Ólafur Örn: Ætluðu að fara að skokka

„Mér fannst leik­ur­inn byrja vel og fyrsta kort­erið var hann jafn en svo ætluðu menn bara að skokka og við kom­um varla við bolt­ann í lok fyrri hálfleiks,“ sagði Ólaf­ur Örn Bjarna­son, þjálf­ari Grinda­vík­ur, eft­ir 1:1-jafn­tefli gegn Breiðabliki suður með sjó í kvöld.

Grinda­vík færði sig aðeins frá botni deild­ar­inn­ar. „Staðan í dag er bara eins og hún er. Það þýðir ekk­ert að vor­kenna sér og halda að menn ættu að vera ofar í stiga­töfl­unni, við erum þar sem við erum og það þarf ein­fald­lega að vinna sig út úr því. Það geta öll lið unnið sig út úr stöðunni, það velt­ur bara á að menn gefi sig alla í verk­efnið og berj­ist en ekki á skokki eins og gerðist oft í dag.“

• Blogga um frétt