Tveir Grindvíkingar í bann

Botnlið Grindavíkur í Pepsideild karla í knattspyrnu verður án þeirra Alexanders Magnússonar og Scott Ramsay gegn Fylki á mánudagskvöld en þeir voru í gær úrskurðaðir í eins leiks bann vegna fjögurra gulra spjalda.

Samuel Tillen úr Fram verður í banni gegn ÍBV á sunnudag af sömu sökum, og Blikinn Renee Troost missir af leiknum við Stjörnuna á mánudaginn.

Selfyssingurinn Endre Ove Brenne fékk eins leiks bann vegna rauða spjaldsins sem hann fékk gegn Stjörnunni í síðustu umferð Pepsideildarinnar en hann tók út bannið í bikarleiknum við Þrótt R.

Þóra Margrét Ólafsdóttir frá Selfossi var eini leikmaður Pepsideildar kvenna sem fékk bann en hún missir af leik við KR eftir viku vegna fjögurra gulra spjalda.

• 1 blogg um fréttina

Bloggað um fréttina

• Gísli Foster Hjartarson: Sam Tillen frá!!