Elmar heldur sæti sínu

Theódór Elmar Bjarnason heldur sæti sínu í byrjunarliði Íslands og Hörður Björgvin Magnússon kemur inn í liðið fyrir leikinn gegn Króötum sem hefst eftir rúma klukkustund í Zagreb í undankeppni HM í knattspyrnu. 

Fylgst verður með gangi mála í leiknum hér á mbl.is. 

Fyrirliðinn Aron Einar Gunnarsson snýr aftur í sína stöðu á miðjunni eftir að hafa tekið út leikbann og því heldur Theódór sæti sínu á kantinum þar sem Birkir Bjarnason, sem lék á miðjunni með Gylfa í síðasta leik, spilar nú fyrir aftan Jón Daða Böðvarsson í framlínunni.

Hörður Björgvin kemur inn fyrir Ara Frey Skúlason vegna sýkingar í fæti hjá Ara.

Byrjunarliðið í heild sinni má sjá hér að neðan:

Mark: Hannes Þór Halldórsson

Vörn: Birkir Már Sævarsson, Ragnar Sigurðsson, Kári Árnason, Hörður Björgvin Magnússon;

Miðja:Theódór Elmar Bjarnason, Aron Einar Gunnarsson, Birkir Bjarnason, Jóhann Berg GUðmundsson

Sókn: Gylfi Þór Sigurðsson, Jón Daði Böðvarsson. 

Viðar Örn Kjartansson byrjar á bekknum. mbl.is/Eggert Jóhannesson

• 1 blogg um fréttina

Bloggað um fréttina

• Torfi Kristján Stefánsson: Gaman að sjá Hörð Björgvin spreyta sig!