Arnór Eyvar framlengir við ÍBV

Miðjumaðurinn Arnór Eyvar Ólafsson skrifaði í dag undir nýjan tveggja ára samning við knattspyrnulið ÍBV.  Arnór, sem er 21 árs missti af upphafi tímabilsins en leysti svo James Hurst af í hægri bakvarðastöðunni þegar Hurst hélt heim til Englands áður en leiktíðin var úti hér á landi.  

 Arnór kom við sögu í tíu leikjum í úrvalsdeild í sumar.  Alls hefur hann leikið 75 leiki í deild og bikar fyrir ÍBV og skorað í þeim tvö mörk.   

Eyjamenn vinna nú að því að tryggja sér áframhaldandi starfskrafta þeirra sem léku með liðinu í sumar. Anton Bjarnason skrifaði á dögunum undir þriggja ára samning.  

Arnór hefur alla tíð verið í herbúðum ÍBV og oftar en ekki leikið sem bakvörður.
 

• 1 blogg um fréttina

Bloggað um fréttina

• Gísli Foster Hjartarson: Gleðitíðindi