Jafnt hjá KR og Breiðabliki

KR og Breiðablik mætt­ust í 5. um­ferð úr­vals­deild­ar karla í knatt­spyrnu, Pepsi-deild­ar­inn­ar, á KR-vell­in­um klukk­an 20.00. Leikn­um lauk með 1:1 jafn­tefli og tapaði KR þar með sín­um fyrstu stig­um í sum­ar. Fylgst var með gangi mála hér á mbl.is.

Elf­ar Árni Aðal­steins­son kom Breiðabliki yfir með skalla­marki á 41. mín­útu. KR-ing­ar mót­mæltu harðlega þar sem þeir töldu brotið hafa verið á Óskari Erni Hauks­syni í aðdrag­anda marks­ins. Atli Sig­ur­jóns­son jafnaði fyr­ir KR á 65. mín­útu eft­ir fyr­ir­gjöf frá Guðmundi Reyni Gunn­ars­syni. 

Síðari hálfleik­ur­inn var mun líf­legri en sá fyrri. KR-ing­ar voru mun sterk­ari í síðari hálfleik en Blikarn­ir áttu samt sem áður tvö stang­ar­skot. 

Lið KR: Hann­es Þór Hall­dórs­son - Grét­ar S. Sig­urðar­son, Aron Bjarki Jóseps­son, Bjarni Guðjóns­son, Guðmund­ur Reyn­ir Gunn­ars­son, Brynj­ar Björn Gunn­ars­son, Bald­ur Sig­urðsson, Jón­as Guðni Sæv­ars­son, Atli Sig­ur­jóns­son, Gary Mart­in, Óskar Örn Hauks­son.
Vara­menn: Rún­ar Alex Rún­ars­son (m), Þor­steinn Már Ragn­ars­son, Emil Atla­son, Torfi Karl Ólafs­son, Björn Jóns­son, Hrann­ar Ein­ars­son, Davíð Ein­ars­son.

Lið Breiðabliks: Gunn­leif­ur Gunn­leifs­son - Þórður S. Hreiðars­son, Renee Troost, Sverr­ir Ingi Inga­son, Krist­inn Jóns­son - Finn­ur Orri Mar­geirs­son, Andri Rafn Yeom­an, Guðjón Pét­ur Lýðsson, Ell­ert Hreins­son, Elf­ar Árni Aðal­steins­son, Árni Vil­hjálms­son.
Vara­menn: Arn­ór Bjarki Haf­steins­son (m), Ol­geir Sig­ur­geirs­son, Viggó Kristjáns­son, Jök­ull I. Elísa­bet­ar­son, Nichlas Rohde, Páll Ol­geir Þor­steins­son, Al­ex­and­er Helgi Sig­urðar­son.

KR	1:1	Breiðablik	Opna lýs­ingu Loka
90. mín. Venju­leg­ur leiktími er liðinn. Ekki er ljóst hversu miklu er bætt við.
Atli Sigurjónsson (65. mín.) Mörk Elfar Árni Aðalsteinsson (41. mín.) Jónas Guðni Sævarsson (33. mín.) Spjöld Kristinn Jónsson (25. mín.) Ellert Hreinsson (71. mín.) Nichlas Rohde (78. mín.) Elfar Árni Aðalsteinsson (80. mín.) mín. 90 Leik lokið Leiknum er lokið og liðin verða að sætta sig við að fá eitt stig hvort. KR-ingar settu Blika undir talsverða pressu í síðari hálfleik en Kópavogsbúar stóðust hana og urðu fyrsti til að taka stig á móti KR í sumar. 90 Nichlas Rohde (Breiðablik) á skot í stöng Dauðafæri í uppbótartíma. Stórhættuleg skyndisókn. Rohde fékk boltann á miðlínu. Náði að hrista Grétar af sér. Komst í framhaldinu framhjá Bjarni og var einn á móti Hannesi en skotið fór í stöngina. Þarna sluppu KR-ingar vel. 90 Venjulegur leiktími er liðinn. Ekki er ljóst hversu miklu er bætt við. 86 Aron Bjarki Jósepsson (KR) á skot sem er varið KR fékk skyndisókn. Skaut með vinstri fæti frá vítateigslínu en beint á Gulla. 85 KR fær hornspyrnu Frá vinstri. 84 Emil Atlason (KR) á skalla sem fer framhjá Góð fyrirgjöf Arons frá hægri. Emil í góðu færi en skallaði rétt framhjá samskeytunum að því er virtist. 82 Viggó Kristjánsson (Breiðablik) á skalla sem fer framhjá Varamaðurinn fór illa með gott færi. Fín skyndisókn hjá Blikum. Elfar sendi inn á teiginn hægra megin á Rohde. Hann gaf fyrir og Viggó fékk upplagt færi rétt utan markteigs en skallaði yfir. 80 Elfar Árni Aðalsteinsson (Breiðablik) fær gult spjald Óþarfa brot á vallarhelmingi KR. Sparkaði aftan í Emil. Harkan er að aukast. 79 KR-ingar sækja nú nokkuð stíft og dæla boltanum inn á teiginn en allur gangur á því hvort af því skapist hætta. 78 Nichlas Rohde (Breiðablik) fær gult spjald Fyrir brot á miðjum vellinum. 76 KR fær aukaspyrnu vinstra megin við vítateiginn. Nánast á línunni. Ekki skotfæri en gæti orðið hættulegt. Blikar ósáttir við þennan dóm. 75 Viggó Kristjánsson (Breiðablik) kemur inn á 75 Guðjón Pétur Lýðsson (Breiðablik) fer af velli 71 Ellert Hreinsson (Breiðablik) fær gult spjald Brot á miðjum vellinum. 71 Emil Atlason (KR) á skot sem er varið Lítil hætta á ferðum. Gulli með þetta á hreinu. 70 Ellert Hreinsson (Breiðablik) á skot framhjá Skot í hliðarnetið utanvert hægra megin í teignum. 69 Baldur Sigurðsson (KR) á skalla sem er varinn Fín aukaspyrna Óskars frá vinstri inn á miðjan teiginn og þar náði Baldur að skalla á markið en beint á Gulla. 68 Nichlas Rohde (Breiðablik) kemur inn á 68 Árni Vilhjálmsson (Breiðablik) fer af velli 66 Emil Atlason (KR) kemur inn á 66 Atli Sigurjónsson (KR) fer af velli Markaskorarinn fer strax út af! Rúnar var tilbúinn með skiptinguna þegar markið kom. Ef Atli er heill þá er þetta furðuleg skipting. Burtséð frá markinu þá hefur Atli verið með þeim sprækari hjá þeim röndóttu í kvöld. 65 MARK! Atli Sigurjónsson (KR) skorar 1:1 KR-ingar eru búnir að jafna. Guðmundur Reynir gaf fyrir frá vinstri. Góð fyrirgjöf á fjærstöngina og þar skoraði Atli af yfirvegun. Skaut með hægri fæti í vinstra hornið. Bjarni Guðjónsson átti sinn þátt í markinu. Steig mann út og kom boltanum upp í hornið á Guðmund. 60 Jónas Guðni Sævarsson (KR) á skot framhjá Ágætt skot af 30 metra fær en framhjá stönginni vinstra megin. 59 Grétar er aftur kominn inná. 57 Grétar Sigurðarson liggur á vellinum og fær aðhlynningu. Hann virðist hafa fengið fótinn á sóknarmanni Blika í andlitið þegar þeir féllu í grasið. Vonandi getur hann haldið leik áfram. 55 Árni Vilhjálmsson (Breiðablik) á skot í stöng Slapp inn fyrir vörn KR eftir skyndisókn Blika. Var vinstra megin í teignum í frekar þröngu færi og þrumaði boltanum í nærstönginni svo small í. 55 Baldur Sigurðsson (KR) á skalla sem er varinn Dauðafæri í miðjum teignum eftir frábæra fyrirgjöf Óskars frá vinstri. Baldur var eiginlega í sinni uppáhaldsstöðu, illa valdaður á markteig, en skallinn var laflaus. 53 Atli Sigurjónsson (KR) á skot framhjá Blikarnir skölluðu boltann út úr teignum. Þar fékk Atli boltann, skaut með hægr rétt utan teigs en yfir markið. Atli má þó eiga að hann er með sprækari mönnum í KR-liðinu í kvöld. 52 Aukaspyrna vinstra megin við vítateig Blika. 50 Laust skot frá Óskari úr aukaspyrnu af 30 metra færi og hún komst ekki hálfa leið. Hafnaði í varnarmanni. 46 Gary Martin (KR) á skot sem er varið Martin ekki lengi að fá fyrsta færi seinni hálfleiks. Fékk boltann frá Þorsteini og komst inn í teiginn vinstra megin en skotið var of laust til að setja Gulla í vandræði. 46 Leikur hafinn Síðari hálfleikur er hafinn. 45 Hálfleikur Fyrri hálfleik er lokið og Breiðablik 1:0 yfir í daufum leik. Markið kom á 41. mínútu og vonandi verða leikmenn liðanna sókndjarfari í síðari hálfleik. KR-ingar voru ósáttir við að markið skyldi standa þar sem þeir töldu að brotið hafi verið á Óskari Erni í aðdraganda marksins. 45 KR fær hornspyrnu Frá hægri. 41 MARK! Elfar Árni Aðalsteinsson (Breiðablik) skorar 0:1 Blikar eru komnir yfir og KR-ingar eru heldur betur ósáttir. Óskar var með boltann vinstra megin við teig KR frá KR-ingum séð. Hann féll eftir viðskipti við Sverri sem tók af honum boltann og gaf fyrir markið. Þar kom Elfar Árn, mætti fyrirgjöfinni og sneiddi boltann í vinstra hornið. 40 Breiðablik fær hornspyrnu Frá vinstri. Ágæt tilþrif hjá Guðjóni en varnarmaður komst fyrir fyrirgjöf hans. 34 Breiðablik fær hornspyrnu 34 Guðjón Pétur Lýðsson (Breiðablik) á skot sem er varið Góð aukaspyrna af 30 metra færi en Hannes varði mjög vel niðri í horninu. 33 Jónas Guðni Sævarsson (KR) fær gult spjald Brot á vítateigslínu Breiðabliks. 31 Þorsteinn Már Ragnarsson (KR) kemur inn á Mjög áhugaverð skipting. Miðvörður út af og sóknarmaður inn á í staðinn. Bjarni Guðjóns fer væntanlega í miðvörðinn. 31 Brynjar Björn Gunnarsson (KR) fer af velli Væntanlega meiddur. 30 Þessi leikur stendur ekki undir væntingum alla vega ekki enn sem komið er. Afar rólegt yfir þessu og fá færi. 29 Jónas Guðni Sævarsson (KR) á skot framhjá Reyndi fyrir sér af 25 metra færi en skotið fór langt framhjá. 25 Kristinn Jónsson (Breiðablik) fær gult spjald Of seinn í Atla á vallarhelmingi KR. 20 Árni Vilhjálmsson (Breiðablik) á skot framhjá Komst inn í teiginn vinstra megin og lét vaða með vinstri úr þröngu færi en skotið fór framhjá. Spurning hvort Árni hefði ekki átt að gefa fyrir þarna. 18 Atli Sigurjónsson (KR) á skot sem er varið Komst inn í teiginn hægra megin og böðlaðist í gegnum varnarmenn eftir að Atli virtist hafa misst valdið á boltanum. Skaut fínu skoti í nærhornið sem Gulli varði vel. 15 KR fær hornspyrnu Frá vinstri. 11 Hættuleg fyrirgjöf Atla frá hægri en Gunnleifur náði valdi á boltanum. 5 Elfar Árni Aðalsteinsson (Breiðablik) á skot sem er varið Skot rétt utan teigs en beint á Hannes. 4 KR útfærðu aukaspyrnu skemmtilega og Óskar fékk boltann í teignum en fyrirgjöf hans fór af samherja og aftur fyrir endamörk. 3 Óskar Örn fær aukaspyrnu fyrir utan teiginn vinstra megin. Gott skotfæri. 1 Leikur hafinn Leikurinn er hafinn. KR sækir í áttina að Meistaravöllum. 0 Landsliðsþjálfarinn Lars Lagerbäck er mættur til að fylgjast með leiknum en nú styttist í að landsliðið taki á móti Slóvenum á Laugardalsvellinum. 0 Leikmenn liðanna eru að hita upp sem og dómaratríóið. Menn eru frekar kuldalegir úti á grasinu og kannski engin furða. 0 Andri Ólafsson, Gunnar Þór Gunnarsson og Haukur Heiðar Hauksson eru enn allir utan hóps hjá KR en þeir eru að komast af stað aftur eftir meiðsli. 0 Danski framherjinn Nichlas Rohde er á meðal varamanna Breiðabliks í kvöld. Hann er tæpur vegna meiðsla en eins og fram kom á mbl.is í dag meiddist Rohde á æfingu um helgina. Tómas Óli Garðarsson er einnig frá vegna meiðsla en hann þurfti að fara af velli í síðasta leik. 0 Breiðablik vann KR í báðum leikjum liðanna í deildinni á síðasta ári. Fyrst 2:1 á Kópavogsvelli þar sem Kristinn Jónsson og Sverrir Ingi Ingason skoruðu fyrir Blika en Þorsteinn Már Ragnarsson fyrir KR. Síðan 4:0 á KR-vellinum, sem er stærsti sigur Blika á Vesturbæingum fyrr eða síðar. Kristinn skoraði aftur, sem og þeir Nichlas Rohde, Elfar Árni Aðalsteinsson og Tómas Óli Garðarsson. 0 KR og Breiðablik hafa mæst í 52 skipti í efstu deild frá 1971. KR hefur unnið 27 leiki en Breiðablik 12 og 13 sinnum hafa félögin skilið jöfn. Breiðablik hefur hinsvegar unnið fjóra af síðustu sex leikjum liðanna og hefur farið heim með þrjú stig úr þremur af síðustu fimm heimsóknum sínum í Vesturbæinn. 0 KR-ingar eru með 12 stig eftir fjóra leiki, eru í öðru sæti á eftir FH en komast á toppinn á ný með jafntefli eða sigri í kvöld. Breiðablik er í 6. sætinu með 6 stig og kæmist í fjórða eða fimmta sætið með sigri. Sjá meira Sjá allt KR: (M), . Varamenn: (M), . Breiðablik: (M), . Varamenn: (M), . Skot: Breiðablik 8 (5) - KR 11 (7) Horn: Breiðablik 2 - KR 3. Lýsandi: Völlur: KR-völlur Leikur hefst 27. maí 2013 20:00 Aðstæður: Sterk norðanátt sem er sennilega nokkurn veginn þvert á völlinn. Kalt en þurrt. Völlurinn lítur sæmilega út. Dómari: Þóroddur Hjaltalín Aðstoðardómarar: Sigurður Óli Þórleifsson og Frosti Viðar Gunnarsson

• Blogga um frétt