Geir Þorsteinsson, formaður KSÍ, var skiljanlega kampakátur þegar mbl.is tók hann tali nokkrum mínútum eftir að Ísland tryggði sér inn á lokakeppni Evrópumótsins í karlaflokki í fyrsta sinn í sögunni.

„Við höfum verið í því að skrifa söguna mörg undanfarin ár og ég er ekkert nema stoltur. Það er gríðarleg eining innan knattspyrnuhreyfingarinnar og við höfum róið að sama markmiði,“ sagði Geir, og segir þetta uppskera gríðarlegrar vinnu.

„Ég er búinn að vera spenntur í allan dag og ég vissi að við myndum ná þessu í kvöld. Ég er gríðarlega stoltur, þetta er margra ára starf sem er að skila sér. Það eru margir sem hafa unnið að þessu og draumurinn rættist,“ sagði Geir, en var ákveðinn í að verkefninu væri ekki lokið.

„Nú er það bara Frakkland, en við viljum vinna riðilinn og það skiptir okkur máli. Þetta var erfiður leikur í dag og við höldum einbeitingu,“ sagði Geir Þorsteinsson í samtali við mbl.is.

Tengdar fréttir

EM 2016 í fótbolta

Danir slógu Evrópumeistarana úr leik

• Landsliðið tilnefnt til verðlauna – almenningur kýs
• Enska liðið mætti með smá hroka
• Þakklát fyrir boðið til Íslands
• Notkun gagnamagns jókst um 600%

» Fleiri tengdar fréttir

• 1 blogg um fréttina

Bloggað um fréttina

• S i g u r ð u r S i g u r ð a r s o n: Sterkt landslið, góðir þjálfarar