breiðabliks.

En Blikarn­ir voru ná­kvæm­ari í sín­um marktilraun­um. Þeir hittu á markið í 167 skipti af 267 og voru því með besta hlut­fallið í deild­inni. Hittu á mark úr 62,5 pró­sent­um sinna skota og voru eina liðið sem var með yfir 60 pró­sent.