Íslenska karla­landsliðið í knatt­spyrnu er aft­ur farið að stela fyr­ir­sögn­um er­lendra fjöl­miðla eft­ir magnaðan 3:0 sig­ur liðsins á Tyrkj­um þar í landi í kvöld. Íslenska liðið er komið í kjör­stöðu í I-riðli og næg­ir að vinna Kósóvó á mánu­dag í loka­leik liðsins í undan­keppn­inni til að kom­ast á HM í Rússlandi.

Danska rík­is­út­varpið minn­ir okk­ur á vík­ingaklappið í sinni fyr­ir­sögn.

„HÚ! Ísland burstaði Tyrk­land og er ná­lægt farmiða á HM“ sagði í frétt DR.

Sig­ur Íslands er fyrsta frétt á vef danska blaðsins Politiken sem tók skýra af­stöðu í fyrra­sum­ar um að halda með ís­lenska liðinu á EM í Frakklandi.

„Ísland er ein­fald­lega ein­um heima­sigri frá því að tryggja sig inn á HM“ sagði á vef Politiken.

„Rugluð úr­slit! Ísland er nán­ast komið beint á HM“ seg­ir á vef BT.

„Ísland malaði Tyrki á úti­velli” seg­ir í Expressen í Svíþjóð.

„Ísland valtaði yfir Tyrki - næst­um klár­ir til Rúss­lands“ sagði Ver­d­ens Gang í Nor­egi.

„Ísland tók risa­skref í átt að loka­keppn­inni“ seg­ir Guar­di­an.

„Ísland fær­ist nær fyrsta heims­meist­ara­mót­inu“ seg­ir á vef Sky Sports.

Tengd­ar frétt­ir

Tyrk­land - Ísland í undan­keppni HM

Bað tyrk­nesku þjóðina af­sök­un­ar eft­ir leik

• Tyrk­ir brjálaðir út í Arda Tur­an
• Einn besti leik­ur Íslands frá upp­hafi
• Frá­bær­lega út­fært að mati Guðna
• Fær 760 þúsund fyr­ir sig­ur Íslands

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Vil­hjálm­ur Örn Vil­hjálms­son: Er­dog­an spæld­ur á heima­velli