Ég vissi að margir yrðu svekktir

„Af langri reynslu vissi ég að hvenær sem miðarnir á leikinn yrðu seldir yrðu margir svekktir. Það hefur aldrei verið eins mikill áhugi á einum leik og ég er handviss um að við hefðum getað selt 25-30 þúsund miða.“

Þetta segir Geir Þorsteinsson, formaður KSÍ, í samtali í íþróttablaði  Morgunblaðsins í dag, en mikil reiði var á meðal knattspyrnuáhugamanna í gær vegna miðasölu á leik Íslands og Króatíu. Miðarnir fóru í sölu um hánótt og uppselt var á leikinn um klukkan hálfátta í gærmorgun.

 Sjá nánar viðtal við Geir í Morgunblaðinu í dag.