Komið gott af grátkór landsliðsþjálfarans
Setja bókamerki
Lárus Orri Sigurðsson, fyrrverandi landsliðsmaður í knattspyrnu, skaut föstum skotum að Arnari Þór Viðarssyni, þjálfari íslenska karlalandsliðsins, á samfélagsmiðlinum Twitter í dag.
Arnar Þór var í viðtali í belgíska sjónvarpsþættinum Extra Time í gær þar sem hann ræddi stöðuna innan Knattspyrnusambands Íslands.
Guðni Bergsson sagði af sér sem formaður KSÍ í lok ágúst og stjórn KSÍ fylgdi svo í kjölfarið en sambandið hefur legið undir harðri gagnrýni undanfarnar vikur fyrir þöggun og meðvirkni með meintum gerendum innan sambandsins.
Í nýliðnum landsleikjaglugga var Arnari svo meinað að velja ákveðna leikmenn í hópinn en líkt og mbl.is greindi frá í gær var mikil óánægja innan leikmannahópsins með þá ákvörðun stjórnar og íhuga margir reyndir leikmenn liðsins að leggja landsliðsskóna á hilluna ef til frekari afskipta kemur af hálfu stjórnar.
„Þetta hafa verið tvær erfiðustu vikurnar á mínum ferli. Ég finn fyrir þreytu,“ sagði Arnar Þór meðal annars í þættinum þar sem hann ræddi sína fyrstu mánuði í starfi.
„Cry me a river,“ skrifaði Lárus Orri meðal annars á Twitter og vísaði þar til viðtalsins sem Arnar Þór fór í.
„Erfið staða og erfitt verkefni? Ekki spurning, en er þetta ekki orðið fínt af þessum grátkór hjá landsliðsþjálfaranum/yfirmanni knattspyrnumála. Svona er staðan í dag deal with it and get on with the job,“ bætti Lárus við sem á góðri íslensku mætti þýða sem „Hættu að væla og farðu að sinna vinnunni þinni.“
/frimg/1/53/8/1530849.jpg)
Fatlaður drengur fær ekki þjónustu í verkfalli
Líklega komin á seinni hluta hrinunnar í Svartsengi
Virknin dregist saman um 600 metra
Maskína: Framsókn í fallbaráttu
Mæðgur dæmdar til að greiða 64 milljónir
Börn hafi engan rétt á leikskólakennslu
„Erum í miðri hrinu“: Styttist í Eldvörp
„Má segja að þetta gos hafi þjófstartað“