Mikael gaf ekki kost á sér

Mikael Neville Anderson, landsliðsmaður í knattspyrnu, gaf ekki kost á sér í leikina þrjá sem fram undan eru hjá U21 árs landsliðinu, en liðið er í hörðum slag um sæti á EM á næsta ári. Fótbolti.net greinir frá. 

Mikael var í síðasta A-landsliðshópi, en hann var ekki í hópnum að þessu sinni. Er hann enn löglegur með U21 árs landsliðinu en ákvað að gefa ekki kost á sér.

Miðjumaðurinn kaus heldur að vera áfram hjá félagsliði sínu Midtjylland í Danmörku og spila í bikarleik gegn Køge á miðvikudaginn kemur.

U21 árs liðið mætir Ítalíu á heimavelli og Írlandi og Armeníu á útivelli í þremur síðustu leikjum sínum í undankeppni EM. Sigur í öllum þremur leikjunum tryggir sæti Íslands á lokamótinu. 

• 1 blogg um fréttina

Bloggað um fréttina

• Torfi Kristján Stefánsson: Hvað er að hjá 21 árs liðinu?