Eins og búast mátti við gerir Lars Lagerbäck, landsliðsþjálfari í fótbolta, tvær breytingar á liðinu sem mætir Króatíu í seinni leik liðanna í HM-umspilinu í kvöld.

Guðmundur Benediktsson, knattspyrnulýsandi hjá Stöð 2 Sport, kynnti liðið fyrir stuðningsmönnum á töflufundi í Zagreb nú rétt í þessu.

Birkir Már Sævarsson kemur aftur inn í liðið eftir að taka út leikbann í fyrri leiknum en hann tekur stöðu Ólafs Inga Skúlasonar í hægri bakverðinum.

Þá kemur Eiður Smári Guðjohnsen inn í byrjunarliðið fyrir Kolbein Sigþórsson sem meiddist í fyrri leiknum og er ekki með í kvöld.

Ísland: (4-4-2) Mark: Hannes Þór Halldórsson. Vörn: Birkir Már Sævarsson, Kári Árnason; Ragnar Sigurðsson, Ari Freyr Skúlason. Miðja: Jóhann Berg Guðmundsson, Aron Einar Gunnarsson, Gylfi Þór Sigurðsson, Birkir Bjarnason. Sókn: Eiður Smári Guðjohnsen, Alfreð Finnbogason.

Tengdar fréttir

Ísland-Króatía

Tuttugu þúsund þakka Eiði

• Fasistafögnuður Simunic - Myndband
• Lagerbäck sá besti sem ekki fer á HM
• „Leikurinn fer eitt-eitt!“
• Kovacic: Eigum allir skilið bjór frá Íslandi

» Fleiri tengdar fréttir

• 1 blogg um fréttina

Bloggað um fréttina

• Kristinn Snævar Jónsson: Við ætlum að vinna!