Ísland verður í riðli með Arg­entínu, Króa­tíu og Níg­er­íu í loka­keppni heims­meist­ara­móts karla í knatt­spyrnu í Rússlandi sum­arið 2018.

Leikið verður við Arg­entínu­menn í Moskvu 16. júní, við Níg­er­íu­menn í Volgograd 22. júní og loks við Króa­tíu í Rostov 26. júní.

Tvö efstu liðin í hverj­um riðli kom­ast í sex­tán liða úr­slit­in.

A-RIÐILL: Rúss­land, Úrúg­væ, Egypta­land, Sádi-Ar­ab­ía.
B-RIÐILL: Portúgal, Spánn, Íran, Mar­okkó.
C-RIÐILL: Frakk­land, Perú, Dan­mörk, Ástr­al­ía.
D-RIÐILL: Arg­entína, Króatía, Ísland, Níg­er­ía.
E-RIÐILL: Bras­il­ía, Sviss, Kosta­ríka, Serbía.
F-RIÐILL: Þýska­land, Mexí­kó, Svíþjóð. Suður-Kórea.
G-RIÐILL: Belg­ía, Eng­land, Tún­is, Panama.
H-RIÐILL: Pól­land, Kól­umbía, Senegal, Jap­an.

Fylgst var með drætt­in­um í  beinni texta­lýs­ingu hér á mbl.is.

	HM-drátt­ur­inn í beinni	Opna lýs­ingu Loka
kl. 15:56 Búlga­ría Texta­lýs­ing Jap­an fer að lok­um í H-riðil með Póllandi, Senegal og Kól­umb­íu.
kl. 15:56 Leikir Íslands eru þessir: Ísland - Argentína í Moskvu 16. júní. Ísland - Nígería í Volgograd 22. júní. Ísland - Króatía í Rostov 26. júní. 15:56 Japan fer að lokum í H-riðil með Póllandi, Senegal og Kólumbíu. 15:55 Suður-Kórea fer í F-riðil með Þýskalandi, Mexíkó og Svíþjóð. 15:55 Panama fer í G-riðil með Belgíu, Túnis og Englandi. 15:54 Ísland mætir Nígeríu í Volgograd 22. júní 15:54 Nígería kemur í D-riðilinn með Argentínu, Íslandi og Króatíu!!! 15:53 Ástralía fer í C-riðil með Frakklandi, Perú og Danmörku. 15:52 Marokkó fer í B-riðil með Portúgal, Spáni og Íran 15:52 Serbía næst og hoppar yfir þrjá riðla - fer í E-riðil með Brasilíu, Sviss og Kostaríka. 15:51 Sádi-Arabía verður í A-riðli með Rússlandi, Úrúgvæ og Egyptalandi. 15:50 Þá eru komin þrjú lið í hvern riðil. 15:50 Senegal fer í H-riðilinn með Póllandi og Kólumbíu. 15:49 Túnis fer í G-riðil með Belgíu og Englandi 15:49 Svíþjóð fer í F-riðilinn með Þýskalandi og Mexíkó. 15:48 Kostaríka fer í E-riðil með Brasilíu og Sviss 15:47 Ísland mætir Argentínu í fyrsta leiknum í Moskvu 16. júní. 15:47 Ísland fer í D-riðil með Argentínu og Króatíu!! 15:46 Íran fer í B-riðil með Portúgal og Spáni 15:45 Danmörk næst - og þarf að fara yfir í C-riðil þar sem þegar eru tvær Evrópuþjóðir í B-riðli. Danmörk með Frakklandi og Perú. 15:44 Egyptaland fer í A-riðil með Rússlandi og Úrúgvæ 15:44 Þá er komið að 3. flokki, flokki Íslands. Nú liggur fyrir að Ísland getur ekki lent í B og G-riðlum. Einhver hinna sex. 15:43 Kólumbía fer í H-riðil með Póllandi 15:43 England fer í G-riðil með Belgíu. Ísland getur ekki lent þarna. 15:43 Ísland getur ekki mætt Englandi. Það er klárt 15:42 Mexíkó er í F-riðli með Þýskalandi. 15:41 Sviss er í E-riðli með Brasilíu. 15:40 Króatía fer í D-riðil með Argentínu. 15:40 Perú fer í C-riðil með Frökkum 15:39 Ísland getur ekki lent í B-riðli. Spánn er B2 15:39 Spánn er í B-riðli með Portúgal 15:38 Úrúgvæ er með Rússum í A-riðli. A4 15:38 Þá er það annar styrkleikaflokkur og við sjáum riðlana fara að verða til fyrir alvöru 15:37 Pólland er H1 15:36 Belgía er G1 15:36 Þýskaland er F1 15:35 Brasilía er E1 15:34 Argentína er D1 15:34 Frakkland er C1 15:32 Portúgal er B1 15:32 Þá byrjar þetta: Fyrsti styrkleikaflokkur. Rússland fyrst - og það vissum við! Fara í A-riðil sem A1 15:29 Lineker kynnir fyrirkomulagið. 15:28 Gary Lineker, landsliðsmaður Englands um árabil og sjónvarpsmaður í seinni tíð, er kominn á svið til að kynna herlegheitin ásamt rússneskri sjónvarpskonu, Mariu Komandnaju. 15:28 Fabio Cannavaro, fyrirliði ítölsku heimsmeistaranna 2006, er kominn á sviðið. 15:27 Laurent Blanc er kominn fyrir hönd frönsku heimsmeistaranna frá 1998 og á eftir honum kemur Cafu, bakvörður Brasilíumanna sem varð heimsmeistari 2002. Carles Puyol, úr heimsmeistaraliði Spánar 2010, þar á eftir. 15:26 Diego Maradona, hetja Argentínumanna árið 1986 og einhver besti knattspyrnumaður sögunnar, er kominn á sviðið. 15:25 Gordon Banks, markvörður heimsmeistaraliðs Englands árið 1966, kemur fyrstur á sviðið af þeim sem aðstoða við dráttinn. 15:24 Athyglisverð staðreynd að Rússar, sem eru gestgjafar og eru sjálfkrafa fyrsta lið í A-riðli, eru neðstir á heimslista FIFA af öllum þeim 32 liðum sem taka þátt í mótinu. Rússar eru í 65. sæti en Sádi-Arabar eru næstneðstir, í 63. sætinu. 15:19 Rússneskur dans er næstur á dagskrá... 15:16 Þjóðverjinn Miroslav Klose, markakóngur HM frá upphafi með 16 mörk, er mættur á svið með sjálfan heimsbikarinn. Heimsstyttuna öllu heldur. 15:13 Gareth Southgate landsliðsþjálfari Englands situr spenntur í salnum: Who will @England face in the 2018 @FIFAWorldCup? Follow the #WorldCupdraw on @SkySportsNews or here: https://t.co/UH8KsMom3U 🇷🇺🌍🏆 pic.twitter.com/nBm6LEK6r2 — Sky Sports Football (@SkyFootball) December 1, 2017 15:12 Og þá er komið að tónlistaratriði... 15:10 Það er óhætt að ítreka einu sinni enn að Ísland er langminnsta þjóðin sem nokkru sinnum hefur komist í lokakeppni HM. Áður var það Trínidad og Tóbagó árið 2006 en þar búa ríflega 1.300 þúsund manns. 15:07 Pútin hefur lokið máli sínu og nú tekur Infantino forseti FIFA við. Hann er 47 ára gamall Svisslendingur sem tók við af landa sínum, Sepp Blatter, fyrir tæplega tveimur árum. 15:04 Vladimir Pútin Rússlandsforseti er í ræðustól og ávarpar samkomuna í Kremlarhöll. Við hlið hans er Gianni Infantino, forseti FIFA. 14:59 Samkvæmt tölfræðilegum líkum eru mestar líkur á að Ísland mæti Argentínu eða Brasilíu úr 1. flokki, Mexíkó úr 2. flokki og Nígeríu eða Marokkó úr 4. flokki. Ísland getur aðeins lent með einni Evrópuþjóð í riðli, mögulega engri. 14:54 Heimsmeistarakeppnin hefst 14. júní í Moskvu þar sem Rússar leika opnunarleikinn gegn því liði sem verður A2 í drættinum. Leikir í fyrstu umferð riðlanna eru síðan leiknir dagana 15. til 19. júní þannig að Ísland getur spilað sinn fyrsta leik hvenær sem er á þessu tímabili. 14:52 Leikið verður á tólf leikvöngum í ellefu rússneskum borgum. Tveir þeirra eru í Moskvu en hinir í Pétursborg, Kaliníngrad, Nisní Novgorod, Kazan, Saransk, Samara, Jekaterínborg, Volgograd, Rostov og Sotsjí. 14:50 Þegar liggur fyrir að Rússland verður í A-riðli keppninnar og byrjað verður á að draga hin sjö liðin úr 1. styrkleikaflokki og raða þeim niður í 1. sætið í hinum sjö riðlunum, frá B til H. Þegar því er lokið eru liðin í 2. styrkleikaflokki dregin hvert í sinn riðil, þá liðin í 3. flokki og loks liðin átta sem eru í 4. flokki. 14:41 „Það er erfitt að nefna einhvern óskariðil en allra helst vil ég losna við Brasilíu og Þýskaland,“ sagði landsliðsmaðurinn Alfreð Finnbogason, leikmaður þýska liðsins Augsburg, í samtali við mbl.is en hann, eins og allir landsliðsmennirnir, mun fylgjast spenntir með drættinum í dag. 14:41 Heimir Hallgrímsson landsliðsþjálfari er mættur í höllina í Kreml ásamt Guðna Bergssyni formanni KSÍ og Klöru Bjartmarz framkvæmdastjóra. 14:40 Nú er stóra stundin að renna upp en dregið er í riðla heimsmeistaramóts karla í knattspyrnu í Kremlarhöll í Moskvu klukkan 15.00. Ísland er í þriðja styrkleikaflokki en styrkleikaflokkarnir líta þannig út: Styrk­leika­flokk­ur 1: Rúss­land, Þýska­land, Bras­il­ía, Portúgal, Arg­entína, Belg­ía, Pól­land, Frakk­land. Styrk­leika­flokk­ur 2: Spánn, Perú, Sviss, Eng­land, Kól­umbía, Mexí­kó, Úrúg­væ, Króatía. Styrk­leika­flokk­ur 3: Dan­mörk, ÍSLAND, Kosta­ríka, Svíþjóð, Tún­is, Egypta­land, Senegal, Íran. Styrk­leika­flokk­ur 4: Serbía, Níg­er­ía, Ástr­al­ía, Jap­an, Mar­okkó, Panama, Suður-Kórea, Sádi-Ar­ab­ía. 29 Lineker kynnir fyrirkomulagið. Sjá meira Sjá allt

Tengd­ar frétt­ir

Ísland á HM 2018

Skyld­ur flest­um í ís­lenska landsliðinu

• Síðustu fóru að sofa klukk­an níu í morg­un
• Íslensku treyj­urn­ar rjúka út
• Fund­ur Íslands í Volgograd
• Fólk í vand­ræðum í Rússlandi

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Páll Vil­hjálms­son: Moskva, Stalíngrad og Ísland
• Ómar Ragn­ars­son: "Land­vinn­ing­ar" í aust­ur­vegi með fót­knött að vopni?