Sandra María Jessen, landsliðskona í knattspyrnu, er með slitið aftara krossband og setur stefnuna á að vera komin á kreik á nýjan leik eftir þrjá mánuði, en segja má að betur hafi farið en á horfðist.
Sandra María meiddist í fyrsta leik Íslands á Algarve-bikarnum í knattspyrnu sem fór fram í Portúgal á dögunum og litu myndirnar af atvikinu hrikalega út.
Íslenska landsliðið leikur á EM í sumar og á fyrsta leik þann 18. júlí, eftir rúma fjóra mánuði.
Sandra María sagði frá niðurstöðunum í færslu á Facebook sem lesa má í heild sinni hér að neðan en þar sagði Sandra meðal annars:
„Niðurstöðurnar voru fremur jákvæðar úr því sem komið var. Ég er með slitið aftara krossband og tvö massív beinmör. Engin skemmd er á liðböndum eða liðþófa. Það er mun sjaldgæfara að slíta aftara krossbandið og er talið mun skárra en að slíta það fremra, líkt og ég gerði árið 2014.