Gunnar Jarl Jónsson dæmir á fimmtudaginn sinn annan leik í forkeppni Evrópudeildar UEFA í knattspyrnu á þessu tímabili þegar hann verður við störf í Ungverjalandi.
Gunnar dæmir þar leik heimamanna í Ferencvárosi gegn Zeljeznicar frá Bosníu en þetta er fyrri viðureign liðanna í 2. umferð Evrópudeildarinnar. Birkir Sigurðarson og Gunnar Sverrir Gunnarsson verða aðstoðardómarar og Þóroddur Hjaltalín fjórði dómari.
Gunnar dæmdi líka í 1. umferðinni en það var seinni leikur AIK gegn VPS Oulu frá Finnlandi sem fram fór í Stokkhólmi.