Ingólfur fór úr KR í Val
Setja bókamerki
Ingólfur Sigurðsson, knattspyrnumaðurinn ungi sem hefur verið í röðum KR að undanförnu, gekk til liðs við Val rétt áður en lokað var fyrir félagaskiptin hér á landi á miðnætti.
Þetta kemur fram á vef Vals en á Fótbolta.net er sagt að hann hafi skrifað undir þriggja ára samning við félagið.
Ingólfur, sem er 18 ára sóknarmaður, var í Val fram að 15 ára aldri þegar hann fór í KR og þaðan til Heerenveen í Hollandi um mitt síðasta sumar. Hann hætti þar í vetur og kom til liðs við KR á ný.
Ingólfur kom inná í fyrsta leik KR í Pepsi-deildinni í vor, gegn Breiðablik, en sat á bekknum allan tímann í leiknum við Keflavík í 2. umferð. Eftir leikinn fór hann hörðum orðum um KR í Twitter-færslu og mætti ekki á æfingar hjá liðinu eftir það.
Samkvæmt Fótbolta.net höfðu nokkur félög í Pepsi-deildinni hug á að fá Ingólf til sín, Fylkir, ÍBV og Þór eru þar nefnd til sögunnar, en samningar tókust á milli Vals og KR laust fyrir miðnættið.
KSÍ hefur ekki staðfest félagskiptin á vef sínum enn sem komið er.
Barn lést í árásinni
Alvarleg netárás á Wise
Forstjóri bendir á ábyrgð birgja vegna verðhækkana
Ný ríkisstjórn kynnt á morgun
„Mér finnst gamla Samfylkingin komin aftur“
Beint: Ný ríkisstjórn tekin við völdum
Bjarni: „Útilokað að þetta geti gengið upp“
