„Magnús á að keppa á Ólympíuleikunum“

Orri Freyr Hjaltalín, fyr­irliði Grinda­vík­ur, sagðist hafa vitað að næg geta byggi í Grinda­vík­urliðinu til að snúa leikn­um gegn Fylki sér í hag.

Sú varð raun­in því Grinda­vík lenti 0:2 und­ir eft­ir aðeins 27 mín­út­ur þegar liðin mætt­ust í Kórn­um í kvöld í 1. um­ferð Pepsí-deild­ar­inn­ar í knatt­spyrnu. Grinda­vík sigraði 3:2 en Orri skoraði fyrsta mark Grinda­vík­ur und­ir lok fyrri hálfleiks og lagði upp hin tvö. Varamaður­inn Magnús Björg­vins­son skoraði sig­ur­markið í upp­bót­ar­tíma.

Magnús nýtt hraðann vel og stakk varn­ar­menn Fylk­is af. Orri sagði Magnús sem bet­ur fer hafa átt inni kraft til að nýta mark­tæki­færið. Varðandi hraðann hjá Magnús sagði Orri að hann ætti að keppa í sprett­hlaupi á Ólymp­íu­leik­um.

Orri Freyr Hjaltalín skor­ar fyrsta mark Grinda­vík­ur í kvöld. mbl.is/Á​rni Sæ­berg

• Blogga um frétt