Mikilvægur sigur Blika í Evrópubaráttunni

Breiðablik vann mik­il­væg­an sig­ur á Stjörn­unni, 2:1, í bar­átt­unni um síðasta Evr­óp­u­sætið þegar liðin mætt­ust í frestuðum leik úr 10. um­ferð Pepsi-deild­ar karla í fót­bolta í kvöld. Dan­inn Nichlas Rohde skoraði sig­ur­markið í síðari hálfleik.

Stjarn­an skoraði fyrsta mark leiks­ins á 22. mín­útu en það gerði Hall­dór Orri Björns­son af stuttu færi eft­ir und­ir­bún­ing Garðars Jó­hanns­son­ar. Blikar vildu meina að Garðar hefði brotið á Renee Troost í aðdrag­anda marks­ins og var Ólaf­ur Kristjáns­son, þjálf­ari liðsins, afar ósátt­ur að það fengi að standa.

Breiðablik hefði átt að jafna met­in í fyrri hálfleik þegar Nichlas Rohde lék á Ingvar í mark­inu og renndi knett­in­um að auðu mark­inu. Hörður Árna­son elti bolt­ann uppi og bjargaði á marklínu með frá­bæri tæk­lingu.

Blikar jöfnuðu þó met­in, 1:1, eft­ir tíu mín­útna leik í seinni hálfleik en Guðjón Pét­ur Lýðsson skoraði þá úr víta­spyrnu sem dæmd var eft­ir að bolt­inn fór í hönd Garðars Jó­hanns­son­ar í víta­teig Stjörn­unn­ar.

Níu mín­út­um síðar var Breiðablik svo komið yfir, 2:1, þegar Nichlas Rohde skoraði af mik­illi yf­ir­veg­un eft­ir frá­bær­an und­ir­bún­ing Ell­erts Hreins­son­ar, fyrr­ver­andi leik­manns Stjörn­unn­ar.

Stjarn­an er áfram í þriðja sæti með 34 stig en Blikar eru nú aðeins tveim­ur stig­um á eft­ir Stjörn­unni og á leik til góða. Aðeins þrjú efstu sæt­in gefa þátt­töku­rétt í Evr­ópu þetta sum­arið.

Nán­ari um­fjöll­un um leik­inn verður í Morg­un­blaðinu í fyrra­málið en viðtöl koma inn á mbl.is síðar í kvöld.

Fylgst var með leikn­um í beinni texta­lýs­ingu en hana má lesa hér að neðan.

Lið Breiðabliks: (4-3-3) Mark: Gunn­leif­ur Gunn­leifs­son. Vörn: Þórður Stein­ar Hreiðars­son, Sverr­ir Ingi Inga­son, Renee Troost, Krist­inn Jóns­son. Miðja: Finn­ur Orri Mar­geirs­son, Guðjón Pét­ur Lýðsson, Andri Rafn Yeom­an. Sókn: Nichlas Rohde, Árni Vil­hjálms­son, Ell­ert Hreins­son.
Vara­menn: Gísli Páll Helga­son, Elf­ar Freyr Helga­son, Ol­geir Sig­ur­geirs­son, Arn­ór Bjarki Haf­steins­son, Viggó Kristjáns­son, Jök­ull I. Elísa­bet­ar­son, Arn­ar Már Björg­vins­son.

Lið Stjörn­unn­ar: (4-4-2) Mark: Ingvar Jóns­son. Vörn: Jó­hann Lax­dal, Daní­el Lax­dal, Mart­in Rauschen­berg, Hörður Árna­son. Miðja: Ólaf­ur Karl Fin­sen, Michael Præst, Robert Sand­nes, Hall­dór Orri Björns­son. Sókn: Kennie Chopart, Garðar Jó­hanns­son.
Vara­menn: Arn­ar Darri Pét­urs­son, Tryggvi Sveinn Bjarna­son, Þorri Geir Rún­ars­son, Gunn­ar Örn Jóns­son, Bald­vin Sturlu­son, Snorri Páll Blön­dal, Darri Steinn Kon­ráðsson.

Breiðablik	2:1	Stjarn­an	Opna lýs­ingu Loka
90. mín. Leik lokið +3. Góður sig­ur Breiðabliks.
Guðjón Pétur Lýðsson (55. mín.) Nichlas Rohde (64. mín.) Mörk Halldór Orri Björnsson (22. mín.) Spjöld Ólafur Karl Finsen (11. mín.) Daníel Laxdal (77. mín.) mín. 90 Leik lokið +3. Góður sigur Breiðabliks. 90 Jóhann Laxdal (Stjarnan) á skalla sem fer framhjá +2. Rétt framhjá eftir hornið. Þarna mátti litlu muna. 90 Stjarnan fær hornspyrnu +1. 90 Breiðablik fær hornspyrnu 88 Halldór Orri kemst í dauðafæri á markteig en Tryggvi Sveinn Bjarnason, samherji hans, þvælist fyrir Halldóri og eyðileggur færið. Óheppnir. 87 Arnar Már Björgvinsson (Breiðablik) kemur inn á Fyrrverandi Stjörnumaðurinn mættur inn á. 87 Nichlas Rohde (Breiðablik) fer af velli 85 Blikar spila nú með fimm manna vörn eftir innkomu Elfars Freys. Þeir hafa fullkomnað þetta 3-5-2 kerfi í Evrópudeildinni í sumar. Verður erfitt fyrir að Stjörnuna að skora. 80 Elfar Freyr Helgason (Breiðablik) kemur inn á Fær mikið lófatak frá stuðningsmönnum Breiðabliks. 80 Ellert Hreinsson (Breiðablik) fer af velli 77 Daníel Laxdal (Stjarnan) fær gult spjald Brýtur á Árna Vilhjálmssyni sem var að sleppa í gegn. Blikar vilja rautt. 76 Garðar Jóhannsson (Stjarnan) á skalla sem fer framhjá Úr dauðafæri eftir laglega fyrirgjöf Tryggva Sveins frá hægri. 74 Nichlas Rohde (Breiðablik) á skot framhjá Fær frábæra sendingu inn fyrir vörnina og kemst einn á móti Ingvar en skýtur framhjá úr dauðafæri. Ætti að vera kominn með þrennu í dag, Daninn. 74 Áhorfendur í dag eru 1.286 talsins. 73 Tryggvi Sveinn Bjarnason (Stjarnan) kemur inn á Tryggvi fer í sóknina. 73 Kennie Chopart (Stjarnan) fer af velli 73 Gunnar Örn Jónsson (Stjarnan) kemur inn á 73 Ólafur Karl Finsen (Stjarnan) fer af velli 71 Halldór Orri Björnsson (Stjarnan) á skot framhjá Örvæntingafull tilraun af löngu færi, hátt yfir markið. 68 Þórður Steinar Hreiðarsson (Breiðablik) á skot sem er varið Reynir bylmingsskot fyrir utan teig, beint á Ingvar. 66 Stjarnan fær hornspyrnu 64 MARK! Nichlas Rohde (Breiðablik) skorar 2:1 - Frábær sókn og fallegt mark. Ellert Hreinsson lyftir boltanum yfir vörn Breiðabliks á Rohde sem leikur á einn varnarmann og skorar af mikilli yfirvegun. Blikar miklu betri hér í seinni hálfleik. 63 Andri Rafn Yeoman (Breiðablik) á skalla sem er varinn Fínt færi í teignum eftir fyrirgjöf frá vinstri en skallinn ekki nógu fastur þannig Ingvar ver auðveldlega. 60 Kristinn Jónsson (Breiðablik) á skot framhjá Með hægri fæti fyrir utan teig. 57 Jafntefli eru ekki slæm úrslit fyrir Stjörnuna þar sem hún er með fimm stiga forskot á Blikana. Breiðablik á aftur á móti leik til góða gegn KR þannig baráttan heldur áfram. En þetta er ekki búið hér í kvöld! 55 MARK! Guðjón Pétur Lýðsson (Breiðablik) skorar úr víti 1:1 - Þrumar á mitt markið en Ingvar skutlar sér til vinstri. Öruggt víti. 54 Breiðablik fær víti Sverrir Ingi með bakfallsspyrnu og boltinn virðist fara í hönd Garðars Jóhannssonar. 54 Breiðablik fær hornspyrnu 53 Kennie Chopart (Stjarnan) á skot framhjá Langskot með vinstri færi, hátt yfir. 51 Ólafur Karl Finsen (Stjarnan) á skot sem er varið Halldór Orri leikur á hvern Blikann á fætur öðrum og gefur svo hælsendingu á Ólaf Karl sem er í dauðafæri uppvið markið en Gunnleifur lokar á hann og ver. 48 Renee Troost liggur eftir samstuð við Robert Sandnes. 47 Stjarnan fær hornspyrnu 46 Leikur hafinn Blikar byrja með boltann í seinni hálfleik og sækja í átt að Fífunni. 45 Ágætlega vel spilaður fyrri hálfleikur. Stjarnan nýtti besta færi sitt en ekki Blikarnir. Rohde tókst ekki að skora í autt mark og því er Stjarnan yfir. 45 Hálfleikur +2. Stjarnan marki yfir í hálfleik þökk sé Halldóri Orra. 45 Breiðablik fær hornspyrnu +1. 44 Stjarnan fær hornspyrnu 40 Breiðablik fær hornspyrnu Brot í teignum. Losar um pressuna loksins. 39 Breiðablik fær hornspyrnu Pressa núna. 39 Breiðablik fær hornspyrnu 39 Nichlas Rohde (Breiðablik) á skot sem er varið Vááá, björgun tímabilsins. Rohde fær sendingu inn fyrir vörnina og leikur á Ingvar sem er kominn út fyrir teiginn. Daninn rennir knettinum að auðu markinu en Hörður Árnason hleypur boltann uppi og bjargar á marklínu með sturlaðri tæklingu! 37 Garðar Jóhannsson með skemmtileg tilþrif í vítateig Stjörnunnar. Fíflar Troost upp úr skónum með laglegri gabbhreyfingu en missir boltann út af, því miður. 34 Breiðablik fær hornspyrnu Ekkert verður úr henni. 34 Árni Vilhjálmsson (Breiðablik) á skot sem er varið Dauðafæri! Finnur Orri tæklar boltann skemmtilega inn fyrir vörn Stjörnunnar á Árna sem kemst einn á móti Ingvari en sá síðarnefndi ver meistaralega í horn. 32 Breiðablik fær hornspyrnu Ekkert verður úr henni. 32 Breiðablik fær hornspyrnu 32 Nichlas Rohde (Breiðablik) á skot framhjá Tekur boltann á kassann og þrumar yfir. Boltinn hefur viðkomu í varnarmanni. 31 Ellert Hreinsson kemst í dauðafæri eftir hornspyrnuna en Jóhann Laxdal kemst fyrir skotið á ögurstundu. Ekki slæm tækling að hlaða í með landsliðsþjálfarann á vellinum. 31 Breiðablik fær hornspyrnu 30 Halldór Orri Björnsson (Stjarnan) á skot sem er varið Heldur boltanum lengi, leikur á nokkra Blika fyrir utan teiginn og nær skoti, beint á Gunnleif. 26 Blikarnir sækja miklu meira eftir markið. Staðráðnir í að jafna greinilega. 22 MARK! Halldór Orri Björnsson (Stjarnan) skorar 0:1 - Garðar Jóhannsson hefur betur í baráttu við Renee Troost í teignum en virðist brjóta á Hollendingnum. Hann rennir knettinum fyrir markið þar sem Halldór Orri skorar af stuttu færi með tvo Blika í sér. Ólafur Kristjánsson er brjálaður. 20 Kennie Chopart (Stjarnan) á skot framhjá Skot af 30 metra færi, langt framhjá. 17 Ingvar Jónsson nálægt því að gera skelfileg mistök. Sparkar boltanum beint í Árna Vilhjálmsson, framherja Breiðabliks, en er heppinn að fá boltann aftur og setur hann þá örugglega í innkast. Var kominn langt út fyrir teiginn. 14 Kennie Chopart (Stjarnan) á skalla sem fer framhjá Rétt framhjá eftir fyrirgjöf frá vinstri. 12 Ellert Hreinsson (Breiðablik) á skot sem er varið Tekur boltann með sér í baráttunni við miðverði Stjörnunnar en hittir ekki boltann. Skotið laflaust, beint á Ingvar. 11 Ólafur Karl Finsen (Stjarnan) fær gult spjald Fyrir brot á Andra Rafni Yeoman. 9 Stjarnan fær hornspyrnu 8 Nichlas Rohde (Breiðablik) á skot framhjá Flottir taktar hjá Dananum. Setur boltann á mili fóta Harðar Árnasonar, bakvarðar Stjörnunnar, leikur á annan mann til og skýtur svo með vinstri fæti rétt framhjá. 7 Árni Vilhjálmsson skýtur í höndina á Rauschenberg af stuttu færi. Heimamenn heimta víti en líklega var rétt að dæma ekkert. 6 Stjarnan fær hornspyrnu 5 Afskaplega rólegar upphafsmínútur í Kópavogi. Stjarnan sækir ögn meira. 1 Leikur hafinn Stjarnan byrjar með boltann og sækir í átt að Fífunni. 0 Liðin ganga út á völlinn. Það styttist í þennan mikilvæga leik. 0 Landsliðsþjálfarinn Lars Lagerbäck er mættur á Kópavogsvöllinn með aðstoðarmanni sínum Heimi Hallgrímssyni. Gunnleifur Gunnleifsson stendur í marki Breiðabliks en hann varði mark Íslands gegn Færeyjum. Hannes Þór Halldórsson er að spila á sama tíma með KR. Hér eru einnig eins og áður sagði bakverðirnir Jóhann Laxdal og Kristinn Jónsson sem gætu spilað sig inn í hópinn í kvöld. 0 Liðin eru að hita upp á blautum vellinum með svoleiðis dúndrandi Eurotrance-músík yfir sér. Tónlistin er svo hátt still hún hlýtur að heyrast í það minnsta upp í Kórahverfi. Hér heyrist ekki mannsins mál. 0 Það verður fróðlegt og gaman að fylgjast með baráttu nýjustu landsliðsmannanna í kvöld. Jóhann Laxdal, hægri bakvörður Stjörnunnar, og Kristinn Jónsson, vinstri bakvörður Breiðabliks, eiga eftir að mætast oft í baráttunni í kvöld enda báðir mjög sóknarsinnaðir. Báðir fengu þeir að spreyta sig með íslenska landsliðinu í vináttuleiknum gegn Færeyjum á dögunum og stóðu þeir sig með sóma. Það er ekki útilokað að þeir verði í hópnum hjá Lalla Lagerbäck á morgun en þá verður leikmannahópurinn fyrir leikina gegn Sviss og Albaníu kynntur. 0 Það er kaldhæðni örlaganna að þessi leikur sé svo mikilvægur í baráttunni um Evrópusæti. Stjarnan hefur mætt á Kópavogsvöllinn í lokaumferðinni tvö undanfarin tímabil og geta tryggt sér Evrópusæti með sigri en tapað í bæði skiptin. Í fyrra mættust liðin í hreinum úrslitaleik um 16 milljóna króna Evrópusæti og þá vann Breiðablik, 2:0, með tveimur mörkum frá Nichlas Rohde. Ellert Hreinsson var þá í liði Stjörnunnar og fékk rautt spjald á 71. mínútu. Fyrir tveimur árum var Breiðablik í engri baráttu um Evrópusæti en eyðilagði drauma Stjörnunnar í lokaumferðinni með 4:3-sigri hér á Kópavogsvelli. Arnar Már Björgvinsson skoraði tvívegis fyrir Blika gegn sínu gamla liði. 0 Logi Ólafsson gerir einning tvær breytingar á liðinu sem marði ÍA, 1:0, í síðustu umferð. Kenni Chopart kemur aftur inn í byrjunarliðið eftir meiðsli og Michael Præst byrjar einnig en hann var í banni í síðasta leik. Veigar Páll er ekki með vegna leikbanns og þá sest hetja síðasta leiks, Tryggvi Sveinn Bjarnason, á bekkinn. 0 Ólafur Kristjánsson gerir tvær breytingar á liðinu sem gerði markalaust jafntefli við Ólsara í síðustu umferð. Nichlas Rohde og Guðjón Pétur Lýðsson koma í byrjunarliðið fyrir þá Olgeir Sigurgeirsson og Tómas Óla Garðarsson. 0 Lið Stjörnunnar: Ingvar Jónsson; Jóhann Laxdal, Daníel Laxdal, Martin Rauschenberg, Hörður Árnason; Ólafur Karl Finsen, Michael Præst, Robert Sandnes, Halldór Orri Björnsson; Kennie Chopart, Garðar Jóhannsson. 0 Lið Breiðabliks: Gunnleifur Gunnleifsson; Þórður Steinar Hreiðarsson, Sverrir Ingi Ingason, Renee Troost, Kristinn Jónsson; Finnur Orri Margeirsson, Guðjón Pétur Lýðsson, Andri Rafn Yeoman; Nichlas Rohde, Árni Vilhjálmsson, Ellert Hreinsson. 0 Stjarnan verður án framherjans Veigars Páls Gunnarssonar í kvöld þar sem hann tekur út fyrri leikinn í tveggja leikja banni. Veigar Páll fékk sitt annað rauða spjald í sumar gegn ÍA í síðustu umferð. 0 Liðin hafa ekki mæst áður í sumar þar sem þetta er frestaður leikur úr fyrri umferðinni. Það skiptir öllu máli fyrir Stjörnuna að tapa ekki leiknum í kvöld því með sigri í kvöld og leiknum sem það á til góða getur Breiðablik komist yfir Stjörnuna í þriðja sætið. 0 Leikurinn skiptir sköpum í baráttunni um síðasta Evrópusætið þó Stjarnan sé reyndar vel inn í titilbaráttunni ennþá. Með sigri í kvöld kemst Stjarnan í frábæra stöðu í baráttunni um Evrópusæti en hún er með fimm stiga forskot á Breiðablik í 2. sæti. Blikar eiga þó leik til góða. 0 Góða kvöldið! Mbl.is heilsar frá Kópavogsvelli þar sem Breiðablik tekur á móti Stjörnunni í frestuðum leik úr 10. umferð Pepsi-deildar karla í fótbolta klukkan 18.00. Sjá meira Sjá allt Breiðablik: (M), . Varamenn: (M), . Stjarnan: (M), . Varamenn: (M), . Skot: Breiðablik 11 (7) - Stjarnan 9 (3) Horn: Breiðablik 10 - Stjarnan 6. Lýsandi: Völlur: Kópavogsvöllur Áhorfendafjöldi: 1.286 Leikur hefst 29. ágú. 2013 18:00 Aðstæður: 11 gráðu hiti, 5 m/s, alskýjað og skúrir með köflum. VÖllurinn góður. Dómari: Þóroddur Hjaltalín Aðstoðardómarar: Birkir Sigurðarson og Sverrir Gunnar Pálmason

• Blogga um frétt