Glæsimark Höskuldar dugði ekki

Breiðablik og Vík­ing­ur Ólafs­vík skildu jöfn, 2:2, í 2. riðli A-deild­ar Lengju­bik­ars­ins í knatt­spyrnu karla í Fíf­unni í Kópa­vogi í kvöld. Breiðablik komst þar með upp að hlið Fylk­is í efsta sæti riðils­ins með sjö stig en Vík­ing­ar eru stigi á eft­ir.

Það blés byrlega fyr­ir Breiðablik í fyrri hálfleik. Hösk­uld­ur Gunn­laugs­son kom liðinu yfir á 17. mín­útu með glæsi­legu marki þegar hann spyrnti knett­in­um með hjól­hesta­spyrnu úr miðjum víta­teign­um eft­ir fyr­ir­gjöf frá hægri kanti. Atli Sig­ur­jóns­son tvö­faldaði for­skot Breiðabliks fjór­um mín­út­um síðar. Þar við sat í hálfleik. 

Síðari hálfleik­ur var aðeins tveggja mín­útna gam­all þegar Ken­an Turudija hafði minnkað mun­inn fyr­ir Vík­inga úr Ólafs­vík. Sjö mín­út­um síðar jafnaði Hrvoje Tokic met­in. Þar við sat. 

Leikn­ir frá Fá­skrúðsfirði gerði sér lítið fyr­ir og vann úr­vals­deild­arlið Þrótt­ar úr Reykja­vík, 2:1, í 4. riðli A-deild­ar í Eg­ils­höll­inni. Ekk­ert mark var skoraði í fyrri hálfleik. Kristó­fer Páll Viðars­son kom Leikn­ismönn­um yfir á 54. mín­útu. Aðeins átta mín­út­um síðar jafnaði Emil Atla­son met­in fyr­ir Þrótt. Kristó­fer Páll hafði hins­veg­ar ekki sagt sitt síðast orð. Hann skoraði annað mark á 74. mín­útu og það reynd­ist vera sig­ur­markið þegar upp var staðið. 

Þetta var fyrsti sig­ur Leikn­is frá Fá­skrúðsfirði í Lengju­bik­arn­um á þess­ari leiktið en liðið leik­ur í 1. deild karla í fyrsta sinn á þessu ári. Þrótt­ar­ar reka lest­ina í riðlin­um án stiga eft­ir þrjá leiki. 

• Blogga um frétt