Ég verð líklega klár

„Ég er að reyna mitt besta til að vera klár í lands­leik­inn, en get ekki svarað því núna hvort svo verður. Mér finnst samt lík­legt að ég verði orðinn klár, og það var alltaf mark­miðið sem ég setti mér,“ sagði Kári Árna­son, landsliðsmiðvörður í knatt­spyrnu, við Morg­un­blaðið í gær.

Kári hef­ur verið frá keppni í rúm­an mánuð vegna meiðsla en sprunga myndaðist í rif­beini við högg sem hann fékk í leik með liði sínu Omonia Nicosia á Kýp­ur. Lands­leik­ur­inn sem hann nefn­ir er leik­ur Íslands og Kósóvó í Alban­íu föstu­dag­inn 24. mars, í undan­keppni HM, sem gæti orðið fyrsti móts­leik­ur­inn sem Kári miss­ir af síðan í mars 2013.

Í fyrstu leit út fyr­ir að meiðslin væru ekki svo al­var­leg, en Kári hef­ur nú misst af sex leikj­um. Í besta falli nær hann því að spila einn leik, á laug­ar­dag, fyr­ir lands­leikja­hléið:

„Það hægðist aðeins á bata­ferl­inu og ég hef ekki verið að spila, til þess að taka ekki neina sénsa. Fyrst um sinn gerði ég lítið, til að hlífa mér al­gjör­lega, en svo hef ég hægt og bít­andi farið að æfa meira og meira. Núna er ég bú­inn að æfa með liðinu síðustu vik­una en það hef­ur verið of áhættu­samt að spila leik hingað til, ef ske kynni að maður fengi eitt­hvert högg. Þetta er í ákveðnu ferli og ég reyni að vera klár eins fljótt og mögu­legt er,“ sagði Kári.

„Það er mögu­leiki á að ég spili næsta leik á laug­ar­dag en við met­um stöðuna dag frá degi og ég fer í mynda­töku reglu­lega til að sjá hvernig beinið grær,“ sagði Kári sem kveðst í góðu formi enda hafi hann getað hlaupið og æft að mestu leyti þó að hann hafi ekki spilað. sindr­is@mbl.is