Íþróttir | Íslenski fótboltinn | mbl | 3.9.2015 | 20:40 | Uppfært 4.9.2015 0:24

EM blasir við eftir magnaðan sigur í Hollandi

Mynd 1 af 21 Gylfi Þór Sigurðsson og Ólafur Ingi Skúlason við það að fallast í faðma eftir að flautað var af á Amsterdam ArenA. Íslenskur sigur staðreynd. Memphis Depay er hinsvegar vonsvikinn. AFP

Mynd 2 af 21 Birkir Már Sævarsson fagnar í leikslok. AFP

Mynd 3 af 21 Gylfi Þór Sigurðsson, Birkir Bjarnason, Ari Freyr Skúlason og fleiri leikmenn íslenska landsliðsins fagna marki Gylfa Þórs úr vítaspyrnu. AFP

Mynd 4 af 21 Marki Gylfa Þórs Sigurðssonar á 51. mínútu fagnað. AFP

Mynd 5 af 21 Gylfi Þór Sigurðsson skorar fyrsta mark leiksins úr vítaspyrnu á 51. mínútu. Spyrnan var dæmd eftir að brotið var á Birki Bjarnasyni. AFP

Mynd 6 af 21 Milorad Mazic, dómari, vísar, Bruno Martins Indi af leikvelli. Skapti Hallgrimsson

Mynd 7 af 21 Jón Daði Böðvarsson var hársbreidd frá því að koma íslenska liðinu yfir á 7. mínútu. Skapti Hallgrimsson

Mynd 8 af 21 Klaas-Jan Huntelaar í stórsókn. AFP

Mynd 9 af 21 Hurð skall nærri hælum á 17. mínútur þegar Arjen Robben spyrnti knettinum rétt framhjá íslenska markinu úr aukaspyrnu rétt utan vítateigs. AFP

Mynd 10 af 21 Arjen Robben og Ari Freyr Skúlason berjast um boltann. Hannes Þór Halldórsson, markvörður, er til varnar. AFP

Mynd 11 af 21 Arjen Robben vonsvikinn. AFP

Mynd 12 af 21 Arjen Robben varð að fara af leikvelli eftir um 25. mínútur vegna meiðsla. Skarð var fyrir skildi. AFP

Mynd 13 af 21 Arjen Robben og Aron Einar Gunnarsson, fyrirliðar heilsast fyrir viðureignina. Skapti Hallgrimsson

Mynd 14 af 21 Byrjunarlið Íslands á Amsterdam ArenA í dag. Skapti Hallgrimsson

Mynd 15 af 21 Arjen Robben. Skapti Hallgrimsson

Mynd 16 af 21 Eiður Smári Guðjohnsen og félagar hita upp á Amsterdam-ArenA. Skapti Hallgrimsson

Mynd 17 af 21 Frá upphitun á Amsterdam ArenA. Skapti Hallgrimsson

Mynd 18 af 21 Upphitun, Holland - Ísland Skapti Hallgrimsson

Mynd 19 af 21 Upphitun, Holland - Ísland Skapti Hallgrimsson

Mynd 20 af 21 Upphitun, Holland - Ísland Skapti Hallgrimsson

Mynd 21 af 21 Gylfi Þór og Schneijder í fyrri hálfleik að berjast um boltann. Skapti Hallgrimsson

Íslenska karlalandsliðið í knattspyrnu er komið í algjört dauðafæri til að tryggja sér sæti í lokakeppni Evrópumótsins 2016 í Frakklandi eftir óvæntan en frækinn sigur á Hollendingum 1:0, í Amsterdam í kvöld.

Gylfi Þór Sigurðsson skoraði sigurmarkið og Ísland er nú með 18 stig í afar góðri stöðu á toppi riðilsins. Tékkland er með 16 stig eftir sigur á Kasakstan, 2:1. Holland er með 10 stig, Tyrkland 9, Lettland 4 og Kasakstan 1 stig.

Ísland þarf aðeins einn sigur í síðustu þremur leikjunum til að komast á EM og getur tryggt sér sætið þar með því að sigra Kasakstan á Laugardalsvellilnum á sunnudagskvöldið.

Ísland fékk dauðafæri strax á 7. mínútu þegar Jóhann Berg Guðmundsson sendi boltann þvert fyrir hollenska markið og engu munaði að Jóni Daða Böðvarssyni tækist að stýra boltanum í netið.

Hollendingar sóttu talsvert um miðbik fyrri hálfleiks en urðu fyrir áfalli þegar Arjen Robben meiddist á 27. mínútu og var skipt af velli í kjölfarið.

Síðan dró heldur betur til tíðinda á 32. mínútu þegar Bruno Martins Indi miðvörður Hollendinga fékk rauða spjaldið fyrir að slá til Kolbeins Sigþórssonar.

Staðan í hálfleik var 0:0.

Á 51. mínútu braut Gregory van der Wiel á Birki Bjarnasyni og réttilega var dæmd vítaspyrna. Gylfi Þór Sigurðsson skoraði úr henni, 0:1, en litlu munaði að Jasper Cillessen tækist að verja.

Jóhann Berg Guðmundsson var hársbreidd frá því að koma Íslandi tveimur mörkum yfir á 55. mínútu þegar hann átti hörkuskot í stöng. Cillessen varði skömmu síðar mjög vel frá Gylfa sem átti gott skot sem stefndi í markhornið.

Hollendingar sóttu mjög á lokakafla leiksins, Hannes Þór Halldórsson hafði í nógu að snúast en varð þau skot sem á markið komu af öryggi.