Guðjón: Óli hét því að hjóla heim

„Við ætluðum að taka þrjú stig og tók­um þau,“ sagði Guðjón Pét­ur Lýðsson sem gerði gæfumun­inn fyr­ir Breiðablik í 2:1-sigr­in­um á Kefla­vík í Pepsi-deild­inni í kvöld. Guðjón kom inn á sem varamaður á 60. mín­útu, skoraði skömmu síðar og lagði upp seinna markið með auka­spyrnu.

„Þetta var kannski frek­ar dauft hjá okk­ur en það er seigla og gæði í okk­ar liði og mjög já­kvætt að við næðum að klára þetta. Maður er aldrei sátt­ur með að vera á bekkn­um en þá þarf maður að vera til­bú­inn þegar kallið kem­ur og ég reyndi að vera það,“ sagði Guðjón Pét­ur.

Guðjón greindi svo frá því að þjálf­ar­inn Ólaf­ur Kristjáns­son hefði heitið því að hjóla heim úr Reykja­nes­bæ færu Blikar með sig­ur af hólmi, og sagðist rétt ætla að vona að Ólaf­ur stæði við það.

Nán­ar er rætt við Guðjón í meðfylgj­andi mynd­skeiði.

• Blogga um frétt