Við snérum blaðinu við í seinni

„Mér líður vel með að hafa unnið en við erum með í hausn­um að það er margt sem þarf að bæta. Að sama skapi eru já­kvæðir kafl­ar sem við þurf­um að taka með í næsta leik," sagði Sara Björk Gunn­ars­dótt­ir, landsliðsfyr­irliði við mbl.is í kvöld. 

Ísland vann 4:1-sig­ur á Ung­verjalandi í fyrsta leik liðsins í undan­keppni Evr­ópu­móts­ins í fót­bolta árið 2021 á Laug­ar­dals­velli í kvöld. Staðan var 1:1 í hálfleik en ís­lenska liðið lék mun bet­ur í seinni hálfleik. 

„Við sner­um blaðinu við í seinni hálfleik. Við vor­um gjör­sam­lega úr karakt­er í fyrri hálfleik. Við vor­um að tapa ná­víg­um og pressuðum ekki nægi­lega vel. Við vor­um ólík­ar sjálf­um okk­ur í fyrri hálfleik en sner­um þessu við í seinni hálfleik," sagði Sara sem var ósátt við jöfn­un­ar­mark Ung­verja í lok fyrri hálfleiks. 

„Það var skelfi­legt að fá þetta mark í and­litið, því við bjugg­umst eng­an veg­inn við því. Ég fékk það samt á til­finn­ing­una að við mynd­um snúa þessu við í seinni hálfleik. Þær sem komu inn komu inn með mik­inn kraft og bættu í sókn­ar­leik­inn okk­ar." 

Svava Rós Guðmunds­dótt­ir og Fann­dís Friðriks­dótt­ir komu með mik­inn kraft í sókn­ar­leik ís­lenska liðsins þegar þær komu inn á um miðjan seinni hálfleik. „Bæði Svava og Fann­dís komu inn með mik­inn kraft og það sýn­ir breidd­ina í liðinu. Það er geggjað að skipt inn svona góðum leik­mönn­um."

Íslenska mæt­ir Slóvakíu á mánu­dags­kvöldið á Laug­ar­dals­velli. Sara seg­ir mark­miðið að ná í önn­ur þrjú stig. „Hann leggst vel í mig. Mark­miðið er að fá sex stig úr þess­um leikj­um og við reyn­um að taka góðu kafl­ana úr þess­um leik í leik­inn á móti Slóvakíu, en það er margt sem þarf að bæta líka," sagði Sara Björk. 

• 1 blogg um frétt­ina

Bloggað um frétt­ina

• Jó­hann­es Ragn­ars­son: Þær voru all­ar annaðhvort heil- eða háffull­ar að keppa fyr­ir …