ÍBV skellti Blikum í Kópavogsbæ

Hvorki gengur né rekur hjá Íslandsmeisturum Breiðabliks, sem töpuðu 2:1 fyrir ÍBV á Kópavogsvelli í kvöld þegar leikið var í 14. umferð Pepsi-deildar karla.   Eyjamenn fylgja því KR áfram eins og skugginn í efsta hluta deildarinnar en Blikar eru nær botni deildarinnar en toppi.

Framan af var ekki mikið um færi, aðeins sitthvort markið af flottari tegundinni þegar Kelvin Mellor skoraði með þrumuskoti á 15. mínútu og átta mínútum síðar hinu meginn Kristinn Steindórsson eftir frábært framtak með hörkusprett Guðmundar Kristjánssonar.   Eyjamenn voru mun ákveðnari í síðari hálfleiks og uppskáru sigurmark frá Ian Jeffs en í kjölfarið gerðust menn argir og hitnaði aðeins í kolunum enda var aðstoðarþjálfari ÍBV, Dragan Kazic, sendur uppí stúku.

Lið Breiðabliks:  Ingvar Þór Kale, Finnur Orri Margeirsson, Kári Ársælsson, Kristinn Steindórsson, Rafn Andri Haraldsson, Guðmundur Kristjánsson, Jökull I. Elísabetarson, Kristinn Jónsson, Árni Vilhjálmsson, Þórður Steinar Hreiðarsson, Dylan Macallister.
Varamenn:  Sigmar Ingi Sigurðarson, Viktor Unnar Illugason, Olgeir Sigurgeirsson, Höskuldur Gunnlaugsson, Arnar Már Björgvinsson, Tómas Óli Garðarsson, Andri Rafn Yeoman. 

Lið ÍBV: Albert Sævarsson, Matt Garner, Finnur Ólafsson, Þórarinn Ingi Valdimarsson, Andri Ólafsson, Tryggvi Guðmundsson, Guðmundur Þórarinsson, Tonny Mawejje, Kelvin Mellor, Rasmus Christiansen, Ian Jeffs.
Varamenn: Abel Dhaira, Brynjar Gauti Guðjónsson, Yngi Magnús Borgþórsson, Aaron Spear, Kjartan Guðjónsson, Arnór Eyvar Ólafsson, Óskar Elías Zoega Óskarsson.