„Mjög faglegur og leikmenn bera virðingu fyrir honum“

„Hann er mjög faglegur leikmenn bera mikla virðingu fyrir honum,“ segir landsliðsmaðurinn Helgi Valur Daníelsson við sænska netmiðilinn fotbollskanalen þegar hann var inntur álits á Svíanum Lars Lagerbäck þjálfara íslenska karlandsliðsins í knattspyrnu.

Svíar hafa fylgst grannt með framgangi Lagerbäck á Íslandi en hann þjálfaði lið Svía með góðum árangri frá 2000 til 2009 en undir hans stjórn komust Svíar í úrslitakeppni EM og HM.

„Við höfum haft íslenska þjálfara og þeir hafa ekki verið á jafn háu stigi og Lars. Honum hefur tekist að breyta miklu til hins betra. Það er allt orðið miklu faglegra í kringum landsliðið og hann hefur fengið knattspyrnusambandið til að gera hluti sem það hefur ekki gert áður.

Þetta er orðið í líkingu við það sem leikmenn hafa vanist en við eigum marga leikmenn sem spila í Evrópu og sumir þeirra hjá stórum félögum. Það hefur skapast mjög gott andrúmsloft með tilkomu Lars og það er miklu meiri stemning í kringum landsliðið en áður,“ segir Helgi Valur.

• 1 blogg um fréttina

Bloggað um fréttina

• Heimir Lárusson Fjeldsted: Tack så mycket