Garðar markakóngur deildarinnar

Garðar Jóhannsson úr Stjörnunni varð markakóngur Pepsi-deildarinnar í knattspyrnu 2011 þrátt fyrir að hann næði ekki að skora eitt marka Garðabæjarliðsins í 3:4 tapinu gegn Breiðabliki á Kópavogsvelli í dag.

Garðar skoraði 15 mörk í sumar, tveimur meira en Atli Viðar Björnsson sem gerði tvö marka FH í 5:3 sigrinum á Fylki í dag. Atli Viðar skoraði 13 mörk og fær silfurskóinn.

Halldór Orri Björnsson úr Stjörnunni og Kjartan Henry Finnbogason skoruðu 12 mörk hvor, Kjartan í 19 leikjum en Halldór Orri í 21 leik.

Markahæstir í deildinni:

15 Garðar Jóhannsson, Stjörnunni
13 Atli Viðar Björnsson, FH
12 Kjartan Henry Finnbogason, KR
12 Halldór Orri Björnsson, Stjörnunni
11 Kristinn Steindórsson, Breiðabliki
10 Tryggvi Guðmundsson, ÍBV
10 Matthías Vilhjálmsson, FH
  9 Albert Brynjar Ingason, Fylki
  8 Guðjón Pétur  Lýðsson, Val
  8 Guðjón Baldvinsson, KR
  8 Sveinn Elías Jónsson, Þór
  7 Arnar  Gunnlaugsson, Fram
  7 Björgólfur Takefusa, Víking R.
  7 Ingimundur Níels Óskarsson, Fylki
  7 Magnús Björgvinsson, Grindavík

• 1 blogg um fréttina

Bloggað um fréttina

• Gísli Foster Hjartarson: Maður Íslandsmótsins