Fumlaust fyrsta skref til Hollands
Sindri Sverrisson
Setja bókamerki
Ísland átti ekki í neinum vandræðum með að leggja Hvíta-Rússland að velli í fyrsta leik sínum í undankeppni EM kvenna í knattspyrnu, á Laugardalsvelli í kvöld.
Ísland hafði algjöra yfirburði í leiknum frá A til Ö, og til marks um það átti liðið 27 marktilraunir gegn nákvæmlega engri af hendi gestanna. Aðeins var tímaspursmál hvenær Ísland næði að brjóta ísinn og það tókst á 30. mínútu þegar Hólmfríður Magnúsdóttir skoraði af stuttu færi eftir langan sprett inn í teiginn, þar sem hún fékk boltann eftir frábæran undirbúning Hörpu Þorsteinsdóttur. Harpa virtist svo sannarlega eiga að fá vítaspyrnu skömmu síðar en ekkert var dæmt, og þá fór boltinn í hönd varnarmanns Hvíta-Rússlands innan teigs en sömuleiðis var þá ekkert dæmt. Staðan 1:0 í hálfleik.
Ísland sótti áfram stíft í seinni hálfleiknum og á 73. mínútu kom seinna markið, þegar Dagný Brynjarsdóttir skallaði í netið eftir fyrirgjöf Hallberu Guðnýjar Gísladóttur, sem átti frábæran leik. Hallbera krækti svo í vítaspyrnu skömmu síðar þegar skot hennar fór í hönd varnarmanns Hvíta-Rússlands. Margrét Lára Viðarsdóttir fór á punktinn, í sínum 100. A-landsleik, en þrumaði boltanum því miður yfir markið.
Margréti var klappað lof í lófa þegar henni var skipt af velli örfáum mínútum fyrir leikslok, og komst vel frá sínu í þessum tímamótaleik en hún átti sinn þátt í fyrra markinu með sendingu á Hörpu. Hún var svo heiðruð að leik loknum.
Næstu leikir Íslands eru á útivelli gegn Makedóníu og Slóveníu undir lok október, en keppt er um að komast í lokakeppnina sem fram fer í Hollandi 2017.
Fylgst var með gangi mála hér á mbl.is. Viðtöl koma inn síðar í kvöld og fjallað verður ítarlega um leikinn í íþróttablaði Morgunblaðsins í fyrramálið.
| Ísland | 2:0 | Hvíta-Rússland |
|
|---|---|---|---|
| Hlé á leiknum eftir að Hallbera dúndraði boltanum í andlit Lutskevich. Hún þarf einhvern tíma til að jafna sig á þessu. Þetta var af mjög stuttu færi. | |||
Í kappi við tímann að reyna að afstýra verkfalli
50 milljónir eiga að minnka svindl um 1 milljarð
Dómur þyngdur um þrjú ár
Hulda saksóknari: „Tökum þetta ekki til greina“
Rússar sagðir útvega N-Kóreu milljón olíutunnur
Vika í kosningar: Þetta segja kannanir
Viðræður ekkert þokast frá því á þriðjudag
Hópur fólks reyndi að komast að eldgosinu