Blikar og Víkingar á toppnum

Breiðablik og Vík­ing­ur úr Reykja­vík eru í efstu sæt­un­um í sín­um riðlum í Lengju­bik­arn­um eft­ir að liðin unnu leiki sína í dag.

Vík­ing­ar mættu nöfn­um sín­um frá Ólafs­vík í Akra­nes­höll­inni og unnu þar 3:2 sig­ur eft­ir að hafa verið 2:1 yfir í leik­hléi. Reyk­vík­ing­ar eru með 10 stig á toppn­um í 3. riðli eft­ir fjór­ar um­ferðir.

Í fyrsta riðli lagði Breiðablik lið Kefl­vík­inga í Reykja­nes­höll­inni, 2:1, og er með 10 stig í efsta sæti, stigi á und­an KR. Stefán Gísla­son tryggði Blik­um stig­in þrjú með marki snemma í síðari hálfleik en hin tvö mörk­in komu úr víta­spyrn­um. Guðjón Pét­ur Lýðsson skoraði fyrst fyr­ir Blika en Boj­an Stefán Lju­bicic jafnaði fyr­ir Kefla­vík.

• Blogga um frétt