Halti maðurinn hetjan í framlengingunni

„Þetta var góður und­ir­bún­ing­ur fyr­ir Þjóðhátíð í Eyj­um og versl­un­ar­manna­helg­ina al­mennt,“ sagði kampa­kát­ur Logi Ólafs­son, þjálf­ari Stjörn­unn­ar, eft­ir 2:1-sig­ur á KR í undanúr­slit­um Borg­un­ar­bik­ars karla í fót­bolta á Sam­sung-vell­in­um í Garðabæ í gær­kvöldi.

Garðar Jó­hanns­son skoraði sig­ur­markið fyr­ir Stjörn­una á 111. mín­útu fram­leng­ing­ar þegar hann skallaði auka­spyrnu Atla Jó­hanns­son­ar í netið en Garðar var að niður­lot­um kom­inn og hefði alltént aldrei klárað leik­inn ef ekki væri fyr­ir önn­ur meiðslavand­ræði Stjörn­unn­ar í leikn­um.

Eft­ir­vænt­ing­in fyr­ir leikn­um var mik­il enda mætt­ust þessi lið í bikar­úr­slit­um fyr­ir ári síðan og þá hafði KR sig­ur. Fal­leg­ur fót­bolti var þó ekki í fyr­ir­rúmi held­ur bar­átt­an sem var í al­gleym­ingi á kostnað góðs fót­bolta.

Sjá um­fjöll­un um leik­inn í heild í íþrótta­blaði Morg­un­blaðsins í dag.