Slæmt tap Breiðabliks

Breiðablik á erfitt verk­efni fyr­ir hönd­um í fyrstu um­ferð for­keppni Evr­ópu­deild­ar­inn­ar eft­ir slæmt tap á heima­velli gegn lett­neska liðinu Jelga­va, 2:3. Blikar voru sjálf­um sér verst­ir í þess­um leik en varn­ar­leik­ur liðsins var í einu orði skelfi­leg­ur.

Lítið var vitað um lið gest­anna áður en arfaslak­ur dansk­ur dóm­ari flautaði til leiks á Kópa­vogs­velli í kvöld. Lett­arn­ir eru stór­ir og sterk­ir og Blikar réðu ekk­ert við þá í föst­um leik­atriðum. Fyrsta markið kom ein­mitt eft­ir horn­spyrnu, þar sem dekkn­ing varn­ar­manna Breiðabliks var í besta falli barna­leg.

Mark Daniels Bam­berg þrem­ur mín­út­um síðar kveikti smá neista í heima­mönn­um en aft­ur skoruðu gest­irn­ir eft­ir horn­spyrnu og aft­ur voru varn­ar­menn Blika gjör­sam­lega stein­sof­andi í teign­um.

Jon­ath­an Glenn hef­ur verið slak­ur í sum­ar og hann átti sök á þriðja mark­inu skömmu fyr­ir leik­hlé. Glenn tapaði bolt­an­um og hinn eld­fljóti Mindaugas geyst­ist upp all­an völl­inn og kláraði und­ir Gunn­leif Gunn­leifs­son.

Staðan að lokn­um 45 mín­út­um var því 1:3 fyr­ir Jelga­va en frammistaða Breiðabliks í fyrri hálfleik var skelfi­leg í alla staði.

Seinni hálfleik­ur var frek­ar leiðin­leg­ur áhorfs. Lett­arn­ir bökkuðu í vörn og treystu á skynd­isókn­ir en Blikar reyndu að rétta sinn hlut. Það tókst með marki Oli­vers í blá­lok­in en þetta mark gef­ur Blik­um ör­litla von fyr­ir seinni leik­inn í Lett­landi.

Liðin mæt­ast aft­ur í Lett­landi næsta fimmtu­dag. Liðið sem hef­ur bet­ur sam­an­lagt kemst í 2. um­ferð og mæt­ir annað hvort Part­iz­ani frá Alban­íu eða Slov­an Brat­islava frá Slóvakíu.

Breiðablik	2:3	Jelga­va	Opna lýs­ingu Loka
90. mín. Boriss Bogda­skins (Jelga­va) fer af velli
Daniel Bamberg (13. mín.) Oliver Sigurjónsson (90. mín.) Mörk Glebs Kluskins (10. mín.) Valerijs Redjko (33. mín.) Mindaugas Grigaravicius (44. mín.) Spjöld Boriss Bogdaskins (80. mín.) Ryotaro Nakano (82. mín.) mín. 90 Leik lokið 90 MARK! Oliver Sigurjónsson (Breiðablik) skorar 2:3 - Frábært skot fyrir utan teig en Oliver hefur klárlega verið besti leikmaður Blika í kvöld. 90 90 Fimm mínútur í uppbótartíma. 90 Olegs Malasenoks (Jelgava) kemur inn á 90 Boriss Bogdaskins (Jelgava) fer af velli 89 Gísli Eyjólfsson (Breiðablik) á skot framhjá 88 Boriss Bogdaskins (Jelgava) á skot framhjá 86 Ellert Hreinsson (Breiðablik) á skot framhjá Lítil hætta og þetta er að fjara út hjá Blikum. 84 Oliver Sigurjónsson (Breiðablik) á skot framhjá Langt framhjá. 82 Ryotaro Nakano (Jelgava) fær gult spjald Rífur Ágúst niður. Þetta var ekki drengilega gert! 80 Boriss Bogdaskins (Jelgava) fær gult spjald Brýtur á Oliver, ekki í fyrsta sinn í þessum leik. 79 Jelgava fær hornspyrnu 79 Jelgava fær hornspyrnu 79 Mindaugas Grigaravicius (Jelgava) fer af velli 78 Vladislavs Sorokins (Jelgava) kemur inn á 78 Ágúst E. Hlynsson (Breiðablik) kemur inn á 78 Andri Rafn Yeoman (Breiðablik) fer af velli 76 Daniel Bamberg (Breiðablik) á skot framhjá Ágæt sending Alfonsar ratar á Bamberg vinstra megin í teignum en skotið er hárfínt framhjá fjærstönginni. 74 Boriss Bogdaskins (Jelgava) á skot framhjá 73 Alfons Sampsted (Breiðablik) á skot sem er varið Gott einstaklingsframtak en skotið er frekar laust og beint á fyrrum markvörð Víkings Ólafsvík. 70 Kyrylo Silich (Jelgava) kemur inn á 70 Daniils Turkovs (Jelgava) fer af velli 68 Gísli Eyjólfsson (Breiðablik) á skalla sem fer framhjá 67 Breiðablik fær hornspyrnu 67 Andri Rafn Yeoman (Breiðablik) á skot framhjá 65 Daniel Bamberg (Breiðablik) á skot framhjá Tekur boltann viðstöðulaust en þrumar honum langleiðina til Grindavíkur. 63 Breiðablik fær hornspyrnu 62 Tvöföld skipting hjá Arnari. Eitthvað verður hann að reyna. 62 Sólon Breki Leifsson (Breiðablik) kemur inn á 62 Arnþór Ari Atlason (Breiðablik) fer af velli 62 Gísli Eyjólfsson (Breiðablik) kemur inn á 62 Jonathan Glenn (Breiðablik) fer af velli 60 Arnþór Ari Atlason (Breiðablik) á skalla sem fer framhjá Ágæt sókn Blika. Alfons skallar boltann út í teiginn þar sem Arnþór kemur á ferðinni en skalli hans fer naumlega yfir markið. 58 Ryotaro Nakano (Jelgava) á skot sem er varið Fín skyndisókn endar með skotfæri fyrir Nakano en Japaninn setur laust skot beint á Gunnleif. 57 Glebs Kluskins (Jelgava) á skot framhjá Þrumuskot en rétt yfir markið. Þeir eru bara þrælgóðir Lettarnir. 54 Blikar reyna að sækja en þá opnast tækifæri fyrir eldfljóta Lettana í skyndisóknum. Þetta gæti farið illa. 50 Jelgava fær hornspyrnu 49 Boriss Bogdaskins (Jelgava) á skot framhjá Fyrir utan teig en Gulli horfir á eftir þessu framhjá stönginni 48 Blikar virðast pressa grimmar í upphafi seinni hálfleiks. Þeir þurfa að skora mörk, annars er þetta einvígi orðið mjög erfitt. 46 Seinni hálfleikur hafinn Jæja, koma svo Blikar! 45 Hálfleikur Hræðilegum fyrri hálfleik lokið. Blikar eru í einu orði, daprir. 44 MARK! Mindaugas Grigaravicius (Jelgava) skorar 1:3 - Glenn með skelfilega sendingu til baka, Lettinn stelur boltanum og brunar alla leið að marklinu. Skotið er hnitmiðað með jörðinni, framhjá varnarlausum Gunnleifi. 38 Vitalijs Smirnovs (Jelgava) á skalla sem fer framhjá Ágætt skallafæri eftir horn. Það er nánast færi eftir hverja einustu hornspyrnu Lettana. 38 Jelgava fær hornspyrnu 36 Elfar Freyr er ekki búinn að vera traustvekjandi í þessum leik og þarna munaði minnstu að hann gæfi gestunum mark á silfurfati með slökum skalla aftur á Gunnleif. Blikar þurfa að vakna núna! 35 Davíð K. Ólafsson (Breiðablik) á skot framhjá Af löngu færi en naumlega framhjá. Ekki galið. 33 MARK! Valerijs Redjko (Jelgava) skorar 1:2 - Aftur skora þeir eftir horn. Hornspyrnan siglir í gegnum allan teiginn og AFTUR stendur leikmaður Jelgava dauðfrír og setur boltann framhjá Gulla. Skelfileg vörn, hreint skelfileg. 33 Jelgava fær hornspyrnu 32 Ryotaro Nakano (Jelgava) á skot framhjá Í varnarmann og aftur fyrir markið. 32 Jelgava fær hornspyrnu 28 Glebs Kluskins (Jelgava) á skot framhjá Aftur skellur hurð nærri hælum. Bogdaskins er eldfljótur og sterkur á vinstri kantinum og kemur boltanum inn í teiginn. Skotið fer ca 7 cm framhjá hjá markaskoranum Kluskins. 25 Aftur skapa hornspyrnur Lettana stórhættu í teignum. Þeir eru stórir og sterkir og valda Blikum töluverðum vandræðum í föstum leikatriðum. 25 Jelgava fær hornspyrnu 22 Breiðablik fær hornspyrnu 22 Jelgava fær hornspyrnu 18 Daniel Bamberg (Breiðablik) á skot sem er varið Ágætur samleikur endar með skoti Bambergs fyrir utan teig. Boltinn fer hins vegar beint á Ikstens í markinu. 16 Mikilvægt fyrir Blika að svara strax. Þennan leik þurfa heimamenn helst að vinna örugglega. Þetta útivallarmark gæti hins vegar reynst Jelgava dýrmætt. 13 MARK! Daniel Bamberg (Breiðablik) skorar 1:1 - Glenn setur boltann í stöngina eftir góðan sprett Alfonsar upp hægri kantinn. Bamberg hirðir frákastið og setur boltann upp í samskeytin. 10 MARK! Glebs Kluskins (Jelgava) skorar 0:1 - Hræðilegt mark! Hornspyrna ratar á höfuð Kluskins, sem er dauðafrír á fjærstöng og skallar í netið. Hörmuleg varnarvinna Blika. 9 Jelgava fær hornspyrnu 9 Valerijs Redjko (Jelgava) á skot sem er varið Laflaust af löngu færi. Aldrei nein hætta á ferðum. 6 Blikar eru aðeins að vakna til lífsins eftir frekar daufa byrjun. Þetta Jelgava-lið lítur mun betur út en undirritaður átti von á. 2 Boriss Bogdaskins (Jelgava) á skot framhjá Úff,þarna munaði litlu. Gunnleifur missir boltann undir engri pressu og Lettarnir fá tvö prýðis skotfæri í teignum. Þarna sluppu Blikar vel. 0 Leikur hafinn Blikar byrja með boltann og sækja að Sporthúsinu. 0 Liðin hafa verið kynnt til leiks og þetta er að hefjast. 0 Gulli Gull er á sínum stað í marki Blika en þessi síungi kappi fékk boð í vikunni að fljúga út til Frakklands og sjá leik Íslands og Frakklands á EM. Breiðablik á leik gegn ÍBV í Borgunabikarnum á sunnudaginn kl. 14:00 og því þurfti Gunnleifur að afþakka gott boð. Svekk! 0 Íslenskir knattspyrnuáhugamenn muna eflaust eftir markverði liðsins, Kaspars Ikstens, sem lék þrjá leiki með Víkingi Ólafsvík sumarið 2013. Ólsarar voru frekar fljótir að átta sig á þeirri staðreynd að Einar Hjörleifsson var miklu betri kostur í markinu og Ikstens fór fljótlega aftur heim til sín. 0 Þekktustu leikmenn liðsins eru miðjumennirnir Artis Lazdins (21 landsleikur) og framherjinn Daniils Turkovs (4 landsleikir). 0 Jelgava hefur ekki staðið sig neitt sérlega vel í lettnesku deildinni undanfarin ár. Liðið varð lettneskur meistari 2009 en hefur síðan verið í meðalmennskunni. Jelgava komst í Evrópukeppnina sem bikarmeistari í þetta sinn. 0 Upplýsingar um byrjunarlið og reyndar leikmannahóp Jelgava eru ekki enn komnar í hendur blaðamanna. Þetta hlýtur að skila sér. 0 Byrjunarlið Blika er klárt og er nokkuð hefðbundið. Jonathan Glenn kemur aftur inn en framherjinn var í leikbanni í síðasta deildarleik. 0 Gott kvöld og verið velkomin í beina textalýsingu mbl.is héðan af Kópavogsvelli þar sem að Breiðablik mætir Jelgava frá Lettlandi. Þetta er fyrri leikur liðanna í 1. umferð forkeppni Evrópudeildarinnar, en seinni leikurinn fer fram í Lettlandi næsta fimmtudag. Sjá meira Sjá allt Breiðablik: (4-3-3) Mark: Gunnleifur Gunnleifsson. Vörn: Alfons Sampsted, Damir Muminovic, Elfar Freyr Helgason, Davíð K. Ólafsson. Miðja: Oliver Sigurjónsson, Arnþór Ari Atlason (Sólon Breki Leifsson 62), Andri Rafn Yeoman (Ágúst E. Hlynsson 78). Sókn: Ellert Hreinsson, Jonathan Glenn (Gísli Eyjólfsson 62), Daniel Bamberg. Varamenn: Aron Snær Friðriksson (M), Sólon Breki Leifsson, Ágúst E. Hlynsson, Viktor Örn Margeirsson, Arnór S. Aðalsteinsson, Guðmundur Friðriksson, Gísli Eyjólfsson. Jelgava: (4-4-2) Mark: Kaspars Ikstens. Vörn: Gints Freimanis, Vitalijs Smirnovs, Abdoulaye Diallo, Valerijs Redjko. Miðja: Boriss Bogdaskins (Olegs Malasenoks 90), Ryotaro Nakano, Glebs Kluskins, Mindaugas Grigaravicius (Vladislavs Sorokins 78). Sókn: Daniils Turkovs (Kyrylo Silich 70), Artis Lazdins. Varamenn: Marcis Melecis (M), Vladislavs Sorokins, Igors Savcenkovs, Kyrylo Silich, Olegs Malasenoks, Vladislav Klimovich, Kevin Kauber. Skot: Breiðablik 13 (4) - Jelgava 13 (5) Horn: Breiðablik 3 - Jelgava 9. Lýsandi: Benedikt Grétarsson Völlur: Kópavogsvöllur Áhorfendafjöldi: 531 Leikur hefst 30. júní 2016 19:15 Aðstæður: Hægur vindur og bjart. Völlurinn góður. Dómari: Anders Poulsen, Danmörku Aðstoðardómarar: Jakob Bille og Daniel R. Nørgaard

• Blogga um frétt