Var þjálfaranum bannað að velja fyrirliðann?

Aron Ein­ar Gunn­ars­son, fyr­irliði ís­lenska karla­landsliðsins í knatt­spyrnu, verður ekki í landsliðshóp Íslands sem mæt­ir Armen­íu og Liechten­stein í undan­keppni HM 2022. Það er 433.is sem grein­ir frá þessu.

Sam­kvæmt heim­ild­um 433.is þá meinaði bráðabirgðastjórn KSÍ, sem mun taka form­lega við störf­um á aukaþingi sam­bands­ins á laug­ar­dag­inn kem­ur, landsliðsþjálf­ar­an­um Arn­ari Þór Viðars­syni að velja landsliðsfyr­irliðann.

Stjórn KSÍ meinaði Kol­beini Sigþórs­syni að taka þátt í síðasta verk­efni karla­landsliðsins í sept­em­ber eft­ir að tvær kon­ur stigu fram og sökuðu hann um meint of­beldi á skemm­istað í Reykja­vík sum­arið 2017.

Aron Ein­ar er á meðal leikja­hæstu landsliðsmanna Íslands frá upp­hafi en hann á að baki 97 A-lands­leiki fyr­ir Ísland og hef­ur verið fyr­irliði liðsins und­an­far­inn ára­tug.

• 1 blogg um frétt­ina

Bloggað um frétt­ina

• Torfi Kristján Stef­áns­son: Skolla­leik­ur­inn held­ur áfram!