Fyrsti bikarsigur Fram í 24 ár

Fram­ar­ar eru bikar­meist­ar­ar karla í knatt­spyrnu árið 2013. Þeir lögðu Stjörn­una í víta­keppni í úr­slit­um Borg­un­ar­bik­ars­ins á Laug­ar­dals­velli í dag eft­ir að jafnt var eft­ir venju­lega leiktíma og fram­leng­ingu, 3:3. Staðan í hálfleik var 2:0 fyr­ir Stjörn­una. Í víta­keppn­inni skoraði Fram úr þrem­ur spyrn­um af fjór­um en Stjarn­an aðeins úr einni af fjór­um.

Þetta er í fyrsta sinn í 24 ár sem Fram­ar­ar verða bikar­meist­ar­ar en þeir hafa nú unnið keppn­ina 8 sinn­um. Þá er þetta fyrsti stóri tit­ill fé­lags­ins í 23 ár, eða síðan Fram varð Íslands­meist­ari árið 1990. Stjörnu­mönn­um mistókst að landa sín­um fyrsta stóra titli og þeir máttu sætta sig við að tapa úr­slita­leik bik­ar­keppn­inn­ar annað árið í röð.

Stjarn­an fékk óska­byrj­un þegar dæmd var víta­spyrna á 5. mín­útu þegar Kennie Chopart var togaður niður í víta­teig Fram. Hall­dór Orri Björns­son skoraði af miklu ör­yggi úr víta­spyrn­unni, 1:0.

Marg­ir töldu að Fram­ar­ar hefðu jafnað á 16. mín­útu. Hólm­bert Aron Friðjóns­son skaut í þverslá úr auka­spyrnu og Hauk­ur Bald­vins­son náði frá­kast­inu og skallaði að marki Stjörn­unn­ar. Bolt­inn virt­ist fara yfir marklín­una en dóm­ar­inn var á öðru máli.

Veig­ar Páll Gunn­ars­son skoraði síðan annað mark Garðbæ­inga á 39. mín­útu, sér­lega glæsi­legt mark þar sem Veig­ar Pall vippaði salla­ró­leg­ur yfir Ögmund í marki Fram eft­ir flotta send­ingu frá Garðari Jó­hanns­syni og staðan var 2:0 í hálfleik.

Hólm­bert Aron Friðjóns­son minnkaði mun­inn á 52. mín­útu með fínu marki eft­ir send­ingu Almarrs Ormars­son­ar, sem síðan jafnaði met­in, 2:2, með skalla á 64. mín­útu.

Hall­dór Orri gerði sitt annað mark á 71. mín­útu og kom Stjörn­unni í 3:2 þegar hann fékk send­ingu inní víta­teig­inn vinstra meg­in frá Atla Jó­hanns­syni.

Almarr jafnaði hins­veg­ar met­in fyr­ir Fram með sínu öðru marki eft­ir auka­spyrnu og skalla Hólm­berts á 88. mín­útu, 3:3, þannig að það varð að fram­lengja leik­inn.

Ekk­ert var skorað þar og í víta­keppn­inni varði Ögmund­ur Krist­ins­son tví­veg­is frá Stjörnu­mönn­um og Fram­ar­ar fögnuðu sigri.

Síðar í kvöld birt­ast viðtöl við leik­menn og þjálf­ara liðanna á mbl.is.

Leik­skýrsl­an.

Lið Fram: Ögmund­ur Krist­ins­son - Alan Low­ing, Jor­d­an Halsm­an, Krist­inn Ingi Hall­dórs­son, Hauk­ur Bald­vins­son, Almarr Ormars­son, Vikt­or Bjarki Arn­ars­son, Sam Hew­son, Hólm­bert Aron Friðjóns­son, Orri Gunn­ars­son, Ólaf­ur Örn Bjarna­son.
Vara­menn: Den­is Car­daklija (m), Hall­dór Her­mann Jóns­son, Daði Guðmunds­son, Jón Gunn­ar Ey­steins­son, Hall­dór Arn­ars­son, Aron Bjarna­son, Aron Þórður Al­berts­son.

Lið Stjörn­unn­ar: Ingvar Jóns­son - Jó­hann Lax­dal, Michael Præst, Atli Jó­hanns­son, Daní­el Lax­dal, Hall­dór Orri Björns­son, Veig­ar Páll Gunn­ars­son, Robert Johann Sand­nes, Kennie Chopart, Garðar Jó­hanns­son, Mart­in Rauschen­berg.
Vara­menn: Arn­ar Darri Pét­urs­son, Tryggvi Sveinn Bjarna­son, Hörður Árna­son, Ólaf­ur Karl Fin­sen, Gunn­ar Örn Jóns­son, Bald­vin Sturlu­son, Snorri Páll Blön­dal.

Fram	6:4	Stjarn­an	Opna lýs­ingu Loka
120. mín. Jor­d­an Halsm­an (Fram) skor­ar úr víti 3:1
Hólmbert Aron Friðjónsson (52. mín.) Almarr Ormarsson (64. mín.) Almarr Ormarsson (86. mín.) Hólmbert Aron Friðjónsson (120. mín.) Samuel Hewson (120. mín.) Jordan Halsman (120. mín.) Mörk Halldór Orri Björnsson (5. mín.) Veigar Páll Gunnarsson (39. mín.) Halldór Orri Björnsson (71. mín.) Ólafur Karl Finsen (120. mín.) Almarr Ormarsson (7. mín.) Alan Lowing (31. mín.) Kristinn Ingi Halldórsson (47. mín.) Spjöld Martin Rauschenberg (33. mín.) Veigar Páll Gunnarsson (47. mín.) Michael Præst (90. mín.) Atli Jóhannsson (93. mín.) mín. 120 Ögmundur varði frá Gunnari Erni og eru Bikarmeistarar. 120 Ingvar ver spyrnu Lowing, 3:1 fyrir Fram 120 Ögmundur varði vítaspyrnu Halldórs Orra, staðan 3:1 í vítunum fyrir fRam 120 MARK! Jordan Halsman (Fram) skorar úr víti 3:1 120 Garðar Jóhannsson skorar ekki, setur knöttinn í sllánna 120 MARK! Samuel Hewson (Fram) skorar úr víti 2:1Ingvar í boltanum 120 MARK! Ólafur Karl Finsen (Stjarnan) skorar úr víti 1:1 120 MARK! Hólmbert Aron Friðjónsson (Fram) skorar úr víti 1:0 120 Vítaskytturnar munu skjóta á markkið sem er nær Laugardalshöllinni og það eru Framarar sem byrja. Hólmbert tekur fyrstu spyrnuna 120 Leik lokið Vítaspyrnukeppni framundan. 115 Tryggvi Sveinn Bjarnason (Stjarnan) kemur inn á 115 Atli Jóhannsson (Stjarnan) fer af velli 115 Garðar Jóhannsson (Stjarnan) á skalla sem fer framhjá 115 Stjarnan fær hornspyrnu 112 Fram fær hornspyrnu 110 Fram fær hornspyrnu 110 Almarr Ormarsson (Fram) á skot sem er varið 110 Samuel Hewson (Fram) á skot sem er varið 108 Gunnar Örn Jónsson (Stjarnan) á skot framhjá Örlítið framhjá 107 Garðar Jóhannsson (Stjarnan) á skalla sem er varinn 106 Leikur hafinn 105 Hálfleikur Hálfleikur í framlengingunni. 104 Hólmbert Aron Friðjónsson (Fram) á skalla sem fer framhjá 103 Stjarnan fær hornspyrnu 100 Aron Bjarnason (Fram) á skot sem er varið 93 Atli Jóhannsson (Stjarnan) fær gult spjald Brot 92 Fram fær hornspyrnu 92 Aron Bjarnason (Fram) á skot sem er varið Frábærlega varið 91 Leikur hafinn Framlenging hafin og Fram byrjar og leikur í átt að Höllinni 90 Leik lokið Það verður framlengt hér í Dalnum. 90 Gunnar Örn Jónsson (Stjarnan) á skot framhjá Fínt skot rétt framhjá 90 Michael Præst (Stjarnan) fær gult spjald Líklega fyrir að láta Hólbert heyra það óþvegið eftir að hafa brotið á honum. 90 Stjarnan fær hornspyrnu Aftur horn 90 Stjarnan fær hornspyrnu 90 Ólafur Karl Finsen (Stjarnan) á skot sem er varið Flott færi en vel varið 90 Kristinn Jakobsson ætlar að láta leikinn standa í fimm mínútur til viðbótar 86 MARK! Almarr Ormarsson (Fram) skorar Hólmar skallar inn í vítateiginn þar sem Ormarr náði að skora af miklu harðfylgi 84 Garðar Jóhannsson (Stjarnan) á skot framhjá Hátt yfir 84 Præst liggur alblóðugur á vellinum en er vafinn um höfuðið og heldur áfram leik 83 Daði Guðmundsson (Fram) kemur inn á 83 Ólafur Örn Bjarnason (Fram) fer af velli 83 Gunnar Örn Jónsson (Stjarnan) kemur inn á 83 Veigar Páll Gunnarsson (Stjarnan) fer af velli 83 Garðar Jóhannsson (Stjarnan) á skalla sem fer framhjá 83 Stjarnan fær hornspyrnu 74 Aron Bjarnason (Fram) á skot sem er varið 71 MARK! Halldór Orri Björnsson (Stjarnan) skorar Glæsæileg sókn sem endaði með marki. Garðar gaf á Veigar Pál. Hann lagði knöttinná Atla sem renndi inn á Halldór Orra sem var vinstra megin í teignum og skoraði með fínu skoti. 69 Halldór Hermann Jónsson (Fram) kemur inn á 69 Viktor Bjarki Arnarsson (Fram) fer af velli 67 Garðar Jóhannsson (Stjarnan) á skot framhjá Fín sókn sem endið með skoti af stuttu færi í hliðarnetið 64 MARK! Almarr Ormarsson (Fram) skorar Almar skallaði í netið frá markteigshorninu hægra megin eftir sendingu frá Jordan Halsman frá vinsti kantinum. 61 Almarr Ormarsson (Fram) á skot framhjá Viðstöðulaust skot rétt utan teigs en hátt yfir 60 Nóg að gera hjá bakverðinum Jóhanni Laxdal þessar mínúturnar því hann er búinn að taka ein fimm innköst á móts við vítateig Framarar. 55 Aron Bjarnason (Fram) kemur inn á 55 Haukur Baldvinsson (Fram) fer af velli 53 Atli Jóhannsson (Stjarnan) á skot sem er varið 52 MARK! Hólmbert Aron Friðjónsson (Fram) skorar Vel gert hjá honum, fékk knöttinn á markteigshorninu hægra megin og snéri baki í markið. Hann snéri sér og þrumaði boltanum upp í þaknetið. 51 Halldór Orri Björnsson (Stjarnan) á skot sem er varið Beit á Ögmund úr aukaspyrnu 47 Kristinn Ingi Halldórsson (Fram) fær gult spjald Brot 47 Veigar Páll Gunnarsson (Stjarnan) fær gult spjald Brot 46 Leikur hafinn 45 Hálfleikur Kominn hálfleikur og Stjörnumenn virðast vera með þetta í hendi sér en þó rétt að hafa í huga að leikuirnn er aðeins hálfnaður. 42 Veigar Páll Gunnarsson (Stjarnan) á skot sem er varið Enn eins glæsisóknin hjá Stjörnunni sem endaði með stuttu spili þriggja manna á litlu svæði í vítateignum. En Ögmundur náði til knattarins áður en þriðja markið kom. 41 Ólafur Karl Finsen (Stjarnan) kemur inn á 41 Kennie Chopart (Stjarnan) fer af velli 39 MARK! Veigar Páll Gunnarsson (Stjarnan) skorar Flott mark hjá Veigari Páli. Boltinn kom inn á vítateiginn þar sem Garðar skallaði niður til Veigars sem vippaði laglega yfir Ögmund. 36 Chopart virðist meiddur og verð er að hlúa að honum. 33 Martin Rauschenberg (Stjarnan) fær gult spjald Fyrir brot 32 Veigar Páll Gunnarsson (Stjarnan) á skot sem er varið Fínt skot úr aukaspyrnunni en Ögmundur ver 31 Alan Lowing (Fram) fær gult spjald brot á Veigari rétt utan vítateigs. 22 Veigar Páll Gunnarsson (Stjarnan) á skot framhjá Flott sókn hjá Stjörnunni en skot Veigars Páls rétt framhjá 20 Fram fær hornspyrnu Frá vinstri 18 Almarr Ormarsson (Fram) á skot sem er varið Laust skot 16 Haukur Baldvinsson (Fram) á skalla sem er varinn Náði frákastinu og skallaði og virtist boltinn fara yfir línuna en aðstoðardómarinn sem var í línu sagði nei. 16 Hólmbert Aron Friðjónsson (Fram) á skot í þverslá Negla úr aukaspyrnunni í þverslána. 15 Hólmbert fær aukaspyrnu rétt utan vítateigs. Flott færi. 8 Þetta er trúlega eki sú byrjun sem Framarar óskuðu sér, vítaspyrna, mark og gult spjald á Ormarr. 7 Almarr Ormarsson (Fram) fær gult spjald Óþarfa spjald, braut af sér og mótmætli síðan dóminum og sparkaði knettinum í burtu 5 MARK! Halldór Orri Björnsson (Stjarnan) skorar úr víti Föst spyrna efst í vinstra hornið 5 Stjarnan fær víti Chopard togaðr niður af Viktori Bjarka. 1 Stjarnan (Stjarnan) á skot sem er varið Auðvelt fyrir Ögmund 1 Almarr Ormarsson (Fram) á skot sem er varið Auðvelt fyrir Ingvar 1 Leikur hafinn Framarar leika í átt að Laugardalshöllinnni en það eru Garðbæingar sem byrja með knöttinn. 0 Aðstæður hér á Laugardalsvelli eru eins og best verður á kostið og völlurinn glæsilegur að sjá. Áhorfendur hópast á völlinn en í stúkunni á móti stóru stúkunni sitja tveir áhorfendur og njóta sólarinnar. 0 Stjarnan komst í úrslit með því að vinna Þór á Akureyri 3:4 í vítakeppni, FH 3:1 í Garðabæ, Fylki 2:3 í Árbænum og KR 2:1 í Garðabæ. 0 Fram komst í úrslitaleikinn með því að leggja Vals 1:2 að Hlíðarenda, Víkinga í Ólafsvík 4:5 í vítakeppni,. Gróttu 1:2 á Seltjarnarnesi og Breiðablik 2:1 á Laugardalsvelli Sjá meira Sjá allt Fram: (M), . Varamenn: (M), . Stjarnan: (M), . Varamenn: (M), . Skot: Fram 17 (15) - Stjarnan 18 (11) Horn: Stjarnan 5 - Fram 4. Lýsandi: Völlur: Laugardalsvöllur Leikur hefst 17. ágú. 2013 16:00 Aðstæður: Eins og best verður á kosið. Sól, hlítt og aðeins smá andvari. Dómari: Kristinn Jakobsson Aðstoðardómarar: Birkir Sigurðarson og Gylfi Már Sigurðsson

• 1 blogg um frétt­ina

Bloggað um frétt­ina

• Heim­ir Lárus­son Fjeld­sted: Rikki lærði margt hjá KR