Glæsimörk Gylfa tryggðu sigurinn í Ljubljana

Ísland vann glæsi­leg­an útisig­ur á Slóven­íu, 2:1, í undan­keppni HM 2014 í kvöld en Gylfi Þór Sig­urðsson skoraði bæði mörk­in. Það fyrra var lík­lega með þeim flott­ari í unda­keppn­inni.

Fyrri hálfleik­ur­inn var frek­ar illa spilaður af beggja hálfu. Hraðinn var eng­inn og ís­lensku strák­arn­ir héld­ust illa á bolt­an­um. Slóven­ar komu einu skoti á markið í fyrri hálfleik og það lá í net­inu á 34. mín­útu.

Sölvi Geir Ottesen átti þá mis­heppnaða hreins­un en bolt­inn fór beint á Mili­voje Novakovic sem skoraði með fal­legu skoti í mark­hornið fjær.

Lars Lag­er­bäck gerði breyt­ingu strax í hálfleik en hann tók þá Al­freð Finn­boga­son af velli fyr­ir Jó­hann Berg Guðmunds­son. Jó­hann fór út á vinstri kant­inn og Gylfi Þór var færður fram með Kol­beini.

Íslenska liðið hafði ekki skapað sér nein færi af viti þegar það fékk auka­spyrnu á 55. mín­útu um 30 metr­um frá marki. Gylfi Þór Sig­urðsson gerði sér lítið fyr­ir og skoraði ótrú­legt mark, beint úr auka­spyrn­unni.

Gylfi var svo aft­ur á ferð á 78. mín­útu þegar hann fékk send­ingu inn á teig­inn frá Eiði Smára Guðjohnsen. Hann lék á varn­ar­mann og skoraði með fal­legu skoti fram­hjá Sam­ir Handanovic í marki Slóvena.

Heima­menn gerðu hvað þeir gátu til að jafna met­in en Hann­es Þór Hall­dórs­son sá við öll­um þeirra skottilr­an­um. Íslensku strák­arn­ir fögnuðu svo gíf­ur­lega í leiks­lok þegar gríski dóm­ar­inn flautaði til leiks­loka.

Þetta er aðeins í annað skiptið í sög­unni sem Ísland vinn­ur tvo móts­leiki í röð en Ísland lagði Alban­íu að velli, 2:1, í síðasta úti­leik en þar skoraði Gylfi Þór einnig úr auka­spyrnu.

Því miður fékk Gylfi gult spjald í upp­bót­ar­tíma þegar hann reyndi að brjóta á leik­manni Slóvena í skynd­isókn. Gylfi fékk gult spjald fyr­ir að fara úr treyj­unni eft­ir að hann skoraði gegn Alban­íu og verður hann því í banni þegar Slóven­ar koma í heim­sókn á Laug­ar­dalsvöll­inn í júní.

Ísland er með níu stig í riðlin­um eft­ir fimm leiki. Nor­eg­ur og Alban­ía eig­ast við þessa stund­ina í Osló og er staðan þar, 0:0. Fari svo að liðin skilji jöfn verður Ísland í öðru sæti.

Lið Slóven­íu: Sam­ir Handanovic; Boj­an Jokic, Bran­ko Ilic, Ces­ar Bostjan, Miso Brec­ko; Rene Kr­hin, Al­eks­and­er Radosa­vlj­evic, Jasmin Kurtic; Zlat­an Lju­blj­ankic, Valter Birsa; Mili­voje Novakovic. 

Lið Íslands: (4-4-2) Hann­es Þór Hall­dórs­son; Birk­ir Már Sæv­ars­son, Sölvi Geir Ottesen, Ragn­ar Sig­urðsson, Ari Freyr Skúla­son; Birk­ir Bjarna­son, Aron Ein­ar Gunn­ars­son, Emil Hall­freðsson, Gylfi Þór Sig­urðsson; Al­freð Finn­boga­son, Kol­beinn Sigþórs­son.
Vara­menn: Gunn­leif­ur Gunn­leifs­son, Ögmund­ur Krist­ins­son, Arn­ór Sveinn Aðal­steins­son, Hólm­ar Örn Eyj­ólfs­son, Hall­grím­ur Jónas­son, Ólaf­ur Ingi Skúla­son, Helgi Val­ur Daní­els­son, Jó­hann Berg Guðmunds­son, Steinþór Freyr Þor­steins­son, Eiður Smári Guðjohnsen. 

Slóven­ía	1:2	Ísland	Opna lýs­ingu Loka
90. mín. Jasmin Kurtic (Slóven­ía) á skot sem er varið +1. Lang­skot sem Hann­es ver.
Milivoje Novakovic (34. mín.) Mörk Gylfi Þór Sigurðsson (55. mín.) Gylfi Þór Sigurðsson (78. mín.) Spjöld Sölvi Geir Ottesen (57. mín.) Jóhann Berg Guðmundsson (69. mín.) Gylfi Þór Sigurðsson (90. mín.) mín. 90 Leik lokið +5. Frábær útisigur Íslands! 90 Gylfi Þór Sigurðsson (Ísland) fær gult spjald +3. 90 Slóvenía fær hornspyrnu +3. 90 Helgi Valur Daníelsson (Ísland) kemur inn á +2. 90 Kolbeinn Sigþórsson (Ísland) fer af velli +2. 90 Slóvenía fær hornspyrnu +1. 90 Jasmin Kurtic (Slóvenía) á skot sem er varið +1. Langskot sem Hannes ver. 90 Uppbótartími verður að minnsta kosti þrjár mínútur. 88 Slóvenía fær hornspyrnu Ari Freyr bjargar á síðustu stundu. Hann hefði átt að fá aukaspyrnu. Það var keyrt í bakið á honum. 86 Tim Matavz (Slóvenía) á skot framhjá Of mikið af opnu svæði fyrir utan vörnina. Matavz nýtir sér það og fær ágætt skotfæri. 85 Slóvenía fær hornspyrnu Hornspyrnurnar verið hættulegar. Við megum ekki gefa mark úr horni. 85 Slóvenar reyna nú hvað þeir geta til að jafna. Sóknarlotur þeirra eru nokkuð hættulegar. 83 Zlatko Dedic (Slóvenía) á skot sem er varið 82 Mikil hætta á teignum en Hannes bjargar á síðustu stundu án þess þó að taka almennilega eftir því. En hann var hugrakkur og fór út í boltann! 80 Zlatko Dedic (Slóvenía) kemur inn á 80 Rene Krhin (Slóvenía) fer af velli 78 MARK! Gylfi Þór Sigurðsson (Ísland) skorar 1:2. Eiður Smári ekki lengi að láta til sín taka. Gefur fínan bolta á Gylfa Þór sem fíflar varnarmann upp úr skónum og skorar svo með fallegu skoti úr teignum. Glæsilega gert! 77 Bostjan Cesar (Slóvenía) á skalla sem fer framhjá Enn og aftur eru Slóvenarnir fríir í teignum en sem betur fer er skallinn slakur. 77 Slóvenía fær hornspyrnu Áttunda hornspyrnan. 76 Eiður Smári Guðjohnsen (Ísland) kemur inn á Ekki slæmur varamaður. 76 Emil Hallfreðsson (Ísland) fer af velli Fínn leikur hjá Emil. 75 Dejan Lazarevic (Slóvenía) á skot sem er varið Enn og aftur skot frá Lazarevic vinstra megin í teignum en enn ver Hannes. 74 Dejan Lazarevic (Slóvenía) á skot sem er varið Brotið á Jóhanni Berg en ekkert dæmt. Heimamenn komast í skyndisókn sem endar með skoti úr teignum en Hannes ver. Vel staðsettur og heldur boltanum. 73 Slóvenar reyna fyrirgjafir nánast í hverri einustu sókn. Sækja mikið á bakverði íslenska liðsins, sérstaklega Birki Má hægra megin. 70 Dejan Lazarevic (Slóvenía) á skot framhjá Hátt yfir. 70 Milivoje Novakovic (Slóvenía) á skot sem er varið Boltanum er rúllað á Novakovic sem skýtur út fyrir vegginn en Hannes er vel vakandi í markinu og ver. 69 Jóhann Berg Guðmundsson (Ísland) fær gult spjald Heimskulegt brot rétt fyrir utan vítateig. 67 Milivoje Novakovic (Slóvenía) á skalla sem fer framhjá Laflaust framhjá. 67 Slóvenía fær hornspyrnu 65 Tim Matavz (Slóvenía) kemur inn á Markahrókurinn Matavz kemur inn á. Þennan þarf að passa. 65 Zlatan Ljubijankic (Slóvenía) fer af velli 65 Milivoje Novakovic (Slóvenía) á skalla sem fer framhjá Markaskorarinn skallar boltann framhjá. 65 Slóvenía fær hornspyrnu 63 Slóvenía fær hornspyrnu Birkir Már bjargar í horn áður en Lazarevic kemst í boltann á fjærstöng. 62 Íslenska liðið öflugt núna. Markið kveikti í okkar mönnum. 60 Slóvenar fara í skyndisókn hinum megin en fyrigjöf frá vinstri hafnar í hliðarnetinu. 60 Kolbeinn Sigþórsson (Ísland) á skot sem er varið Dauðafæri! Kolbeinn kemst einn á móti markverði eftir sendingu innfyrir frá Aroni. Vanalega nýtir Kolbeinn svona færi en að þessu sinni gerir Handanovic vel í markinu og ver. 57 Sölvi Geir Ottesen (Ísland) fær gult spjald Sölvi Geir missir boltann sem aftasti maður og brýtur á markaskoraranum Novakovic áður en hann kemst einn á móti Hannesi. Hann sleppur með gult. 55 MARK! Gylfi Þór Sigurðsson (Ísland) skorar 1:1. Þvílíkt mark!!! Gylfi Þór Sigurðsson smyr aukaspyrnu af 30 metra færi í samskeytin og inn. Guð minn almáttugur hvað þetta var fallegt. 53 Eiður Smári kemur inn á eftir nokkrar mínútur. Hann er búinn að fá skilaboð frá Lagerbäck. 52 Dejan Lazarevic (Slóvenía) kemur inn á 52 Valter Birsa (Slóvenía) fer af velli Einn hættulegasti leikmaður heimamanna fer af velli meiddur eftir brot frá Emi Hallfreðssyni. Ekki gróft brot samt. 49 Aðeins meiri hraði í leiknum á fyrstu mínútum seinni hálfleiks. 46 Leikur hafinn 46 Jóhann Berg Guðmundsson (Ísland) kemur inn á Jóhann Berg fer út á vinstri vænginn og Gylfi er færður fram með Kolbeini. 46 Alfreð Finnbogason (Ísland) fer af velli 20 marka maður í hollensku úrvalsdeildinni tekinn af velli. 45 Jóhann Berg Guðmundsson hitar upp af krafti í hálfleik. Væntanlega skipting strax hjá Lagerbäck. 45 Algjör óþarfi að vera undir í þessum leik þar sem það hefur lítið sem ekkert gerst. Íslensku strákarnir þurfa að laga sinn leik mikið. Framherjanir Kolbeinn og Afreð snerta vart boltann á síðasta þriðjungi vallarsins og þá eru menn einfaldlega allt of hægir og staðir. Spilið er ekkert og ákafinn lítill. 45 Hálfleikur 43 Alfreð fær boltann í höndina í teignum en sleppur með skrekkinn. 42 Slóvenía fær hornspyrnu Langskot sem fer í varnarmann og afturfyrir. Ódýr hornspyrna. 40 Bíddu, halló!! Birkir Bjarnason þrumar boltanum í höndina á einum Slóvenanum innan teigs. Var þetta ekki víti? 40 Ísland fær hornspyrnu Gylfi tekur aftur spyrnu frá hægri. 40 Sölvi Geir Ottesen (Ísland) á skalla sem er varinn Sölvi stekkur hæst og skallar en í varnarmann og aftur í horn. 40 Ísland fær hornspyrnu 40 Íslensku strákarnir hafa ekki náð að svara þessu marki af einhverju ráði. Slóvenar halda boltanum mun betur en okkar strákar. 36 Í aðdraganda marksins missti Birkir Bjarnason boltann nokkuð klaufalega í skyndisókn Íslands þegar hann ákvað að reyna sóla sig í gegnum vörn Slóvena í stað þess að spila boltanum. Slóvenar fóru þá í skyndisókn og skoruðu úr henni eftir mistök Sölva Geirs. 34 MARK! Milivoje Novakovic (Slóvenía) skorar 1:0. Misheppnuð hreinsun Sölva Geirs fer beint á Novakovic í teignum sem skorar með afskaplega fallegu skoti í samskeytin fjær. 30 Afskaplega lítið að gerast fram á við hjá íslenska liðinu. Liðið helst illa á boltanum. 27 Stórhættuleg fyrirgjöf Slóvena frá hægri en Ragnar Sigurðsson bjargar á síðustu stundu. 25 Branko Ilic fær fínt skallafæri en nýtir það illa. Of mikil hætta að skapast af þessum hornspyrnum. Þetta verður að laga. 25 Slóvenía fær hornspyrnu Þriðja hornspyrna heimamanna. 24 Annað langt innkast. Slóvenar skalla boltann frá en beint á Gylfa sem reynir skot sem fer af varnarmanni og þaðan beint í hendur Handanovic í markinu. 21 Aron Einar reynir lang innkast í fyrsta skipti í leiknum. Boltinn fellur fyrir fætur Kolbeins sem skýtur í varnarmann. Emil fær tækifæri en skýtur líka í varnarmann. 18 Alfreð Finnbogason lætur varnarmenn Slóvena vinna fyrir kaupinu. Hann er alltaf mættur á manninn með boltann og pressar þá í erfiðar sendingar fram. Leikurinn enn mjög rólegur. 15 Gylfi Þór Sigurðsson (Ísland) á skot framhjá Frábær tilþrif hjá Gylfa sem snýr af sér varnarmann. Hann er með nokkra sendingamöguleika en ákveður að skjóta með vinstri. Ekki rétti kosturinn í stöðunni. 13 Alfreð kemst inní sendingu Slóvena á þeirra vallarhelmingi. Gylfi er fljótur að átta sig og hleypur innfyrir vörnina en sendingin frá Alfreð er ekki nægilega góð og stoppar á varnarmanni. 11 Bostjan Cesar (Slóvenía) á skalla sem fer framhjá Fyrirliðinn er dauðafrír í teignum en skallar boltann í samherja og afturfyrir. Svæðisvörn Íslands klikkaði illa þarna. 11 Slóvenía fær hornspyrnu Emil kemur í veg fyrir fyrirgjöf. 10 Ekki fallegustu tíu mínútur af fótbolta sem spilaðar hafa verið. Mikið undir hjá báðum liðum. Slóvenar byrja betur. 9 Gylfi Þór Sigurðsson kemur í fyrsta skipti við boltann eftir 8.30 úti á vinstri kantinum. Hann reynir sendingu inn á teig en hún var aðeins of löng fyrir Alfreð. 8 Jasmin Kurtic (Slóvenía) á skot framhjá Reynir bakfallsspyrnu í teignum en boltinn hátt yfir. 7 Slóvenía fær hornspyrnu Smá hætta inn á teignum og Birkir Már neyðist til að gefa horn svo Birsa komist ekki í boltann. 5 Aron Einar fyrirliði liggur meiddur á vellinum og heldur um andlitið eftir högg frá Novakovic. Dómarinn tók ekki eftir þessu. Akureyringurinn stendur á fætur og heldur áfram leik. 3 Fer rólega af stað. Slóvenar halda boltanum ágætlega. Þreifingar í gangi. 1 Leikur hafinn Slóvenar byrja með boltann. Koma svo, strákar! 0 Liðin eru mætt út á völl og brátt taka við þjóðsöngvarnir. Mætingin er afskaplega slök. Heimsmeistakeppnin í skíðastökki hefur víst mikil áhrif á mætinguna en á milli 50-100 þúsund manns eru á skíðastökkskeppninni. 0 Ísland vann síðasta útileik gegn Albaníu, 2:1, en í gegnum tíðina hefur Íslandi gengið illa á móti liðum úr austurblokkinni. Takist strákunum okkar að vinna í dag verður það aðeins í annað skiptið sem Ísland vinnur tvo mótsleiki á útivelli í röð. Síðast gerst það árið 2003 þegar Ísland vann Litháen, 3:0, og svo Færeyjar, 2:1. 0 Slóvenar hafa skorað þrjú mörk í undankeppninni en markahæstur þeirra er Tim Matavz með tvö mörk sem hann gerði bæði í sigrinum á Kýpur. Matavz þessi er leikmaður PSV í Hollandi og almennt talinn besti framherji Slóvena. Hann er nokkuð óvænt á meðal varamanna í dag. 0 Ísland er búið að skora fjögur mörk í undankeppninni og þau skiptast á milli fjögurra manna. Kári Árnason, Alfreð Finnbogason, Gylfi Þór Sigurðsson og Birkir Bjarnason hafa skorað eitt mark hver. 0 Lagerbäck er með ýmsa möguleika á bekknum, sama í hvaða stöðu íslenska liðið lendir. Þar er jú einn albesti knattspyrnumaður þjóðarinnar frá upphafi, Eiður Smári Guðjohnsen, sem getur komið inná í sóknina og Jóhann Berg Guðmundsson getur gefið meiri vídd út á vinstri vænginn. Nú ef Ísland kemst yfir og það þarf menn til að koma inn á og verja stöðuna eru Ólafur Ingi Skúlason og Helgi Valur Daníelsson báðir flottir „ruslakarlar“ sem gott er að hafa til taks. 0 Framherjapar Íslands lofar góðu hvað varðar markaskorun. Kolbeinn Sigþórsson státar af ótrúlegum árangri með landsliðinu en hann hefur skorað átta mörk í fyrstu tólf landsleikjum sínum. Þá er Alfreð Finnbogason einn heitasti framherji Evrópu um þessar mundir en hann er næstmarkahæsti leikmaður hollensku úrvalsdeildarinnar með 20 mörk. 0 Þrátt fyrir að hafa ekki spilað „alvöru“ leik síðan í október veðjar Lars Lagerbäck á Sölva Geir Ottesen í miðvarðarstöðuna við hlið Ragnars Sigurðssonar. Þá er markahæsti leikmaður íslenska landsliðsins frá upphafi, Eiður Smári Guðjohnsen, á bekknum. 0 Slóvenar hafa farið illa af stað í undankeppninni en þeir eru með þrjú stig eftir fjóra leiki. Eini leikurinn sem Slóvenar unnu var gegn Kýpur heima, 2:1. 0 Ísland er í fjórða sæti riðilsins með sex stig og markatöluna 4:4. Ísland vann Noreg í fyrsta leik heima, 2:0, en tapaði svo fyrir Kýpur úti, 0:1. Eftir það vann Ísland svo Albaníu úti, 2:1, en tapaði heima fyrir Sviss í síðasta leik, 0:2. 0 Góðan dag. Eftir fimm mánaða hlé hefst undankeppni HM 2014 aftur hjá íslenska landsliðinu í kvöld er það mætir Slóveníu á hinum glæsilega Stozice-velli í Ljubljana. Sjá meira Sjá allt Slóvenía: (M), . Varamenn: (M), . Ísland: (M), . Varamenn: (M), . Skot: Slóvenía 13 (6) - Ísland 5 (4) Horn: Ísland 2 - Slóvenía 12. Lýsandi: Völlur: Stozice Stadium, Ljubljana Leikur hefst 22. mars 2013 17:00 Aðstæður: Dómari: Stavros Tritsonis, Grikklandi Aðstoðardómarar: Dimitrios Saraidaris og Leonidas Vasileiadis, Grikklandi

• 1 blogg um frétt­ina

Bloggað um frétt­ina

• Torfi Kristján Stef­áns­son: Heppn­is­sig­ur!