„Við vorum rændir sigri“

„Miðað við hvernig við spiluðum í dag og vor­um betri aðil­inn í leikn­um, þá er svekkj­andi að við fáum dæmd á okk­ur tvö mörk sem eru mjög vafa­söm. Annað var víta­spyrna sem var bara dýfa. Síðan var hendi í öðru mark­inu. Það er dýrt að fá svona mörk á sig þegar við skil­um ann­ars góðu dags­verki,“ sagði Rún­ar Páll Sig­munds­son þjálf­ari Stjörn­unn­ar eft­ir 2:2 jafn­tefli við Val á Origo-vell­in­um í kvöld.

„Við vor­um rænd­ir sigri, það er bara þannig. En dóm­ar­ar gera mis­tök eins og við leik­menn­irn­ir og hann er bú­inn að viður­kenna það fyr­ir mér. En það er sárt.“

Stjarn­an gerði breyt­ingu á leik­k­erfi sínu fyr­ir leik kvölds­ins. 

„Við fór­um í fjög­urra manna vörn, 4-2-3-1 og þétt­um aðeins miðjuna. Það gekk feiki­vel og ég er mjög ánægður með spila­mennsk­una. Við náðum ekki að æfa leik­k­erfið sér­stak­lega vel í vik­unni út af óveðrinu í gær. En strák­arn­ir skiluðu frá­bæru starfi í dag.“ 

„Við breytt­um kerf­inu eft­ir að við rædd­um þetta og kom­umst að niður­stöðu sam­eig­in­lega þjálf­ar­ar og leik­menn. Við vor­um miklu þétt­ari á miðsvæðinu og ná­lægt mönn­un­um okk­ar. Von­andi er þetta það sem koma skal,“ sagði Rún­ar Páll að lok­um. 

• 1 blogg um frétt­ina

Bloggað um frétt­ina

• Wil­helm Em­ils­son: Klass­ík