Rúnar og Pálmi með gegn Sviss

Valsmaðurinn Rúnar Már Sigurjónsson og Pálmi Rafn Pálmason, leikmaður Lilleström í Noregi, hafa verið kallaðir inn í íslenska landsliðshópinn í knattspyrnu sem mætir Sviss á þriðjudag á Laugardalsvelli í undankeppni HM.

Þeir Rúnar og Pálmi koma inn í hópinn í stað Arons Einars Gunnarssonar sem tekur út leikbann og Helga Vals Daníelssonar sem flaug heim til Svíþjóðar frá Albaníu eftir leikinn á föstudag vegna veikinda.

Rúnar Már hefur aldrei leikið A-landsleik en á að baki þrjá leiki fyrir U21-landsliðið. Pálmi Rafn hefur aftur á móti spilað 18 A-landsleiki.

• 1 blogg um fréttina

Bloggað um fréttina

• Torfi Kristján Stefánsson: Brandari!