„Þetta verður bardagi“

Það var fjöl­mennt á blaðamanna­fundi ís­lenska landsliðsins í knatt­spyrnu á ólymp­íu­leik­vang­in­um í Kiev í morg­un en Íslend­ing­ar mæta Úkraínu­mönn­um í fyrsta leik sín­um í undan­keppni HM annað kvöld.

Landsliðsþjálf­ar­inn Heim­ir Hall­gríms­son og fyr­irliðinn Aron Ein­ar Gunn­ars­son sátu fyr­ir svör­um frétta­manna.

„Okk­ur gekk mjög vel á Evr­ópu­mót­inu í Frakklandi í sum­ar en nú er það búið og ný áskor­un er framund­an sem hefst með leikn­um á móti Úkraínu á morg­un. Riðill­inn sem við erum í er erfiður og til marks um það tóku fjög­ur af liðunum þátt í EM í sum­ar,“ sagði Aron Ein­ar.

„Við erum und­ir­bún­ir fyr­ir mjög erfiðan leik. Við þurf­um að halda bar­átt­unni og vinnu­sem­inni, vera agaðir og ein­beitt­ir á alla hluti sem við fram­kvæm­um. Við vor­um hátt uppi í sum­ar og við vilj­um upp­lifa þá til­finn­ingu aft­ur

Óskar Örn Guðbrands­son, fjöl­miðlafull­trúi KSÍ, Heim­ir Hall­gríms­son og Aron Ein­ar Gunn­ars­son á frétta­manna­fund­in­um í Kiev í morg­un. ml.is/​Guðmund­ur Hilm­ars­son

Spurður út í missinn af Kol­beini Sigþórs­syni í leikn­um á morg­un sagði Heim­ir.

„Það breyt­ir engu í leik­skipu­lagi okk­ar. Við höld­um bara okk­ar striki og byggja ofan á það sem við höf­um gert und­an­far­in fjög­ur ár. Úkraínska liðið er gott og í því eru leik­menn sem spila í Meist­ara­deild­inni og í Evr­ópu­deild­inni. Þeir þekkja hver ann­an mjög vel. Ég veit að Úkraínu­menn urðu fyr­ir von­brigðum með ár­ang­ur sinn á Evr­ópu­mót­inu og þeir vilja nú rétta sinn hlut.

Hvert stig í þess­um erfiða riðli sem við erum í verður mjög mik­il­vægt. Við verðum að vera mjög vel ein­beitt­ir í okk­ar leikj­um. Draum­ur minn í dag er að vinna næsta leik og það er leik­ur­inn á móti Úkraínu. Við þurf­um að leggja áfram hart að okk­ur. Það er ákveðinn pressa á Úkraínu­mönn­un­um eft­ir EM en þar sem það verða eng­ir áhorf­end­ur á leikn­um þá gæti það létt press­unni af þeim,“ sagði Heim­ir.

Spurður hvað hann vilji sjá hjá sínu liði annað kvöld svaraði landsliðsþjálf­ar­inn:

„Vel­gengn­in er eng­in enda­stöð. Þetta er stans­laust ferðalag. Þetta verður bar­áttu­leik­ur á móti Úkraínu­mönn­un­um og hreinn bar­dagi. Bæði lið eru vinnu­söm,“ sagði Heim­ir.

• 1 blogg um frétt­ina

Bloggað um frétt­ina

• Ómar Ragn­ars­son: Tíma­móta­leik­ur með autt blað.