Höskuldur hetja Blika

Breiðablik sigraði Stjörnuna, 2:1, í 17. umferð Pepsi-deildar karla í knattspyrnu á Kópavogsvelli í dag. Breiðablik er með 30 stig í 2. sæti en Stjarnan 27 í 3. sæti deildarinnar. FH er á toppnum með 34 stig og á leik til góða gegn Víkingi Ólafsvík á morgun.

Heimamenn skoruðu fyrsta mark leiksins á 10. mínútu. Þar var á ferðinni Arnþór Ari Atlason. Davíð Ólafsson gaf boltann inn í vítateiginn, Arnþór skallaði boltann, Kerr varði en missti boltann og Arnór fylgdi eftir og skoraði sjálfur.

Stjörnumenn voru ekki lengi að jafna. Þeir fóru beint í sókn og eftir langt innkast Jóhanns Laxdal flikkaði Brynjar Guðjónsson boltanum áfram og Halldór Orri Björnsson mokaði boltanum yfir marklínuna.

Staðan 1:1 að loknum fyrri hálfleik.

Leikurinn róaðist talsvert í seinni hálfleik. Blikar voru líklegri fyrri hluta hálfleiksins en Stjörnumenn tóku völdin undir lokin. Það voru samt sem áður heimamenn sem tryggðu sér öll stigin í dag. Höskuldur Gunnlaugsson skoraði með skalla á síðustu mínútu leiksins eftir aukaspyrnu Olivers Sigurjónssonar og Blikar fögnuðu sætum sigri.

Breiðablik	2:1	Stjarnan	Opna lýsingu Loka
90. mín. Höskuldur Gunnlaugsson (Breiðablik) skorar 2:1 - Oliver tók aukaspyrnu rétt fyrir framan miðlínu og gaf boltann inn í vítateiginn. Þar náði að ég held minnsti maður vallarins að stanga boltann í markið. Höskuldur er væntanlega að tryggja Blikum sigurinn!
Augnablik — sæki gögn...

• Blogga um frétt