Nei, er stutta og rétta svarið við þess­ari fyr­ir­sögn. Úrslit kvölds­ins í H-riðli undan­keppni EM karla í fót­bolta voru Íslandi í óhag en draum­ur­inn lif­ir.

Ísland er nú sex stig­um á eft­ir Frakklandi og Tyrklandi, í 3. sæti riðils­ins, en tvö efstu liðin kom­ast á EM næsta sum­ar. Frakk­land og Tyrk­land mæt­ast á mánu­dags­kvöld og ef Frakk­land vinn­ur ekki þann leik er staða Íslands orðin af­leit hvað varðar mögu­leik­ann á að kom­ast upp úr riðlin­um. Liðið á hins veg­ar alltaf inni vara­leið í gegn­um um­spil.

Svona eru leik­ir Íslands, Tyrk­lands og Frakk­lands í síðustu þrem­ur um­ferðunum:

14. októ­ber
Frakk­land - Tyrk­land
Ísland - Andorra

14. nóv­em­ber
Tyrk­land - Ísland
Frakk­land - Moldóva

17. nóv­em­ber
Alban­ía - Frakk­land
Andorra - Tyrk­land
Moldóva - Ísland

Ef Frakk­land og Tyrk­land gera jafn­tefli verða þau með fjög­urra stiga for­skot á Ísland, jafn­vel þó að Ísland vinni Andorra á sama tíma á mánu­dag. Þá myndi Frökk­um duga að vinna Moldóvu á heima­velli eða Alban­íu á úti­velli til að kom­ast á EM, og Tyrkj­um dygði að vinna Andorra í lokaum­ferðinni jafn­vel þó að liðið tapaði gegn Íslandi í næst­síðustu um­ferð.

Ef Tyrk­land vinn­ur Frakk­land þarf Ísland að treysta á að Frakk­land fái bara eitt stig úr leikj­um við Moldóvu og Alban­íu, eða að Tyrk­land tapi bæði gegn Íslandi og Andorra, auk þess sem Ísland þarf auðvitað að vinna Andorra og Moldóvu.

Ef Frakk­land vinn­ur Tyrk­land eru mögu­leik­ar Íslands mun betri en ella. Þá væri liðið aft­ur með ör­lög­in í sín­um hönd­um, þyrfti ekki að treysta á önn­ur úr­slit en þyrfti að vinna Andorra, Tyrk­land og Moldóvu.

Sjá nán­ar fyr­ir neðan mynd­ina.

Sig­ur gegn Frökk­um eða tap hjá Tyrkj­um gegn Al­bön­um í kvöld hefði hjálpað ís­lenska liðinu mikið. Nú er alla vega ljóst að liðið mun þurfa að vinna í Tyrklandi til að eiga ein­hverja von um að kom­ast upp úr riðlin­um. mbl.is/​Eggert

Vara­leiðin felst í um­spili

Nái Ísland ekki 1. eða 2. sæti riðils­ins mun liðið að öll­um lík­ind­um fara í fjög­urra liða um­spil í lok mars, um eitt laust sæti á EM. Sá ár­ang­ur að hafa kom­ist í A-deild Þjóðadeild­ar ræður þessu. Fjög­urra liða um­spil um sæti á EM er í boði fyr­ir hverja deild Þjóðadeild­ar en ljóst er að lang­flest af liðunum tólf úr A-deild­inni kom­ast beint á EM í gegn­um undan­keppn­ina og þurfa ekki að fara í um­spil. Þá er fyllt í A-deild­ar­um­spilið með liðum úr neðri deild­um Þjóðadeild­ar­inn­ar.

Eins og staðan er núna í undan­keppn­inni myndi Ísland fara í um­spil með Sviss og tveim­ur af þess­um þjóðum: Búlgaríu, Ísra­el, Ung­verjalandi og Rúm­en­íu. Dregið yrði um hvaða tvær þjóðir það yrðu. Ísland myndi mæta ann­arri þeirra í undanúr­slita­leik á heima­velli (ef aðstæður á Laug­ar­dals­velli leyfa á þeim árs­tíma) og svo hugs­an­lega Sviss í úr­slita­leik (dregið yrði um hvort liðið fengi heima­leik). Þetta gæti þó breyst, til dæm­is ef Sviss kemst upp úr D-riðli en liðið mæt­ir Dan­mörku í mik­il­væg­um leik á morg­un.

Evr­ópu­mótið hefst 12. júní. Verða Arn­ór Sig­urðsson og fé­lag­ar þar? mbl.is/​Eggert

Tengd­ar frétt­ir

EM 2020

Þétt setið á öl­hús­um meðan á leik stóð

• „Hjartað er báðum meg­in“
• Kol­beinn jafnaði marka­metið
• Leik­ur Eng­lands stöðvaður í tvígang vegna kynþátt­aníðs
• Stolt­ir af okk­ar fót­bolta

» Fleiri tengd­ar frétt­ir

• 1 blogg um frétt­ina

Bloggað um frétt­ina

• Ómar Ragn­ars­son: "Krýsu­vík­ur­leið" á EM?