Brann vill fá Hannes Þór að láni
Hannes Þór Halldórsson með Íslandsbikarinn
mbl.is/Árni Sæberg
Setja bókamerki
Norska knattspyrnufélagið Brann hefur samkvæmt öruggum heimildum mbl.is sett sig í samband við Íslands- og bikarmeistara KR þar sem það hefur óskað eftir því að fá markvörðinn Hannes Þór Halldórsson að láni.
Brann vill fá Hannes að láni í einn mánuð þar sem markvörður liðsins, Piotr Leciejewski, varð fyrir meiðslum í leik Brann og Rosenborg í 1. umferð norsku úrvalsdeildarinnar um síðustu helgi.
KR-ingar eru að kanna lagalegu hliðina á því hvort hægt sé að lána Hannes í einn mánuð og hafa sett sig í samband við UEFA. Verði af lánssamningnum myndi Hannes spila 4-5 leiki með Brann-liðinu en yrði svo kominn aftur í herbúðir Vesturbæjarliðsins áður en flautað verður til leiks í Pepsi-deildinni í byrjun maí.
Viðreisn í mikilli sókn
Ekki eins og jólasveinn á hreindýrssleða
Par flutt á bráðamóttöku eftir árás
„Þetta er algerlega hans ákvörðun“
Þórður mun ekki taka þingsæti
Óvissustigi á Vestfjörðum aflýst
„Það er sárt að svona fór“
Unnu eftir kröfugerð sem lögð var fram í upphafi
