Fjölnir lagði Breiðablik

Fjöln­is­menn lögðu Breiðablik að velli, 1:0, í ann­arri um­ferð Pepsi-deild­ar karla í knatt­spyrnu á Extra-vell­in­um í Grafar­vogi í kvöld.

Miðvörður­inn Hans Vikt­or Guðmunds­son skoraði sig­ur­markið á 61. mín­útu og Fjöln­ir er með 4 stig eft­ir tvo leiki en Blikar sitja eft­ir við botn­inn án stiga.

Blikar byrjuðu leik­inn bet­ur en Fjöln­ir náði smám sam­an yf­ir­hönd­inni á vell­in­um og sótti á köfl­um stíft að marki Kópa­vogsliðsins.

Besta færi fyrri hálfleiks kom á 26. mín­útu þegar króa­tíski miðvörður­inn Ivica Dzol­an átti skalla í þverslá Blika­marks­ins eft­ir fyr­ir­gjöf Birn­is Snæs Inga­son­ar.

Fjöln­ir átti all­ar þær marktilraun­ir sem sáust í fyrri hálfleikn­um en Blikar náðu ekki einu ein­asta skoti að marki Grafar­vogsliðsins fyrstu 45 mín­út­urn­ar.

Leik­ur­inn var mun líf­legri eft­ir hlé og eft­ir betri byrj­un Blika náðu Fjöln­is­menn for­yst­unni á 61. mín­útu. Igor Jugovic þrumaði að marki af 20 færi eft­ir að Blikar skölluðu bolt­ann frá marki sínu, og hann fór í miðvörðinn Hans Vikt­or Guðmunds­son í víta­teign­um og þaðan í netið, 1:0.

Liðin sóttu til skipt­is en Fjöln­ir fékk hættu­legri færi og var nær því að bæta við en Blikar að jafna met­in.

Fjöln­ir	1:0	Breiðablik	Opna lýs­ingu Loka
90. mín. Mart­in Lund (Breiðablik) á skot sem er varið
Hans Viktor Guðmundsson (61. mín.) Mörk Ingimundur N. Óskarsson (45. mín.) Igor Taskovic (49. mín.) Igor Jugovic (63. mín.) Spjöld Gísli Eyjólfsson (57. mín.) Guðmundur Friðriksson (74. mín.) mín. 90 Leik lokið Fjölnir fær stigin þrjú. 90 Martin Lund (Breiðablik) á skot sem er varið 89 Sólon Breki Leifsson (Breiðablik) kemur inn á 89 Davíð K. Ólafsson (Breiðablik) fer af velli 89 Anton Freyr Ársælsson (Fjölnir) kemur inn á 89 Þórir Guðjónsson (Fjölnir) fer af velli 88 Ægir Jarl Jónasson (Fjölnir) á skot framhjá Dauðafæri eftir skyndisókn en skaut hátt yfir markið 85 Þórir Guðjónsson slapp innfyrir vörn Blika eftir skyndisókn en þeir náðu að elta hann uppi af harðfylgi og koma í veg fyrr að hann næði skoti. 84 Ægir Jarl Jónasson (Fjölnir) á skot framhjá Rétt utan teigs og yfir markið 80 Fjölnir fær hornspyrnu Og aðra 80 Fjölnir fær hornspyrnu 78 Ingimundur N. Óskarsson (Fjölnir) á skot framhjá Utan teigs og nokkuð framhjá vinstra megin. 77 Willum Þór Willumsson (Breiðablik) kemur inn á Sonur þjálfara KR eins og nafnið ber með sér. 77 Gísli Eyjólfsson (Breiðablik) fer af velli 74 Guðmundur Friðriksson (Breiðablik) fær gult spjald Fyrir brot 73 Þórir Guðjónsson (Fjölnir) á skot sem er varið Rétt utan vítateigs og beint á Gunnleif. 72 Gísli Eyjólfsson (Breiðablik) á skot framhjá Gott skot af 20 m færi og hárfínt framhjá stönginni vinstra megin. 67 Breiðablik fær hornspyrnu 67 Andri Rafn Yeoman (Breiðablik) á skot sem er varið Rétt utan teigs og Þórður ver í horn 66 Breiðablik fær hornspyrnu 65 Blikinn Davíð Kristján Ólafsson fær aðhlynningu og fer af velli. Líklega höfuðhögg, hann lá eftir að loknu návígi við vítateig Fjölnis. 64 Sennilega fær Hans Viktor Guðmundsson markið skráð á sig. Hann mun hafa fengið boltann í sig eftir skotið hjá Jugovic. 63 Igor Jugovic (Fjölnir) fær gult spjald Fyrir brot 63 Aron Bjarnason (Breiðablik) kemur inn á 63 Arnþór Ari Atlason (Breiðablik) fer af velli 61 MARK! Hans Viktor Guðmundsson (Fjölnir) skorar 1:0 - Eftir fyrirgjöf skölluðu Blikar boltann útfyrir vítateiginn en þar var Igor Jugovic á réttum stað og hamraði boltann viðstöðulaust í netið. En með viðkomu í Hans Viktori sem fær markið væntanlega skráð á sig. 61 Fjölnir fær hornspyrnu 59 Meðalaldurinn í liði Fjölnis lækkaði all verulega við þessar skiptingar! 57 Marcus Solberg (Fjölnir) kemur inn á 57 Igor Taskovic (Fjölnir) fer af velli 57 Ægir Jarl Jónasson (Fjölnir) kemur inn á 57 Gunnar Már Guðmundsson (Fjölnir) fer af velli 57 Gísli Eyjólfsson (Breiðablik) fær gult spjald Fyrir að reyna að stöðva skyndisókn. Tókst ekki en fékk svo spjaldið þegar sókninni lauk 56 Breiðablik fær hornspyrnu 56 Gísli Eyjólfsson (Breiðablik) á skot sem er varið Í varnarmann og horn 56 Breiðablik fær hornspyrnu 55 Breiðablik fær hornspyrnu 55 Höskuldur Gunnlaugsson (Breiðablik) á skot sem er varið Góð sókn, skot í varnarmann og horn 54 Arnþór Ari Atlason (Breiðablik) á skot framhjá Skýtur yfir markið. Illa farið með gott færi. 53 Aftur er brotið á Lund í vítaboga Fjölnis. Blikar fá aftur aukaspyrnu á besta stað. 51 Blikar hafa byrjað seinni hálfleik vel. Eflaust fengið orð í eyra hjá Arnari Grétarssyni í leikhléinu. 50 Breiðablik fær hornspyrnu 50 Hrvoje Tokic (Breiðablik) á skot sem er varið Fast skot úr aukaspyrnunni með jörðu hægra megin en Þórður ver í horn. 49 Igor Taskovic (Fjölnir) fær gult spjald Skellti Martin Lund sem var að komast í dauðafæri í vítaboganum. Aukaspyrna Blika á besta stað. 47 Dauðafæri Blika en Tokic er rangstæður. Þórður Ingason varði þó vel frá honum til öryggis! 46 Liðin eru óbreytt 46 Seinni hálfleikur hafinn Nú leika Blikar í átt að Ártúnshöfða en Fjölnismenn í átt að Esjunni. 45 Hálfleikur Staðan er 0:0 og Fjölnismenn hafa nú spilað þrjá markalausa hálfleika það sem af er þessu Íslandsmóti! Þeir hafa verið sterkari aðilinn ef undan er skilið fyrsta korterið og Ivica Dzolan var næstur því að skora þegar hann átti skalla í þverslá Blikamarksins. Breiðablik hefur ekki átt eina einustu marktilraun það sem af er leiknum. 45 Ingimundur N. Óskarsson (Fjölnir) fær gult spjald Óþarfa brot á miðjum vallarhelmingi Blika. 42 Það eru áfram Fjölnismenn sem ráða ferðinni að mestu og Blikar hafa sjaldan farið yfir miðju seinni hluta hálfleiksins. 39 Ein hættulegasta sókn Blika og Davíð Kristján með fyrirgjöf frá vinstri. Engu munar að Hrvoje Tokic nái höfðinu í boltann en hann siglir framhjá honum. 37 Birnir Snær Ingason (Fjölnir) á skot framhjá Fast skot rétt utan vítateigs eftir góðan sprett en framhjá markinu hægra megin. 31 Fjölnir fær hornspyrnu 30 Fjölnir fær hornspyrnu 27 Ingimundur N. Óskarsson (Fjölnir) á skot framhjá Frá vítateig. Nokkuð þung sókn Fjölnis síðustu mínútur. 26 Ivica Dzolan (Fjölnir) á skalla í þverslá Hörkuskalli í slána eftir fyrirgjöf Birnis! 25 Fjölnir fær hornspyrnu 25 Jafnvægið hefur heldur snúist Fjölnismönnum í hag síðustu 10 mínúturnar og þeir verið meira með boltann. 21 Fjölnir fær hornspyrnu 16 Blikar hafa að mestu ráðið ferðinni en Fjölnismenn hafa átt einu markskotin til þessa. 15 Ingimundur N. Óskarsson (Fjölnir) á skot sem er varið Skemmtilegur snúningur en skotið frá vítateig beint á Gunnleif. 13 Breiðablik fær hornspyrnu Hættuleg sókn þar sem Tokic fékk boltann inní teiginn vinstra megin frá Lund. 11 Breiðablik fær hornspyrnu 10 Birnir Snær Ingason (Fjölnir) á skot framhjá Fín tilraun rétt utan vítateigs, með jörðu og rétt framhjá hægra megin. 9 Blikar eru meira með boltann á þessum fyrstu mínútum en engin hætta hefur skapast við mörkin. 7 Tadejevic er kominn aftur inná. Virðist í lagi. 6 Mario Tadejevic vinstri bakvörður Fjölnis liggur utan vallar eftir samstuð við Höskuld Gunnlaugsson og fær aðhlynningu þar. 3 Hjá Fjölni fer Mees Siers í stöðu hægri bakvarðar í sínum fyrsta leik, í stað Sigurjóns Más Markússonar sem þó stóð sig vel í Eyjum. Birnir Snær Ingason er á vinstri kantinum í staðinn fyrir Marcus Solberg. 2 Hjá Blikum fer Viktor Örn Margeirsson í miðvarðarstöðuna í stað Gísla Eyjólfssonar. Gísli er kominn á miðjuna í stað Olivers Sigurjónssonar sem er ekki með í dag eins og áður var getið. Höskuldur Gunnlaugsson er svo á hægri kanti í stað Arons Bjarnasonar. 1 Leikur hafinn Fjölnir byrjar og spilar í átt að Ártúnshöfðanum. Blikar í átt að Esjunni. 0 19.15 - Liðin heilsast og síðan fyrirliðarnir sem eru markverðirnir Gunnleifur Gunnleifsson og Þórður Ingason. 0 19.14 - Nú ganga liðin inná völlinn. 0 19.10 - Fólk er að tínast í stúkuna, fimm mínútur í leik. Liðin eru inni sem stendur. 0 18.52 - Í Grafarvogi er gola og 6-7 stiga hiti. Þurrt, allavega í augnablikinu, og völlurinn lítur ágætlega út fyrir þenna fyrsta heimaleik Fjölnismanna. 0 Danski framherjinn Martin Lund er áfram í byrjunarliði Breiðabliks og spilar á sínum gamla heimavelli. Lund lék með Fjölni í fyrra og skoraði 9 mörk fyrir liðið í deildinni. Jafnmörg og Hrvoje Tokic skoraði fyrir Víking í Ólafsvík en Króatinn er nú við hlið hans í framlínu Blikanna. 0 Ágúst Þór Gylfason gerir tvær breytingar á byrjunarliði Fjölnis. Mees Siers, sem kom til liðsins frá ÍBV í vikunni fer beint í byrjunarliðið og Birnir Snær Ingason byrjar líka inná eftir mjög fríska innkomu gegn ÍBV í fyrstu umferð. Bakvörðurinn ungi Sigurjón Már Markússon og danski framherjinn Marcus Solberg víkja og eru á bekknum í kvöld. 0 Arnar Grétarsson gerir tvær breytingar á byrjunarliði Breiðabliks frá leiknum við KA. Oliver Sigurjónsson er ekki með í dag og Aron Bjarnason fer á bekkinn en Viktor Örn Margeirsson og Höskuldur Gunnlaugsson koma inní byrjunarliðið í staðinn. 0 Fjölnir hefur aðeins unnið einn af tíu leikjum þessara félaga í efstu deild frá upphafi. Það var einmitt síðasti leikur þeirra, í lokaumferð deildarinnar síðasta haust. Þá unnu Fjölnismenn 3:0 og tryggðu sér fjórða sætið í deildinni en sendu um leið Blikana niður í sjötta sætið. 0 Velkomin með mbl.is á Extra-völlinn í Grafarvogi þar sem Fjölnir fær Breiðablik í heimsókn. Fjölnir gerði 0:0 jafntefli við ÍBV í Eyjum í fyrstu umferð en Breiðablik tapaði 1:3 fyrir KA á heimavelli. Sjá meira Sjá allt Fjölnir: (4-3-3) Mark: Þórður Ingason. Vörn: Mees Siers, Hans Viktor Guðmundsson, Ivica Dzolan, Mario Tadejevic. Miðja: Gunnar Már Guðmundsson (Ægir Jarl Jónasson 57), Igor Taskovic (Marcus Solberg 57), Igor Jugovic. Sókn: Ingimundur N. Óskarsson, Þórir Guðjónsson (Anton Freyr Ársælsson 89), Birnir Snær Ingason. Varamenn: Jökull Blængsson (M), Bojan Stefán Ljubicic, Ægir Jarl Jónasson, Anton Freyr Ársælsson, Marcus Solberg, Torfi T. Gunnarsson, Sigurjón Már Markússon. Breiðablik: (4-3-3) Mark: Gunnleifur Gunnleifsson. Vörn: Guðmundur Friðriksson, Viktor Örn Margeirsson, Damir Muminovic, Davíð K. Ólafsson (Sólon Breki Leifsson 89). Miðja: Gísli Eyjólfsson (Willum Þór Willumsson 77), Andri Rafn Yeoman, Arnþór Ari Atlason (Aron Bjarnason 63). Sókn: Höskuldur Gunnlaugsson, Hrvoje Tokic, Martin Lund. Varamenn: Elías Rafn Ólafsson (M), Kolbeinn Þórðarson, Sólon Breki Leifsson, Ernir Bjarnason, Willum Þór Willumsson, Aron Bjarnason, Sindri Þór Ingimarsson. Skot: Breiðablik 7 (5) - Fjölnir 10 (4) Horn: Fjölnir 7 - Breiðablik 8. Lýsandi: Víðir Sigurðsson Völlur: Extra-völlurinn Grafarvogi Áhorfendafjöldi: 984 Leikur hefst 8. maí 2017 19:15 Aðstæður: 6 stiga hiti, gola, skýjað en þurrt. Völlurinn lítur vel út. Dómari: Þóroddur Hjaltalín Aðstoðardómarar: Frosti Viðar Gunnarsson og Adolf Þ. Andersen

• Blogga um frétt