Öruggur sigur ÍBV eftir þjálfaraskiptin

ÍBV vann ör­ugg­an sig­ur á Val, 3:0, í fyrsta leik Eyja­manna af þrem­ur und­ir stjórn þeirra Drag­an Kazic og Ian Jeffs eft­ir að Magnús Gylfa­son hætti í gær. ÍBV styrkti þar með stöðu sína í 2. sæti deild­ar­inn­ar og lík­urn­ar á að kom­ast í for­keppni Evr­ópu­deild­ar­inn­ar.

Vals­menn eru áfram í 9. sæti og ekki enn al­veg laus­ir við fall­hætt­una.

Eyja­menn voru tals­vert betri í fyrri hálfleikn­um og Rasmus Christian­sen kom þeim yfir rétt fyr­ir lok hans með lag­legu marki. Vals­menn komu ákveðnari til leiks í seinni hálfleik en gegn gangi leiks­ins kom Christian Ol­sen ÍBV í 2:0 á 56. mín­útu, og varamaður­inn Tryggvi Guðmunds­son inn­siglaði svo sig­ur­inn skömmu fyr­ir leiks­lok.

Fylgst var með gangi mála hér á mbl.is.

Lið Vals: (4-3-3) Mark: Sindri Snær Jens­son. Vörn: Jón­as Þór Næs, Atli Sveinn Þór­ar­ins­son, Hall­dór Krist­inn Hall­dórs­son, Úlfar Hrafn Páls­son. Miðja: Hauk­ur Páll Sig­urðsson, Krist­inn Freyr Sig­urðsson, Rún­ar Már Sig­ur­jóns­son. Sókn: Matth­ías Guðmunds­son, Kol­beinn Kára­son, Guðjón Pét­ur Lýðsson.

Vara­menn: Eyj­ólf­ur Tóm­as­son, Haf­steinn Briem, Atli Heim­is­son, Þórir Guðjóns­son, Ásgeir Þór Ing­ólfs­son, Indriði Áki Þor­láks­son, Andri Fann­ar Stef­áns­son.

Lið ÍBV: (4-5-1) Mark: Abel Dhaira. Vörn: Arn­ór Ey­v­ar Ólafs­son, Brynj­ar Gauti Guðjóns­son, Rasmus Christian­sen, Matt Garner. Miðja: Víðir Þor­varðar­son, Tonny Mawejje, Andri Ólafs­son, Guðmund­ur Þór­ar­ins­son, Þór­ar­inn Ingi Valdi­mars­son. Sókn: Christian Ol­sen.

Vara­menn: Hall­dór Páll Geirs­son, Yngvi Magnús Borgþórs­son, Tryggvi Guðmunds­son, Ant­on Bjarna­son, Jón Inga­son, Gauti Þor­varðar­son, Ian Jeffs.

Val­ur	0:3	ÍBV	Opna lýs­ingu Loka
90. mín. Leik lokið Örugg­ur sig­ur Eyja­manna í höfn.
Mörk Rasmus Christiansen (45. mín.) Christian Olsen (56. mín.) Tryggvi Guðmundsson (86. mín.) Atli Sveinn Þórarinsson (23. mín.) Haukur Páll Sigurðsson (90. mín.) Spjöld Rasmus Christiansen (39. mín.) Þórarinn Ingi Valdimarsson (53. mín.) mín. 90 Leik lokið Öruggur sigur Eyjamanna í höfn. 90 Haukur Páll Sigurðsson (Valur) fær gult spjald Fyrir brot úti á velli. 87 Yngvi M. Borgþórsson (ÍBV) kemur inn á 87 Christian Olsen (ÍBV) fer af velli 86 MARK! Tryggvi Guðmundsson (ÍBV) skorar 0:3 Abel sendi langa sendingu fram völlinn og þeim Úlfari Hrafni og Jónasi Þór Næs, öftustu mönnum Vals, mistókst skelfilega að bregðast við henni. Á endanum reyndi Jónas að spyrna fram en boltinn fór beint í Tryggva sem slapp þá einn gegn markverði og skoraði af öryggi. 85 Valur fær hornspyrnu 83 Ásgeir Þór Ingólfsson (Valur) kemur inn á 83 Matthías Guðmundsson (Valur) fer af velli 79 ÍBV fær hornspyrnu Tryggvi átti góða stungusendingu á Olsen sem rétt náði til boltans á undan Sindra markverði Vals. Sindri náði svo samt að teygja sig í boltann og bjarga í horn. 74 Valur fær hornspyrnu 74 Ian Jeffs (ÍBV) kemur inn á Þá kemur annar þjálfara ÍBV inná. 74 Andri Ólafsson (ÍBV) fer af velli 72 Andri Fannar Stefánsson (Valur) kemur inn á 72 Kolbeinn Kárason (Valur) fer af velli 71 Haukur Páll Sigurðsson (Valur) á skot framhjá Skemmtileg bakfallsspyrna úr teignum en boltinn fór nokkuð framhjá. 67 Þórarinn Ingi Valdimarsson (ÍBV) á skot sem er varið Olsen fór framhjá Atla Sveini eins og ekkert væri og sendi svo beint á Þórarin Inga í miðjum teignum en Sindri varði viðstöðulaust skot hans. 65 Tryggvi Guðmundsson (ÍBV) kemur inn á 65 Víðir Þorvarðarson (ÍBV) fer af velli 65 Indriði Áki Þorláksson (Valur) kemur inn á 65 Kristinn Freyr Sigurðsson (Valur) fer af velli 62 ÍBV fær hornspyrnu 62 Tonny Mawejje (ÍBV) á skot sem er varið Ég held að þessi spyrna Mawejje verði að flokkast sem skot þó hún kæmi nánast frá endalínu. Sindri varði í horn. 61 ÍBV fær hornspyrnu 57 Markið kom vissulega gegn gangi leiksins en Olsen, með sinn gífurlega hraða, þrífst á því að andstæðingurinn þurfi að færa vörnina sína framar á völlinn. 56 MARK! Christian Olsen (ÍBV) skorar 0:2 Andri Ólafsson átti frábæra vippu inn fyrir vörn Vals á Olsen sem rétt slapp við að vera rangstæður og komst einn gegn Sindra markverði. Olsen læddi boltanum svo í hægra markhornið. 55 Byrjunin á seinni hálfleiknum lofar góðu fyrir heimamenn. 54 Eftir aukaspyrnu af hægri kantinum barst boltinn alveg yfir á fjærstöng á Halldór Kristinn sem reyndi að senda boltann aftur fyrir markið en þar var enginn mættur. Hætta á ferð þó. 53 Þórarinn Ingi Valdimarsson (ÍBV) fær gult spjald Fyrir að sparka Færeyinginn Jónas Þór Næs niður úti á kanti. Óþarfa brot. 52 Atli Sveinn Þórarinsson (Valur) á skalla sem fer framhjá Guðjón Pétur tók aukaspyrnu af hægri kanti og Atli Sveinn stakk sér fram fyrir aðra til að ná skallanum en boltinn fór langt framhjá. 47 Kristinn Freyr Sigurðsson (Valur) á skot sem er varið Gott skot rétt utan teigs sem Abel rétt náði að verja í horn. 46 Leikur hafinn Seinni hálfleikur hafinn og liðin eru óbreytt frá fyrri hálfleik. Eyjamenn sækja nú í átt að Keiluhöllinni í logninu hér. 45 Hálfleikur Frábær endir á fyrri hálfleik fyrir gestina sem áttu svo sannarlega skilið að ná forystunni. Valsmenn byrjuðu reyndar leikinn betur en síðan fengu Eyjamenn svo sannarlega færin til að skora, sér í lagi Christian Olsen. Það var hins vegar landi hans, fyrirliðinn Rasmus Christiansen, sem skoraði eina markið rétt fyrir leikhlé. 45 MARK! Rasmus Christiansen (ÍBV) skorar 0:1 Eftir hornspyrnu frá vinstri barst boltinn að lokum til Rasmus Christiansen við vítateigslínuna hægra megin og hann átti laglegt skot upp í hægra markhornið. 44 ÍBV fær hornspyrnu 44 Guðmundur Þórarinsson (ÍBV) á skot sem er varið Frábært færi. Eyjamenn komust í skyndisókn fjórir gegn fjórum og á endanum barst boltinn til Guðmundar sem var í mjög góðu skotfæri í miðjum teignum en átti frekar laust skot sem var varið. 43 Guðmundur Þórarinsson skaut beint í varnarvegginn úr aukaspyrnunni. 42 Víðir var að ná í aukaspyrnu á stórhættulegum stað fyrir Eyjamenn. Haukur Páll braut á honum tveimur metrum utan vítateigs rétt hægra megin við vítabogann. 39 Rasmus Christiansen (ÍBV) fær gult spjald Fyrir brot á Kristni Frey sem var að sleppa í gegnum vörn Eyjamanna. Sem betur fer fyrir Rasmus þá var Matt Garner á leiðinni aftur svo Daninn var ekki aftasti maður, sem hefði þýtt rautt spjald. 38 Guðmundur Þórarinsson (ÍBV) á skot framhjá Skot af löngu færi hátt yfir markið. 37 Víðir Þorvarðarson (ÍBV) á skot sem er varið Skot sem fór í varnarmann og var auðvelt viðureignar fyrir Sindra í markinu. 34 Christian Olsen (ÍBV) á skot framhjá Annað dauðafæri! Það er með ólíkindum að Olsen skuli ekki vera búinn að skora. Guðmundur Þórarinsson átti stórkostlega sendingu fram hægri kantinn á Arnór Eyvar sem gaf góða sendingu fyrir markið á Olsen en einhvern veginn tókst Dananum að skjóta framhjá af stuttu færi. 31 Haukur Páll Sigurðsson (Valur) á skot framhjá Haukur kom á ferðinni fram miðjuna og fékk háa sendingu frá Guðjóni Pétri, tók boltann á lofti rétt utan vítateigsins hægra megin en skotið var slakt og framhjá markinu. 27 ÍBV fær hornspyrnu 24 ÍBV fær hornspyrnu 23 Atli Sveinn Þórarinsson (Valur) fær gult spjald Fyrir að toga í treyju Olsen sem var á fleygiferð á vinstri kantinum. ÍBV fær aukaspyrnu á ágætum stað. 23 Rúnar Már Sigurjónsson (Valur) á skot framhjá Hættulaust skot utan teigs. 15 Christian Olsen (ÍBV) á skot sem er varið Daninn er heldur betur að gera sig líklegan. Kom með boltann frá hægri að vítateigsboganum og lét vaða en Sindri varði af öryggi skot neðst í vinstra markhornið. 14 Christian Olsen (ÍBV) á skot framhjá Andri átti fína fyrirgjöf frá hægri og Olsen tók viðstöðulaust skot á lofti við hægra markteigshornið en hitti boltann illa. 12 Magnús Gylfason er í stúkunni og fylgist með sínum gömlu lærisveinum. Það verður forvitnilegt að sjá hvað hann tekur sér fyrir hendur eftir gott gengi með ÍBV í sumar. 10 Atli Sveinn Þórarinsson (Valur) á skalla sem fer framhjá Hitti boltann ekki alveg nægilega vel, eftir hornspyrnu frá hægri, og því engin hætta á ferð. 9 Valur fær hornspyrnu 9 Christian Olsen (ÍBV) á skot framhjá Dauðafæri!! Víðir átti góða fyrirgjöf frá hægri alveg yfir á Þórarin Inga vinstra megin í teignum. Þórarinn gaf viðstöðulaust á Olsen sem skaut einhvern veginn yfir rétt utan við hægri markstöngina. 6 Ekkert varð úr aukaspyrnunni en Valsmenn pressa stíft á Eyjamenn og boltinn helst á vallarhelmingi gestanna. 4 Matthías var að ná í aukaspyrnu á hættulegum stað, tveimur metrum fyrir utan vítateig ÍBV vinstra megin. Rúnar Már tekur spyrnuna. 1 Leikur hafinn Valur byrjar með boltann og sækir í átt að Keiluhöllinni í fyrri hálfleik. 0 Bakverðir Vals, þeir Jónas Þór Næs og Úlfar Hrafn Pálsson, voru úrskurðaðir í eins leiks bann á þriðjudaginn. Það tekur ekki gildi fyrr en á morgun og þeir verða því ekki með gegn Grindavík á sunnudaginn. 0 Byrjunarliðsmenn eru komnir inn í búningsklefa nú þegar átta mínútur eru til leiks. Mér sýnist sárafáir hafa fengið að losna fyrr úr vinnunni til að sjá þennan leik. 0 Eyjamenn hafa fengið á sig fæst mörk í sumar og eru með átta mörkum betri markatölu en KR. Liðin eru bæði með 31 stig í 2.-3. sætinu. Ef allt fer á versta veg getur ÍBV dottið niður í 6. sæti í kvöld, svo jöfn er baráttan um Evrópudeildarsætin. Valur, sem er í 9. sæti, gæti jafnvel komist í þá baráttu með sigri en liðið er sex stigum á eftir ÍBV og KR. 0 Hjá Val koma Atli Sveinn Þórarinsson og Guðjón Pétur Lýðsson aftur inn í byrjunarliðið en Matarr Jobe er ekki með og Ásgeir Þór Ingólfsson á bekknum. 0 Það vekur óneitanlega athygli að Heimir Hallgrímsson aðstoðarlandsliðsþjálfari, og þjálfari ÍBV þar til síðasta haust, skuli vera skráður aðstoðarmaður á leikskýrslu hjá Eyjamönnum. 0 Ian Jeffs, annar helmingurinn af nýja þjálfarateyminu hjá ÍBV út leiktíðina, byrjar á bekknum og Þórarinn Ingi Valdimarsson kemur aftur inn í liðið í hans stað eftir leikbann. 0 Það gekk mikið á hjá ÍBV í gær þegar tilkynnt var að Magnús Gylfason væri hættur störfum sem þjálfari og Hermann Hreiðarsson tæki við fyrir næsta tímabil. Í dag eru það hinsvegar aðstoðarþjálfarinn Dragan Kazic og enski miðjumaðurinn Ian Jeffs sem sjá um að stjórna Eyjaliðinu. 0 Eyjamenn eru í öðru sæti deildarinnar með 31 stig og betri markatölu en KR-ingar sem eru í þriðja sætinu. Valsmenn eru með 25 stig í 9. sæti deildarinnar og gætu enn verið í fallhættu ef þeir tapa leiknum. Sjá meira Sjá allt Valur: (M), . Varamenn: (M), . ÍBV: (M), . Varamenn: (M), . Skot: Valur 6 (1) - ÍBV 12 (8) Horn: ÍBV 6 - Valur 3. Lýsandi: Völlur: Vodafonevöllurinn að Hlíðarenda Leikur hefst 20. sept. 2012 17:00 Aðstæður: Hálfskýjað og logn. Völlurinn ágætur. Dómari: Gunnar Jarl Jónsson Aðstoðardómarar: Áskell Þór Gíslason og Jón Magnús Guðjónsson

• 1 blogg um frétt­ina

Bloggað um frétt­ina

• Gísli Foster Hjart­ar­son: Aldrei hætta